م الاول حبيت نعمل عدة تدوينات، كل وحدة ليها موضوعها. التضامن مع الطلبة (ولو بعد خمسة فيفري، خاطر التضامن ديما)، و حجب مدونة ســـــــــي طارق الكحلاوي (و هاذي سي بالحق متع قدر مش التّى اريد بها التمقصيص على عباد اخرى ياخي غلّطتهم بالفارغ و نفختهم كي شكارة النخّالة). لكن خ نفرّغ الشكارة بكلها.

١. اعبر عن ذهولي الشديد لحجب مدونة سي طارق. مدونة ذات قيمة كبيرة، تدويناتو الكل من نوع جوّ جوّ، de haute volee . فيها مواقف متوازنة و تُعنى كما يليق باكاديمي محترم، بطرح الاسئلة و تحريك السواكن على عكس مدونات اخرى طُفيّلية تعنى باعطاء دروس و مواعظ من نوع قصّ و لصق ولاّ هاذا الطرح الوحيد و ليس بالامكان افضل ممّا كان و تبعونا تربحو خدمة ولاّ حتّى بونوات متع فطور.

و يشرّفني ضم صوتي للبرباش و انتيكور و ياسمين، و ارسال دعوة ليه و لبقية المدونين المحجوبين بش يكونو من المشرفين على ها المدونة و يكتبو فيها، و ان كانت دونهم مقاما. كثير منهم اختلف معهم في الآراء و التوجّهات، لكن الشي الاكيد انّى استنكر و بشدّة حجبهم.
مستعملي الانترنات في تونس ماهمش رضّع و لاّ محجور عليهم بش يحتاجو لشكون يوريهم الثنية و اش يصلح بيهم و اش ما يصلحش. يزينا من عهد ددّاش كبر و عاش.

راهو السياسة هاذي اكبر اعتراف بفشل ذريع في تحقيق التطور الاجتماعي. اش معناها بعد واش و عشرين سنة من التغيرات الثورية و الاصلاحات الجذرية، و لازلتم ترون ان التوانسة عديمي اهليّة؟ هاذا الكل هوما غير قابلين للتطور و للتنوّر؟ ولاّ انتوما فشلتو في النهضة البشرية؟ ولاّ بالعكس هوما امخاخهم محلولة اكثر ممّا يساعد؟؟؟

٢. التضامن المطلق و غير المشروط مع الطلبة المسجونين لانّهم طالبو بحق اساسي و بديهي من حقوق البشر. كنت بش نكتب ع الموضوع بشوية سخرية كي العادة ياخي لقيت طعم الملح و المرارة هوا اللي غالب. المشكلة هاذي فيها فرعين . فيها "معضلة" السكن و فيها الرد العنيف بالسجن و بعقوبات قاسية على الطلبة. باااهي، هات نفركوها الرمانة.


بالنسبة لحكاية السكن في حد ذاتها، و تكلفتها العالية بالنسبة للدولة و اللي ها المبيتات بش تنقبلها الميزانية، يظهرلي الحلول واضحة و ساهلة. يا امّا تطبق بكل صرامة سياسة اللامركزية و كل طالب يطالب بالسكن، مجبر بش يقعد في اقرب جامعة تابعة للمنطقة الجغرافية اللي هو اصيلها. اللهم طلب اختصاص مش موجود و الا تنازل على حقو في السكن.

تنجمو زادة يا سيدي بن سيدي تقتصدو من المصاريف الزايدة. نقصولنا من الحملات الانتخابية و اكا الدرابوات و السبوتات في التلفزة و الكسكروت بوبلاش في القرية الانتخابية و اكا الفليسات خصصوها للمبيتات اتوا تشوفو كيفاه العباد وحدها وحدها في الشارع متحزمة بالفولارات الموف و تهتف بحياتكم. يا سيدي لواه؟ برّا العشرة ملاين تونسي متبرعين بنهار ولاّ اثنين من بثّ التلفزة الوطنية (و لو هاذي خدمة تخدمونا فيها نقعدو ندعيولكم بطول العمر). سكّرو علينا البث و نقصو من الضو و م الموارد البشرية و استثمرو فلوس المواطنين في تسكين ولادهم، مش في الاقامة في السجون.

عجزتو و عجزتو؟؟ برا سيدي بيعو شوية من ملك الدولة بالدينار الرمزي للعباد اللي تحب تستثمر في ها النوع م السكن. ع الاقل ما فماش ريسك بش يشريوها باخ تف و يجيبو طلبة م الهند بش يسكنو غادي.

توا نجيو للعقوبات القاسية اللي اتفرضت علي ها العباد. بالله اقصى ما عملو شنوة؟؟ راهم تربّعو في القاعة و بداو يغنيو "اناديكم"، ياخي هبطولهم الجماعة الطيّبة كي القضاء المستعجل. يا ناس راهي ماهيش ردة فعل متناسبة مع الفعل. عام حبس؟؟؟ ليه؟؟؟ شديتوهم بامّاس في يديهم؟ يستهلكو في المواد المخدرة؟؟ فعل فاضح في الطريق العام؟؟؟

التصعيد اللي صاير ها النهارين مع الطلبة و مع غيرهم من الشرايح، ماهوش حلّ. ممكن ظرفيا تنجم تخلي العباد تدخل ببوشتها و تبعد ع المشاكل، لكن هاذا مش مناخ viable

تحبو تتحاورو مع الشباب؟؟ يا سيدي الشباب يسلّم عليكم و يقلكم حلّ مشاكلنا مش اكا الارديناتور برتابل اللي تربحو كي تبعث اس ام اس... كي تبات في الشارع ما عندك وين تشرجيه.

كتبتها:bent 3ayla على الساعة: 11:17 ص

تعليق abersabeel ...

Rien à dire... rien à ajouter... Barakallahou fik

6 فبراير 2010 في 2:59 م

تعليق H.B.J ...

Bravo Bent ayla pour tes propositions

je vais les imprimer et les envoyer

je t'encourage vivement a le faire toi meme
sinon je le fairai moi si tu veux

mais c quoi les preuves que ces etudiants ont été emprisonné pour leurs activités syndicales

??

6 فبراير 2010 في 8:29 م

تعليق غير معرف ...

@HBJ
brabbi habbit na3ref haja,tu as mis ingénieur fi ton profil,or d'aprés ton parcours et CV tu n'en es pas un.
merci pour les clarifications.

6 فبراير 2010 في 10:24 م

تعليق Judy ...

Magnifique texte! sublime, c'est exactement ça qu'il faut. Vraiment merci , merci

6 فبراير 2010 في 10:32 م

تعليق DameDePique ...

Bent 3ayla , j'adore :)) bravo :)

7 فبراير 2010 في 1:42 ص

تعليق تونسي ...

Je suis choqué par cette nouvelle que j'ai pu recevoir grâce aux blogs.

Je suis étudiant à Paris, j'ai eu des problèmes liés au logement, sauf que c'était l'assistante sociale de mon école qui m'appelait fréquemment pour m'accompagner dans ma recherche de logement et pour s'assurer que je suis dans les bonnes conditions pour pouvoir me concentrer sur mes études...

Il faut quand même garder l'espoir, et surtout oser ! C'est comme ça que le changement viendra (le vrais changement biensûr) !

Rabbi m3akom chers etudiants

7 فبراير 2010 في 11:04 م

تعليق غير معرف ...

ya benti lawa7 3lik w arja3 lil 7ammam wel 9il wel 9al, bnaya ta7founa kifek mayo5rejchi 3lik echay hadha (Ched babbouchtek w ridh 3ayech benti)
3ammar

8 فبراير 2010 في 11:28 ص

تعليق Oussama ...

Article trop fort comme d'habitude Bent3ayla
:)
@HBJ: qui t'as dit que c'est à cause de leurs activités syndicales?? Ces étudiants ont été emprisonnés parce qu'ils vendent du drogue et pas seulement ça l'un d'eux est accusé d'être le violateur de 15 filles et il s'est avéré aussi qu'un d'eux est le meurtre du président JFK.....

9 فبراير 2010 في 8:40 م

تعليق غير معرف ...

Chapeau bas Bent 3ayla!!..Bravo pour tel article ainsi que pour les autres articles que t'avais postés ...C'est vraiment un régal
Bonne continuation!

28 فبراير 2010 في 10:38 م

تعليق غير معرف ...

tramadol overnight shipping buy tramadol cod fedex - buy tramadol online legal

14 نوفمبر 2012 في 3:03 ص

تعليق غير معرف ...

generic phentermine online buy phentermine hcl - buy phentermine nz

19 نوفمبر 2012 في 5:53 ص