|
الخميس، أكتوبر 29، 2009
|
|
ها النهارين تشوينا على مدونة الكلاندستان نمبر وان و حتّى الحوينة الجديدة ما خلطش يتهنّى فيها. اما مهما كان، قالك يا سيدي هاذي حاجات تمس المصلحة العليا للبلاد و للعباد و اش كون يعرف يطلعشي الكلاندستان عميل ولاّ يحرض على افعال منافية للاخلاق و لاّ خلّى عاد كان خلاها و جلاها و اقترف جريمة التفكير (سواء معارض او غير معارض، مايهمش، مجرد التفكير يعتبر جريمة راهو).
لاسباب اكاديمية ما تلهيتش بش نكتب كلمتين تنديد و شجب و استنكار، حتّى نحن المدونين راس مالنا الكلام و بيعان الريح للمراكب، مافرقنا علّى نلومو عليهم في حتّى شي. اما اثناء انشغالي الاكاديمي، الحق الحق طحت بدمغة لا تقرى لا تكتب، خلاّتني نرقل في بلاصتي شعرة لا هبطت مستنقطة. تبع مليح و حلّ عينيك، ع السيت الرســــــــــمي لهيـــــــــــئة الـــــــسوق المالــــــــــــية، اللي حسب علمي ، اولا هيئة حكومية، ثانيا اختصاصها بعيد كل البعد ع السياسة، خلّى المعارضة، لقيت ما يلي  كي الناس الملاح، نزلت ع الليان متع القــــــــــــــــــــــــــــــــانون  و لذلك يا كلاندستان هوّن عليك، راهو المقص طال الهيئات الحكومية و القانون و البرلمان، و ولذلك انا وحدة م الناس نحمد ربي اللي ما كمّلوش عماولنا عينينا بش لا نراو لا نكتبو فرد مرّة و بانقص هرج. |
|
كتبتها:bent 3ayla
على الساعة:
1:22 ص
|
|
الاشتراك في:
تعليقات الرسالة (Atom)
|
|
شكوني بنت عايلة
|
و الفتون اعزّك الله هو ما يذهب الشيرة و يعمي البصيرة و يسكن منك الفؤاد و يتركك تتدهمك في حيرة... و كما قال اش اسمو، الفتون جنون
|
lol
c'est exagéré cette fois
:-D
C'est juste un mauvais lien
Le site n'est pas censuré mais la page contenant l'article a été supprimé ou ils ont mis a jour l'article (dans le cas d'utilisation d'une technique qui s'appelle url rewriting, si on change le titre de la page, le lien change aussi)
Ça n'empêche que Ammar a foutu la merde avec sa censure :s
j'suis un lecteur fidéle des blogs Tunisiens y compris le tiens et celui de Calndestino
Enfin je crois!
Pour en être sur essayes d'accéder au lien du site càd www.le-site.com
برجولية ملّا ريق بارد...إلّي هاذا قلّك سامحوني عندي إلتزامات أكاديمية؛ تقول كان يقول إلتزامات و يسكت نبهّمو و ما نفهموش. علمهالكم طارق الكحلاوي الفازة و قعد يقاسي فيكم. علقليلة في أمريكا فما إلتزامات مالنوع هاذا. أما بربي تحكيو علأكاديميا في تونس. شي يضحك راهو كيفاش يقريو فينا هاكا الجهابذة أساتذة تونس٠ عمرو ميا و قفة و تلقاه كان طارت كاتب كتاب و زوز أرتيكلووات ما جاو شي في مجلة زبلة. على كل أنا راني قارىء وفي و نحب كتاباتك برشا و كنت فلوضعية متاعك عامين لتالي و متخافش إنشالا تاخوه الماستار المحنون، شلايك و خذاتو و بدرجة حسن. ممكن تطلع إنتي مستواك طيارة و تستحق لقب باحثة عن جدارة أمّا باش تقلّي الأكاديميا خذاتلي وقتي نقلك سامحني راهي حاجة مفقودة ، خاتر لا مكتباتنا لا عقلية أساتذتنا الي يحبو يحطمو كل نفس إبداعي عند الطالب يسمحو بوجود الحياة الأكاديمية إلي تحلمو باها. و سامحني حيرتلي لمواجع و برة ما نقصدكش شخصيا. حظ سعيد و نهارك طيب.
هوكا جاتك لا تقرا و لا تكتب من عند كبكوب. كبلك سعدك مجاناً
hahaha
Yè jmè3a salliw 3annibi rakom mè fhemtouch la7kèyè :
http://photos-g.ak.fbcdn.net/hphotos-ak-snc1/hs007.snc3/11439_164237770138_823655138_2657083_7611975_n.jpg
Ons
http://photos-g.ak.fbcdn.net/
hphotos-ak-snc1/hs007.snc3/11439_
164237770138_823655138_2657083_
7611975_n.jpg
سي اسامة، لا انا نزرب خذيت التصويرة كيما جات، اما الصفحة الشهيرة 404 هي اللي خرجت
مش مشكل، القانون عندي منو و تنجم تخرجو من برشا مواقع، لكن بالصدفة نزلت و تصدمت
سي كبكوب، و الله عاد انت ادرى، وانا حتّى مرة ما تلاقيت مع سي طارق بورقة و ستيلو و قراني درسي. و الالتزامات الاكاديمية لغويا راهي مضاف و مضاف اليه، و انا توا عندي التزامات و مقيدة باجل و حدث ان تكون هذه الالتزامات في قالب آكاديمي. وبالتالي ما نجمش نسميها التزامات فن شرقي ولاّ التزامات كروية.
سي بشبوش، ايا اخطاني خير ما حتّى انت نعطيك الصرف الي عندي، مزلت ما شربتش قهوتي.
سي انس، شكرا على التوضيح
comment peut on joindre le blog de clandestino (famech kassa 3arbi ?)
بروكسي و الا صديقو ع الفايسبوك م المفروض تنجم ترى البوستات
une question indiscréte : brabbi qu'a t il écrit au juste ?
الغلبة انو ماكتب شي جديد
بعد يجي ثلاثة جمعات من اخر بوست، ظهرلهم يسكرو البلوغ
انا لله و انا اليه لراجعون. هم السابقون و بلوغنا لاحق
شنوة اللي اوفنسيف؟ قتلك اللي راهو مش صفحة انديسبونيبل، راهي محجوبة. وين ترى فيا حكمت عليك قيميا ولاّ اعتديت عليك؟؟؟
واش مدخل اذا معروف و الاّ مش معروف؟ يا سي اسامة راك ضيف بحذانا، عيب بش تدخل فينا فركة و عود حطب. لازم نحن اساعة نوشحلو
يا سيدي اذا انت فهمتني بالغالط، ميسالش، حقك على راسي من الفوق
ce qui choque vraimemt c'est le silence presque total du blogosphère tunisien (si on peut l'appeller ainsi)sur la suppression du blog de clando (à part toi, aucun n'a fait allusion à ce sujet (dima yemchi)
موش لازم تتعاركو
انا ترزيت في الحانوتة و مافيش فايدة مالعرك ..
يعيشك يا بنت العايلة على المساندة. يرحم والديك
@lotfi
c faux ce ke tu dis.il ya le blogeur kissa-online ki a ecrit sur blocage blog de clando
يمكن اسامة قلقك لكن يا بنت عايلة راهو موش غالط
404 المشهورة اصلها من الخطأ في البروتوكول HTTP و الخطأ 404 يعني أن الملف المطلوب غير موجود ،
طبعا هذا لا يعني يوتيوب غير موجود لكن يتم استبدال صفحة يوتيوب الاصلية بصفحة تحوي الخطأ 404 (و الحقيقة ان الخطأ هنا هو 403 أي غير مسموح لك بدخول هذه الصفحة)