برشا يسألو المدونين، علاه التخفي، علاه التنكر، شكونك انت كان عندك شجاعة...
انا وحدة م الناس، نجاوب على السؤال بسؤال يظهرلي اوجه ببرشا... وانت علاه تدخل تقرالو ها المدون؟
يظهرلي الشي الوحيد اللي يهمك فيه في ها الفضاء، هوا كَوْنُو مدوّن، انسان يكتب، يصور، يفكر، يشعر، يسب،... اللي هوا. و هاذي الصفة الوحيدة الي تربطك بيه.
بش يغير حاجة لو تعرف وجهو ابيض ولاّ اسمر؟ طويل ولاّ قصير؟ غني ولاّ فقير؟ خنانتو هابطة على وجهو ولاّ سنيه داخلين بعضهم؟
بش تولى تحبو اكثر ولا بش تكرهو اكثر؟ ولا بش تفهمو اكثر؟
فما شكون اختار انو يدوّن باسمو و لقبو و تصويرتو و مضمون بوه و امو. و فمّا اللي لا!
علاه تحاسبو على اختيار الانونيما؟ و تبدى تجري تلم في الاخبار عليه كي المفتش كرومبو؟ و علاه تحب بالسيف تعرفو في الدنيا و اذا رفض يولي بيه و عليه وصفتو و نعتو؟
لِكُلٍ اسبابه، و تبعد كل البعد عن الخوف، خاطر في نهاية الامر، ماناش نحكيو في اختراع الذرة. و علينا احترام ها القرار، احترام الخصوصية.
و زيد ما تنساش اللي المدونة راهي تعكس جانب من الانسان اللي وراها، لكنها ما تختزلوش. و مش ديما صاحب المدونة ينجم يفدلك او يتفلسف او يكون كما يجب ان يكون، او بالاحرى كيما نحبوه يكون، مدوّنة بالصوت و الصورة، ثلاثية الابعاد.
نصيحة، اكتفى بالوهم و بالعالم الافتراضي، احيانا يوفر عليك برشا خيبات...
و الفتون اعزّك الله هو ما يذهب الشيرة و يعمي البصيرة و يسكن منك الفؤاد و يتركك تتدهمك في حيرة... و كما قال اش اسمو، الفتون جنون
emmella talla3 ena chkoun :p
يسلم فمك
C-a-d que tu n'es pas forcement une Bint 3ayla
?
يا بنت عايلة الحكاية و ما فيها انو صيف، عمار مشى للخلاعة عندو انسابو، و خلى صنّاع سيزونيي متاعو في البلوغسفير، اضرب هذا، كسر الآخر، امرج هذاكا الخ. حتى يهبهب الخريف و يرجع المعلم ههههه
دكتر، انت بش نطلعك م الحومة بكلها، بعد اللي ما فرحتش بيا
الحاكم بامر الله النورملّي، يعيشك، اما كان ربي سلّمني من عجالي الكراهب، على ها الدزة مانيش بش نسلم من غرض الدم
سفيان! ياااااا مرحبا.... بالظل في الشتاء..
انت بالذات تنجم تقول، بنت عايلة مفهوم a geometrie variable وانا ماناخوش عليك
السيد فرررر، المحزن في الامر انو كي تدور في المدونات العربية و سطر تحتها بالالوان، يعني مش حتى الغربية، تلقى مواثيق اخلاقيات التدوين و معاملات ارقى ببرشا منا نحن اللي نتبجحو بكوننا احسن الدول العربية، باش؟ مافهمتش
نصيحة، اكتفى بالوهم و بالعالم الافتراضي، لأنو احيانا يوفر عليك برشا خيبات...
و يوفر ع المدون برشا مشاكل... الاصحاب اللي يعرفوني من قبل ما نولّي مدون و توة يعرفوا أنّي مدوّن و يقراولي... الكلهم (بدون استثناء) صارتلي معاهم مشاكل.
لذا الواحد م الاحسن يخلّي الإفتراضي للإفتراضي و ما يخلّطش بين الإثنين... و يجعلو يسلّكها
:)
Es2el berbech w metes2lch tbib
يرحم فمك يا بنت عايلة ..قريب نهار نحل عيني نقا لوسي هادد علي .ماو لاباس ..بالله اش ما بيناتنا احنا و القراء الاكارم ..قليل من الاسطر و ربي سمعنا على بعضنا علم الخير... ..لواه تلوجوا و كيما قلت و انا واحد من ناس و قعلي كيما وقع للبرباش ..برشة صحابي ما عجبهمش اني نكون مدون و نجبد حاجات ما يحبوش هوما حتى يخمم فيها و كيما قلت يا بنت عايلة "و زيد ما تنساش اللي المدونة راهي تعكس جانب من الانسان اللي وراها، لكنها ما تختزلوش"
ساعات يجيني واحد في الفايس بوك يطلعلي بطلعة نقعد باهت ...واحد يقلي انت مهندس و لا اخر يقلي انت ناشط سياسي ..مخي يقف برجولية نقول لها الدرجة العباد عاطية ياسر اهمية لشخصية المدون اكثر من افكارو؟؟
اكا البرباش نصايحو ذهب
ريتني سمعت كلامو
t'es superbe!!!!!!!!!!!!!!
mahlek
Je suis d'accord sur le principe: pas de mélange entre le réel et le virtuel. Il reste que celui qui blogue écrit parce qu'il aime écrire, il veut être connu (et ptet même reconnu pour ça)! que faire alors? prendre le risque de blogguer avec sa véritable identité?
المهمّ صديقتي أن نكتفي بالنصّ
:-)
لا فُضّ فوك وسلمت يداك..
vous me faites peur vous tous, reprendre l'écriture qui a toujours été une passion? ou se contenter de lires les écrits des autres? en gardant mon amour ancien pour la feuille de papier que j'aime remplir par mes délires sans lecteurs et sans commentaires. mais je ne nie pas que le monde des blogs commence à m'attirer pourrais je le franchir un jour?...peut être