skip to main |
skip to sidebar
|
السبت، ديسمبر 12، 2009
|
|
برغم الاجواء العامّة في البلغسفير التونسية و اللي ما تشجعش ع الكتابة بالمرة، قلت برّا سيدي ارمي عصاتك مع العصي و حاول تكتب باللي قدرك عليه ربّي في انتظار تصير موبقة م الموبقات ولاّ تندلع عركة م العركات و تحلّ بركة ربي و يحمي الوطيس و يحفل الجوّ...
المهم، اختفائي المفاجئ من شاشات الرادار كان بسبب زيارة عاجلة إلى احدى الدّول الشقيقة و الصديقة. اهوكا مسخّنة ظهري بالدول العربية و كان كلات بعضها نمنع من تهمة الاستقواء بالاجنبي، ماو كلّنا في الهمّ شرق؟ و بين قوسين، مانعرفش علاه كلّ ما نتعثّر بها الجملة العظيمة متع الاستقواء بالاجنبي تجيني الضحكة. في مخّى طول تجي تصويرة رياضة رفع الاثقال ! اهوكا اتخيّلو المعارضين متاعنا هازّين كوشنار ولاّ ساركوزي، في عوض البار الحديد و هوما يهزّو فيهم على كرايمهم بش يقوّيو عضلاتهم، و يبداو النبي مولاك، لفوق اللّوطى، لفوق اللّوطى و العرق يِسْلت... معليناش يا خويا، من ها المواضيع الزلقة و خلينا في فركة الصابون متاعنا. اي عادي سيدي، كيما في كلّ سفرة، ماغير ما تشعر، بعد نهارين ثلاثة يصيرلك adjustment و ما ترجع تحسّ بالموروث الثقافي و الهويّة الوطنية إلاّ عند اوّل احتكاك مع الكائن الناطق الذي درجت بقيّة الشعوب على تسميتو "بالتونسي" و لا بد من الاشارة هنا لوضع حدّ للاقاويل و الشائعات المغرضة، الى انّه من المرجح كونو، وبرغم جميع المؤشرات الاوّلية، الفصيلة هاذي تنتمي الى صنف البشر. خاطر كي تبدا جاي من امريكيا، على دخلتك لاوروبا تحسّ بصدمة ثقافية، معقول. تبدا داخل من اوروبا لدولة منغوليّة (اهوكا بش ما نقولوش متخلّفة)، باقي يتعدّى... لكن داخل من دولة شقيقة الى تونس و مع هذا تجيك صدمة ثقافية، ماقالش بيه ربي!!! اشكون قعدلنا بش نهزّوا اكتافنا عليهم و نبهبرو؟؟؟ الحكاية و مافيها، انّو المرّة هاذي، ما قمتش أنا بعمليّة التسجيل في الكاونتر متع الخطوط التونسية ( اللي بش نودّهم بتدوينة وحدهم بش نفرّغ قلبي فيهم على قاعدة)، و بالتالي، ما اخترتش الكرسي بنفسي. و اللّي سجللّى، الله يهديه و إلاّ الله يدّيه، كيما تحبو افهموها، في بالو خدمني خدمة العمر و دلّلني دلال لا قبلو لا بعدو، يعمل هكّا يوخّر و يقدّم و يزرعني في آخر كرسي في الطّيارة! التشخنيق مش باهي، حتّى كي طلعت الطيارة شطر فارغة (ماو انا من احباء السّفر في الفجاري)، قلت خ نشد اكا الكرسي اللي مكتوب باسمي، حتّى كان صارت حاجة ولاّ حاجة لا قدّر الله يعرفو انا كركاسة يمدوها لدارنا. ايا سيدي، شديت بلاصتي، اتلفتت يمين يسار، و الله البلاصة مش دونيّة لاكا الكلّ. عندي نظرة بانورامية ع القاعدين اذا تاقت نفسي للتنسنيس و ما فمّا حد بحذايا بش يكسّرلي كرايمي، كانشي زوز شباب عاقلين، خانسين حتّى عينيهم يحلّو فيهم بالسيف (وين و وين بش فهمت اللي الزّويّز شاربين حتى دايخين) ، ساقتهم الاقدار قدامي بالضبط. نفخت المخدة الجويّة متاعي (الحمراء طبعا)، جبدت الايبود دكّيتو في وذني و فركت يديّا فرحة مسرورة نهنئ في نفسي برحلة مريحة على متن خطوطنا الوطنية و في احضان شعبنا العظيم... بش ما نكذبوش، من الناحية الموضوعية، شهقات الاعجاب و السرور و الغبطة من اخواننا العرب بالطيّارة و نظافتها و حداثتها، خلاّت اوداجي تنتفخ فخرا و ازبهلالا بالقفزة النوعية اللي تشهدها بلادنا و بتجربتنا الرائدة بين الدول المتخلّفة و بالاهتمام الخاصّ الذّي يوليه ...... ستـــــــــــــــــــوب! ظاهر فيّا ضربت عدوى سندروم تونس سبعة اللّي قاعد يدور في المدوّنات ها النهارين! هاو شلبوق ذاتي بش نفيق. اما بالحق، على مستوى التجهيزات، نوثيغ تو ساي... و هذا اللي يدّعم الرأي القائل بكون ازمتنا ازمة على المستوى الانساني بصفة أولى و كان (و سطّرلي تحت الكان) كسبنا رهان النمو الاقتصادي و تعصير البنية التحتية، رانا خسرنا الانسان و افرغنا العباد من السوفتوير اسّاعة يا سيدي بن سيدي، و بحكم التموقع الاستراتيجي متاعي بحذا تركينة المضيّفين، انتفعت بالبث المباشر لنقل وقائع سهرة حميمة بين المضيّف و مرتو في تفاصيلها الدقيقة. و ما شفعليش الايبود اللي علّيتو ع الاخر و لا انزلاقي تحت الكرسي بش نمنع من ها التشويق و الاثارة... على قدّ ما تكمّشت و تذوبنت ، راسي دخل بين اكتافي كي الفكرون و باقي شي ! اما الحق الحق خذيت في خاطري منهم، خاطر في بالي انفردت بالبث الحصري، ياخي طلع صوتهم واصل لاخر الطيّارة، ما سكتو كان كي قاملهم راجل سبّلهم سلسبيل عرشهم من حامورابي و انت هابط. ايا مش مشكلة، قلناها قبل، المخبّي ع الاحباب عذاب، شدّينا المزفّت و حلّقت بنا الطائرة في الاجواء و استتب الهدوء و الامن. مزالت ما خذاتنيش عيني، هكّا كيما تقول بين نومين، و فجأة بدون موسيقى جينيريك، نلقى روحي في فيلم السيّدة ولاّ عصفور سطح... عياط و زياط و سبّان و نعلان و اللّى بيك و اللّي صفتك و احترم نفسك و بش نجيبلك الامن اوّل ما نوصلو و مانيش بش نخلّيك تدخل للبلاد و بش نستفعل فيك، الى اخره من عطر الحديث... طلعت راكبة تعاركت مع الشّافة متع المضيفين (لتوا لاني فاهمة علاه امّا ع الاغلب الحكاية فيها قحرة ولاّ حُقرة ولاّ الزوز مع بعضهم، الله و رسوله اعلم)، نتّفوا ريش بعضهم في زوز و قريب لا وصلت لليدين! ساعة و نص يا خلق ربي، ساعة و نص و زوز نساء بقدرهم و بكرامتهم و بمستواهم، معلقين في السماء بين لطفو و قضاه و هوما هابطين شطلى اطلي و عرك متع حمّام و العرب مخرّجة باكوات الشيبس تتفرّج عليهم و تقرمش و ساعة ساعة كي تتقال مفردة ما يفهموهاش يستعينو بالمهارات اللغوية المحلية من الركّاب التوانسة! لا و الغلبة وين؟ ما حلاتلهم العركة كان بحذا التواليت! ساعة و نص و هوما سادّين الدخول لبيت الراحة ع العباد، اللّى م الغصرة ولاّو يرقصو في الباليه على طراطش ساقيهم و يجبهيو عليهم و يعرّضولهم في السيّدة المنوبية و سيدي بلحسن بش هزّو رواحهم كمّلو الطرح لبعيد. هوما فكّو الحصار من هنا و راقصي الباليه دوّروها طرح كاتش شكون بش يدخل قبل، ربح فيه واحد م العاقلين اللي كانو يسكرو. و لو نحب نحييه، خاطر برغم اللي السكرة طيّرتلو مخّو، قعد فيه م العقل ما يكفي بش ما يفكشّ ضيقتو في الكولوار، على عكس اكا الزويّز اللي حلّوا خندق كامل قدام الخلق لا حشمة لا جعرة... في ها السفرة السعيدة، في ظرف ساعتين م الزّمان، كمشة من مواطنينا الاحبّاء، حسسوني بفداحة خسائرنا مقارنة - مانجبدوش ع الاجانب و ع الغرب الكافر الشيوعي الملحد الصليبي الصهيوني العميل- و انّما مقارنة بدول عربية كيفنا كيفها، لا و الله كنّا نسخايبو رواحنا خير منها... علاه في أغلب الدول العربية ما تسمع كان الكلمة الحلوة و نحن عنّا الغزل م الحزام للوطى؟ علاه هوما تمشي في شوارعهم مطمان، سواء ليل ولاّ نهار و اللّى تسوّلو نفسو بش يقلقك يهدّو عليه الف يدقدقوه؟ علاه ماعادش عنّا شهامة؟ علاه نسانا ماعادش عندهم كرامة؟ لوين هجّت الاخلاق؟ علاه ما عادش عنّا هويّة؟ علاه الكورة و الفيس ولاّو طموحنا و اكبر قضايانا؟ توّا تنفعنا القناطر و الملاعب المعشّبة كي خسرنا الانسان... |
|
كتبتها:bent 3ayla
على الساعة:
7:51 ص
|
|
الاشتراك في:
تعليقات الرسالة (Atom)
|
|
شكوني بنت عايلة
|
و الفتون اعزّك الله هو ما يذهب الشيرة و يعمي البصيرة و يسكن منك الفؤاد و يتركك تتدهمك في حيرة... و كما قال اش اسمو، الفتون جنون
|
|
للإتــصـال
|
|
شوية موزيكا
|
|
ملح و سكر:
كمنجة:
كمنجة:
إيقاع:
كلارينات:
قد أصبح عندي بندقية:
|
|
أهلا باللي زارونا
|
|
|
صباح الخير
مرحبا بيك و الحمد لله على سلامتك،
هاو في الطيارة فما خلايق، الزح حتى في السما الواحد ما يطمانش على روحوا ؟
توا عرفت علاش ينحيو السكاكن قبل ما تطلع للطيارة بش ما تدورش فيها السواطر .
daher fik awel marra tatla3 fi tayra hhhhhhhhhhhhhhhhhhhhhhh
ياسر جوّ
عارفك وين تمشي لبلاصة لازم تدخل بعضها
هههههههههههههه
ca fait pas rire
عودة ميمونة الى أرض الــــوطــــن...الباقي الكل الله يعوض علينا ...يا سيدي يعوض علينا حتى في الآخرة ياخي طالب و يشرّط ؟؟
c lourd ton humour, ta7chi fih, sayess 3la rou7ek wel iPod man7otouhouch wa9t le decollage et l'atterrissage ya mazmazel winzidek haja at3ass wawsa5 compagnie aérienne hia tunis air waka e'service mta3hom 7moum 7moum...et pour le fun trop d'humour tue l'humour..Wassa3 balèk wetfach wyézi m3ach ttaba3 chakarr rou7ou rahou yfassdek
bent Ayla
Bon retour
Toujours un plaisir de te lire
@dernier anonyme
on peut ne pas apprecier ce genre d'humour, ça n'autorise pas pour autant de parler sur le ton que tu utilises.
excellent post, je suis l'un de tes lecteurs depuis un bon bout de temps. keep blogging !
Yes! You are back .Thank god, I love your blog, and now i am an avid reader of it.you are doing an excellent job. as for this last incident i couldn't agree more. it is a shame what we are doing to ourselves.
خليّل، تفسير معقول.. اما يظهرلي على ها الدزّة بش يكملو يقصو ظوافر النساء قبل لا يطلعو
غير معرّف، لنفرض انّو اوّل مرّة، و مبعد؟ اش فمّا يضحّك؟؟ لكن للاسف، مش اوّل مرّة، وليت نلعب صنف اكابر
http://www.google.com/url?sa=t&source=web&ct=res&cd=1&ved=0CAkQFjAA&url=http%3A%2F%2Fbent-3ayla.blogspot.com%2F2009%2F02%2Fblog-post.html&ei=zqcjS9SyM9SC_QanrOWsCg&usg=AFQjCNEBWCKQ2OZlufQ_QmPYzhObLladUQ&sig2=epiVoRyKz8_phMRBqQjw6A
اهلا بيك سي سامي، المرة هاذي اختك متفرج خانس و جايتو صدمة لسانيّة
اللي حاطط الليان متع التجمّع (مافهمتش علاه)، الله غالب، خوذ برج بقلاوة ع الاقل ما تخرج خالي الوفاض من محلنا
اهلا بسي الحلاّج اشرقت الانوار و اهلّت الاقمار.
غير معرّف، شكرا على المعلومة... الزايدة، نعرف اللي
all electronic devices must be switched off
اما نحكي على وقت الطيّارة تعمل في المناورات الارضية، نسكّر كل شي وقت الاقلاع خاطر مزال حاشتي بعمري، و دوب ما تستوي و تعمل اكا التنننن و يشعل الضو، نحط التاليفون مود طيّارة و نخدم فرتي الباقي
بالنسبة للتونسية، بصراحة خير من برشا شركات، سواء عربية و الاّ حتّى اوروبية. ما نقولش جرّبت الخطوط الكل، لكن مثلا تعجبني خير من الالمانية و خير م الايطالية و خير من العديد من الشركات الامريكية الداخلية. بقى عندهم مشكلة حقيقية في العمليات الارضية في المطار، انا بيدي نغزّل عليهم في غزول ماسط.
شكّار روحو ما ريتوش في ها البوست و كيف كيف مدام ما ضحكتش خوذ كعبة بقلاوة تبدّل بيها مطعم فمك المُرّ
غير معرف اللي ما عجبوش كلام غير معرف، مرحبا بيك و اش عليك منّو اهوكا عدّينا الخيشة
سي توم مرحبا بيك. و الله الافكار تتزاحم لكن للاسف الرغبة انعدمت. ماعادش فمّا اكا الحاجة المحرقة للتدوين ماكانش تهبط تستنقط.... اييييه العمر يا ولدي
غير المعرف الاخير (ولو عندي احساس اخيرة)، مرحبا بيك و نوّرتنا في محلنا. عمّال التوانسة يضيعو من رواحهم و ربي يحسن العاقبة
tistehil akther min elli sarlek ya bint 3ayla .. boumandil mawjoud wenti tesla3 mi douwel sadi9a w cha9i9a ... 3lech ?? elli jaybitou mil barra kheir melli jaybinou sawe9it boumendil ?? tayara w haylemenet .. irkib fi kar ya bint inness yezzik mil jaw wil 3aleli
Mazelt fil 5icha wel fom el morr wel ba9léwa wrass z***i !! n7eb nad7ak mais c'est plus fort que moi walla houwa trop lourd pour moi, malla ri9 maset za3ma jéybet'ha th'mar wtfadlik, mahou gotlek sayéb 3lik minou
hhhhhhhhhhhhhhhh
Bent ayla la meillure bloggueuse tunisienne
barra hay jéték chahedet ta9dir min cho3bet hmida ben 9offa
اسمع نصيحة مرعوش و شد في حكايات الحارزة و الحمام و شادلية
مامسطك حاسيلو
meskina mal9a ma ylok darr 3al bok
يا سيد احمد اش من شوبينغ بالله. انا وياه مش صحاب و نسمعو ببعضنا سمع. و الشوبينغ الوحيد اللي نعملو في الطيّارة شوية كادوات بش يسكتو عليا الجماعة اكاهو
غير معرف، بالجاه لا تقص عليّا الشهرية ولا تقطع عنى اللقمة. اهوكا اليوم حافلة و زايطة جاوبتك قداه من مرة. المرة الجاية نخليك تهرّ وحدك و كان كثرت على ما وصاووك، رشة فتاك و ديما يمشي
يعيشك سي حميدة، اخجلتم تواضعي
راس لمبوط، لعلّ ربي يرزقو من سابع سماه و يريقللنا امورنا الكل معاه؟
غير المعرف المرعوش و متع الشادلية، بما اني لوجت لوجت و ما عرفتهمش شكونهم، فاقصي ما يمكنني تقديمه لشخصكم الكريم هو نصيحة بش تمشي تقدم نفسك لمركز امل متع جبل الوسط، القانون يحميك م التتبعات وقتها
غير المعرف الاخير، ما فهمتكش. اعذر جهلي المدقع بمثل ما تقول
Sans commentairs et tout ça a caue du Tunisien qui semble avoir pris ses droits récemment...
يا بنت عايلة علق بلاكة فيها الدخلة ب 5 ميا و ألبس طربوش و خشم مهرج باش نهار اللي التدوينة متاعك ما تضحكش الإخوة ينجمو رفعو ضدك قضية و يسترجعو فلوسهم
à la veille de 2010, on est toujours incapable d'exprimer son avis sans insulter les autres. Monsieur Impoli, qu'es tu en train de faire? Bent 3ayla, dans ce genre de commentaires, tu as une réponse à tes questions relatives à "9ellet Ettorbiya" mte3 echa3b ettounsi. Merci pour ce poste et les anciens postes. Signé : Mouch 9affef, Me Njewebch el "Rhout" mais ennajem netkallem bloughethom
برشى قلة تربيه...
it is all because of sexual frustration!!!
I mean the tunisian behaviour
يااختي وين تلقى اتوانسه فين تلقى الخنار في اسماء في الهوا في الارض في لصحراء في موزنبق هوما بيدهم suis navré
تحياتي
أيا باهي كي ظهرت يا مقروؤة الجماهير
ولى زعمة برشى قفة
أيا مشات معاك ، ما يغلا عليك شي، تستاهلو اللقب
أحنى قلنا وين مشات الطفلة، هذى لازم عرست و راجلها حزار ، دخلت للقفص الذهبي سكتت عن الكلام المباح
كريم
ta3ref klemek 3sal les réaction mta3ek simpa. espéron ennek physiquement tkoun super zada
كل مرة أفاجأ حقا بما تكتبين يا صغيرتي لقد أسرت عيني في مدونتك بقصص الشيقة و خياراتك الرائدة و نجحت في كسب الرهان و التحدي الكبير بالحصول على عديد القراء المتابعين . تهاني و اعجابي بأسوبك الارهابي.
une autre fois il fo savoir commenter l'article non l'ecrivain on peut meme voir un article comme une pure imagination et commenter les propo non pa celui qui a écri
يا سي غير معرف يهديك حتى كان تحب تنقد السيد انتقى عبارات اخرى
hata ahna aarfinek men nhar li jit el tnblog wenty tlawej ala rajel lol les desespérés qui peuvent pas trouver leur chance loin des ecrans de leurs pc
يعيشك. العاقبة ليك
non azayza ma 3anéch fi sebrna les mariages electroniques lol la y9adar aleya
و الله حتى انا م الاول خفت، لكن قالولي راهو قارانتي.حتى كان يقص عليه الضو الديسك دور متاعو ما يتحرقش
ПРИОР Ивестиционно-строительная компания предлагает :
- качественный ремонт квартир и офисов по низким ценам
- Евроремонт квартир ,дач а также офисных помещений с любым обьемом работ
- Очень качественный ремонт, реставрация промышленых и жилых зданий
- отличный ремонт и реставрация торговых, игровых и развлекательных центров,медицинских,финансовых и также правительственных учреждений.
- все виды строительно-инженерных, отделочных работ,покраска,побелка,стяжка,поклейка обоев ,плитка и пр.
- контроль и гарантия качественного производства работ,
Составление сметы а также Договора
http://rem.rv.ua
ПРИОР Строительно-инвестиционная компания предлагает :
- качественный ремонт квартир и офисов по низким ценам
- Евроремонт квартир ,коттеджей а также офисных помещений с любым обьемом работ
- качественный ремонт, реставрация промышленых а также жилых зданий
- высококачественный ремонт и также обновление торговых, игровых а также развлекательных центров,медицинских,финансовых а также правительственных учреждений.
- все виды строительно-инженерных, отделочных работ,покраска,побелка,стяжка,поклейка обоев ,плитка и пр.
- контроль и гарантия качественного производства работ,
Гарантия.
http://rem.rv.ua
ПРИОР Ивестиционно-строительная компания предлагает :
- отличный ремонт квартир и офисов по низким ценам
- Евроремонт квартир ,домиков а также офисных помещений с любым обьемом работ
- фирменный ремонт, реставрация промышленых также жилых зданий
- отличный ремонт и также реставрация торговых, игровых и развлекательных центров,медицинских,финансовых а также правительственных учреждений.
- все виды строительно-инженерных, отделочных работ,покраска,побелка,стяжка,поклейка обоев ,плитка и пр.
- контроль также гарантия качественного выполнения работ,
Составление сметы также Договора
http://rem.rv.ua
ПРИОР Ивестиционно-строительная фирма предлагает :
- первоклассный ремонт квартир и офисов по низким ценам
- Евроремонт квартир ,домиков и также офисных помещений с любым обьемом работ
- первоклассный ремонт, переделка промышленых также жилых зданий
- качественный ремонт и перестройка торговых, игровых также развлекательных центров,медицинских,финансовых и также правительственных учреждений.
- все виды строительно-инженерных, отделочных работ,покраска,побелка,стяжка,поклейка обоев ,плитка и пр.
- контроль и также гарантия качественного выполнения работ,
Летние скидки на все виды работ
http://rem.rv.ua
ПРИОР Ивестиционно-строительная компания предлагает :
- первоклассный ремонт квартир и офисов по приемлемым ценам
- Евроремонт квартир ,коттеджей также офисных помещений с любым обьемом работ
- качественный ремонт, обновление промышленых и также жилых зданий
- капитальный ремонт также переделка торговых, игровых и развлекательных центров,медицинских,финансовых и также правительственных учреждений.
- все виды строительно-инженерных, отделочных работ,покраска,побелка,стяжка,поклейка обоев ,плитка и пр.
- контроль а также гарантия качественного производства работ,
Гарантия.
http://remontkiev.org.ua
Ивестиционно-строительное предприятие ПРИОР предлагает :
- комплексный ремонт квартир и офисов по самым низким ценам
- Евроремонт квартир ,коттеджей а также офисных помещений с любым обьемом работ
- комплексный ремонт, реставрация промышленых а также жилых зданий
- отличный ремонт а также переделка торговых, игровых и также развлекательных центров,медицинских,финансовых а также правительственных учреждений.
- все виды строительно-инженерных, отделочных работ,покраска,побелка,стяжка,поклейка обоев ,плитка и пр.
- контроль а также гарантия качественного исполнения работ,
Любая форма оплаты
http://rem.rv.ua
Если у Вас : ощущаются боли в спине или появились боли в шее или появились боли в позвоночнике или появились боли в пояснице то посмотрите наш сайт посвященный лечению остеохондроза [url=http://astreyasystem.narod.ru]остеохондроз позвоночника [/url] и возможно Вас заинтересует книга по излечению остеохондроза (и не только) с помощью методики АСТРЕЯ.
ПРИОР Строительно-инвестиционная фирма предлагает :
- первоклассный ремонт квартир и офисов по конкурентным ценам
- Евроремонт квартир ,дач и также офисных помещений с любым обьемом работ
- комплексный ремонт, обновление промышленых и также жилых зданий
- Очень качественный ремонт а также обновление торговых, игровых и также развлекательных центров,медицинских,финансовых также правительственных учреждений.
- все виды строительно-инженерных, отделочных работ,покраска,побелка,стяжка,поклейка обоев ,плитка и пр.
- контроль а также гарантия качественного исполнения работ,
Любая форма оплаты
http://kievremont.org.ua
Ивестиционно-строительное предприятие ПРИОР предлагает :
- высококачественный ремонт квартир и офисов по низким ценам
- Евроремонт квартир ,домиков и офисных помещений с любым обьемом работ
- первоклассный ремонт, перестройка промышленых а также жилых зданий
- высококачественный ремонт а также восстановление торговых, игровых а также развлекательных центров,медицинских,финансовых а также правительственных учреждений.
- все виды строительно-инженерных, отделочных работ,покраска,побелка,стяжка,поклейка обоев ,плитка и пр.
- контроль и гарантия качественного производства работ,
Составление сметы а также Договора
http://remontkiev.org.ua