المرة هاذي لينا تحجبت... مش مدونة لينا...
خاطر اللي يحجب مدوّنتها و يكمّل يسكر بالشمع البروفيل متاعها في الفايسبوك، ماهوش مستقصد افكارها برك و خاصة انو اخر حاجات اتكتبت ما فيهاش ما يبررّ الحجب.

و الخطوة الجاية شنوة؟ تكمّلو تلبسوها طاقية الاخفاء في الدنيا بش ماعادش تترى جملة؟ فاش قام عليكم؟ كمّلو اعملولنا مشانق جماعية و ارتاحو منّا الكل؟
فمّا ناس بوعيهم يحجبو خيرة شباب البلاد؟ هاذم اساتذة جامعيين و صحافيين متواجدين ع الساحة العالمية و مشرفين تونس. فيقو! الطريقة هاذي ماتجيبش اكلها... الحرّية ما تنجمش تحجبها، الحرّية ريح!

كتبتها:bent 3ayla على الساعة: 7:02 م

تعليق غير معرف ...

انا موافقك مع تعاطفك مع بن مهني لينا اما بش نسئلك ياخي الريح حاجة ملموسة بش تتحجب ؟؟؟

25 فبراير، 2010 7:53 م

تعليق غير معرف ...

الكلهم اساتذة جامعيين و صحفيين؟؟ و الكلهم مشرفين لبلاد ؟

25 فبراير، 2010 8:19 م

تعليق bent 3ayla ...

حاجة مش ملموسة و موجودة في كل بلاصة و غير قابلة للحجب و لا للحبس. تنجم تستغلها اما ما تنجمش تمنعها

اي سيدي بكلهم مشرفين البلاد

25 فبراير، 2010 9:06 م

تعليق bacchus ...

بنت عائلة
عجبتني طاقية الاخفاء تعبر على وضعنا مع رجاء ماعادش تجاوب الأنونيم على خاطر بعضهم نونيم لكن متنكرين في صورة أنونيم
مع الشكر

25 فبراير، 2010 10:24 م

تعليق Youssef ...

أنا شخصياً بديت نحضر في روحي ، التلشرجمون خدام وكل بلوغ وللى سيت وللى فيديو وللى برنامج حلو، نهبطهم عالديسك دور. شكون يعرف نقوم نهار نلوج عالمودام ما نلقاش ريحتو ... وللى نطلع للسطح تضربني النسمة وما نلقاش البارابول ...

25 فبراير، 2010 11:18 م

تعليق lina ben Mhenni ...

شكرا على التضامن يا بنت عايلة
@بلاش هوية ايه مشرفين البلاد و كان عجبك

25 فبراير، 2010 11:24 م

تعليق أنا موش إنتِ ...

لن تمنعوننا من الكلام...لن تستطيعوا حجبنا...فلتحجبوا كلّ "البلوڤسفير" إن أردتم...
أما ديما فينا النّفس بش نقولوا "لا" وبش نلقاو الحلول المناسبة...
شكرا بنت عايلة...
شكرا لينا...يا مشرّفينّا بالرّغم من كلّ شيء...
و المجد لمن قال "تفو" في وجه كلّ من قالوا "سمعا و طاعة سيدي"...

26 فبراير، 2010 2:28 م

تعليق غير معرف ...

عسلامة بنت عايلة تو عاملين حالة و اندرا شنوّة ؛تي ماهو صبو هوت سپوت و حلو المواقع المحجوبة و ماعاش تكسرولنا روسنا

26 فبراير، 2010 10:24 م

تعليق Entrümpelung ...

شكرا ع الموضوع

11 سبتمبر، 2012 1:27 م

تعليق entrümpelung wien ...

شكرا على الموضوع الرائع المميز
entrümpelung
entrümpelung wien
entrümpelung
entrümpelung wien

20 أكتوبر، 2012 9:07 م

تعليق الربح من الانترنت ...

الف شكر على الموضوع الرائع
التسويق الالكتروني
bookmarks

28 ديسمبر، 2012 9:47 م

تعليق umzug ...
14 يناير، 2013 1:15 م

تعليق luxusumzug ...
22 يناير، 2013 3:33 م