ربي يستر، رمضان اخر الجمعة هاذي و ظاهر فيها السنة بش تاكل بعضها...
انا قبل كنت م الناس البهالل اللي تفرح كي يجي سيدي رمضان، الله غالب، ماشية هكاكة بالنية على عمايا. نقول شهر فضيل، شهر عبادة، شهر ماكلة و سهريات و دبش، و لمّة... شهر يولي الواحد عندو فيه فايض متع حب و حنان للجنس البشري الكل، شهر لربي و لعبادو quoi!
اي اما هاو طلع شهر هردة مش لعب! ربي يفتح على من فتح علينا...
قالك يا سيدي العباد تولي مجرّمة في ها الشهر. تكثر السرقة و القتل و الاجرام، و الجاه كيما نقلك، كلام علم و احصائيات هذا، نفدلكو معاك امالا؟! اللطف اللطف يا صاحب اللطف...
قالو شهر التسامح و شهر الفضيلة و شهر العبادة، فك عليك، هذاكا كلام متع اشهار راهو، يحبو يصوموك بالسيف، خاطر كي انت تصوم، الله اعلم اش يربحو هوما...
و نزيدك زيادة، قالك الانتاج و الانتاجية تولى في الحضيض في ها الشهر الفضيل.
اي الحق خاطر مستانسة في السماء الانتاجية، و نحن قلبنا حارقنا حرقة ع الانتاج. لواه الكذب؟ انا قداه من مرّة نبدى مروحة، نتلفت نلقى واحد رامي روحو على كبوط كرهبتو يبكي بالشهقة و يهبط فيهم حيار خاطر حاسس بالذنب كونو فصع م الخدمة ولاّ خاطر عطّل مصالح المواطنين...
انا وحدة م الناس، اساعة كنت نقول تبارك الله هاو الدولاب يدور و التجارة ماشية و العباد تشري، بالكريدي، بالحاضر، بالسلف، اللي هوا، المهم، هاو ماكلة، هاو لبسة، هاو جهاز دار، هاو خطبة، هاو فاتحة، هاو طهور... و الله كان ماشي في بالي الاقتصاد يتنعوش و سيدي رمضان يحل ببركتو ع الخلق.
صحيح نرى في التكركير و النوم في الادارات، اما يا أخي فما آية ولا سورة قالت من شهد منكم الشهر فليسهره؟ انا في بالي ربي كتّب عليكم الصيام، الباقي، تسهر،تشطح، تسكر، تصوم، تفطر، تعديه فوق سجّادة، عاد يظهرلي هاذيكا امورك. و ماظاهرلي كان الاسلام حرّم عليكم الخدمة، بالعكس، العمل عبادة. و اللي قلبو حارقو ع الخدمة، من حينو، اشكون شدو؟ ولاّ ما فلحنا كان في التعلاّت؟
ايا سيدي تعرف كيفاه؟ رمضان مبروك علّي صام و علّى ما صامش، اهوكا ع الاقل يدبر بزايد ماكلات بنينة و سهريات و جو، و ربي يعيدو علينا بصحة و عافية ع الاقل الواحد يشبع من لمّة العايلة و من دفاها، ولاّ حتى هاذي فيها انّ؟
و الفتون اعزّك الله هو ما يذهب الشيرة و يعمي البصيرة و يسكن منك الفؤاد و يتركك تتدهمك في حيرة... و كما قال اش اسمو، الفتون جنون
ki boul jmal ton blog 3amel yamsat
ياخويا ملا ظرافة و ملا فيناس. و انت سي الانونيم اللي تدور كي الفرطسة من واحد لواحد بها الجملة العظيمة، لتوا لا حن عليك ربي و بدلتها؟
@l'inconnu : barra a3mel doura wella a3mel chriba limounadha fammech ma t3addi el blog el masset !!!
@bent 3ayla : wa7dek !!! bareddtli 3la 9albi, tellement la blogosphère halayemet rakkbetli essokker weddam.
je suis d'accord avec toi à 100%.
Nchalah romdhanek mabrouk ya lella w kol 3am wenti 7aya b5ir!
Samia
sattarli JHEZ DAR + FET7A + 5OTBA... l7ajét li ya7r9ou fik min de5il.er7i er7i da5léni looool
سامية، كان تشوف انا... ع الاقل واحد خرج شوية م اللي كاتمو
سي غير المعرف متع الزهاز، كان تشوف قداه يحرقو... نار باردة. خاطر الحق العرس افار كبير
سي قليل الحياء، بالله اكبر، و يزي م التفوريخ راهو ما يليقش
و ما تخلينيش نرجع الموستيكار بش اللي يدخل لها المحل ما يتعثرش بالتعفن متاع سيادتك و امثالهم
هههه اي و اذا رجعت الرقابة؟ وين المشكلة؟
انا قلت راهو كبر و رجعلو شاهد العقل. الله غالب مزلت عظمة حارمة. لعل سيدي رمضان يهدك
على صوتك... بالغناء بالغناء
لسا الاغاني ممكنة ممكنة
و لسا ياما.. ياما ياما ياما
حمير وبهامة
post très marrant
comme d'hab
:-)
ينصر دينك يا استاذ نفيـــــــــسة !!
بنت عايلة كل رمضان و انت بخير و عوضنا على الله في الانتاجية .
بالنسبة للحشرات الزاحفة ننصحك تعمل مسحة للحانوت بالفتاك راهو ضربة ضربة !
Ane onyme@:منك نسمع الي بول الجمل ماسط نشكرك على المعلومة القيمة.
نصيحة اخوية كان ضرسة العقل مقلقتك برشة كلم بنت عايلة تعرف زنس دونتيست موش نورمال !
1- إنت ما تصيمش ! هذه مشكلتك و إنت حرة في ذالك ...أما كي تتفيسيخي على الصايمين هذا مش باهي!
2- علاش إتحرفي في القرءان ، أش دخلك فيه !وقت ألي إنت ماهوش مساعدك
3- المنطق متاعك هذا معروف تاريخيا ، عندو أكثر 1400 سنة ، و لكن أش وصلو بيه .ألي حتى شيئ ،،، لآنك ماكش قاعدة إتضيفي في حاجة جديدة !!!
4- إسمع هذا تحدي صارخ لك يا بنت عائلة ! المرة الجاية لو أنك تتطاولي على التوانسة الصائمين و إتجرحيهم ...راهو نعطيك الكلاط !!! و إنعيفك في روحك....مفهوم!!!
فلتاريان، يعيشك سيدي و مرحبا بيك في حانوتنا. عنا مرقاز هايل !
سي امين، يا سيدي مرحبا بيك، وينك مختفى ها الفترة؟ شفت اكا الحالة المكربة؟ اش تحب تعمل هذاكا المكتوب
سي قاسم، انت عاد لازم نجاوبك نقطة بنقطة
اولا، ولو ماعندهاش محل م الاعراب بش نحكي على حاجة تخصني، اما يا سيدي نعلمك اللي انا نصوم، و ربي يقوينا على صيامو وقيامو ها الشهر. ومانيش قاعدة نرى اللي انا نتفيسخ ع الصايمين ف اللي قلتو الكل
ثانيا، مانيش نحرف فيه، بالعكس، اناقلت الاية قالك من شهد منكم الشهر فليصمه، فالصيام هو الواحب، مش السهرية و ما تابعه، يعني فما فرق بين الواجب الديني و النسق الاجتماعي
ثالثا، المنطق الي تحكي عليه ما فهمتوش. خاطر التدوينة هاذي ماشية لحاجة برك، للمدونين اللي نحترم رايهم و خيارهم بش ما يصوموش و كونهم يعبرو على حريتهم، اما كونهم يبداو يعيبو علي رمضان بش يبررو خيارهم، و كل مرة سبّة م الحيط، هاذا اللي نرفزني.
رابعا، عم قاسم، يظهرلي انا وياك بالقدر، و تهددت عليا قبل و جاوبناك. اما يظهرلي الجواب ما وصلش بالقدا، اعلى ما بخيلك، اركبه! خاطر حسب علمي لا بيناتنا حرثة لا ورثة لا كلمة اعوذ بالله...
From Wild Bled,
Complétement déçu de vous ya bent 3ayla, Je n'aurai jamais pensé que vous pouvez massacrer une sourat de notre Coran. Allah yeghferlek - N'oubliez pas qu'un mot médisant pourrait vous ramener la colére du dieu; Si blogger peut nous causer de tels conséquences, britou minnou. Juste un petit rappel, j'ai géré quant j'était plus jeune de grandes sociétés et je peux vous assurer que dans ces sociétés la productivité augmente durant RAMADHAN - Parole d'expert
...
عسلامة خويا ولد بلاد. زارتنا البركة، عندك مدة ما طليتش
اما و الله بش تشككوني في روحي. ياخي الحمدو الله نحكي بالعربي، بالدارجة لا فقهي لا شي.
وين ترى فيا حرفت آيات؟
انا سالت سؤال استنكاري، قلت ياخي تراو في آية تقول كذا؟ و بالتالي، السهرية و دزان البيدق راهو مش علة في فرض الصيام بيدو، و انما سلوك اجتماعي فقط.
بالنسبة للانتاجية، ما نجمش نجاوبك مدام ما فماش تحت يدي احصائيات دقيقة، لكن بالنسبة ليا و على صعيد شخصي و عائلي و من خلال العباد اللي نعرفهم مني ليهم، ما لاحظتش اللي الصيام ولا رمضان يأثر على مردوديتهم.
عم فولتير، وسع بالك، يصير ع الرجال، انت تقلهم ثور و هوما يقولو احلبو، هاذا حال الدنيا
و خاتمة القول، ربنا لا تآخذنا بما فعل السفهاء منا
Asslema bent 3ayla,
Rabbi yit9abbel minnek w minna assiyam wal 9iyam.
Pour les autres, bellehi pourquoi à chaque fois où il y a une sujet qui touche à la religion tnagzou kil 9atouss?
illi y7eb ya3mal amr bilma3rouf w nahy 3an almounkir, le fait polimment 9alou na3tik elklatt!! chadha dinna chey9oul?
ma fiha bass tet3almou chwaya lsen 7low à l'occasion de sidi Romdhan.
Quant à toi bent 3ayla, je crois que lorsqu'on traite des versets coraniques, on doit le faire avec un immense respect. Je sais que tu utlises beaucoup de l'humour dans tes posts (et j'aime bien ton style), mais quand on touche à la religion, vaut mieux le faire avec respect.
Amitiés
tous est relatif,de mon expérience et mon entourage ya faten rahou fi romdhane la productivité augmente,on ne parle pas de l'éthatique ou la productivité baisse car elle est déja nulle !
sinon rahou mech béhi tabdil sourra fel 9ro2ene.
Pour tous le reste haja tkhoss koll wahed,yssoum ou non, chacun est libre fi denytou(cétait pour repondre aux gens qui ont dit n'importe quoi alors que t'as pas dit du tous fel poste elli enti matsoumech)
romdhanek mabrouk :)
سي محمد و سي التونسي، شكرا ع المرور و شكرا علي رايكم اللي نحترمو و خاصة خاصة على طريقتكم الراقية في الحديث، و هي للاسف ولات آخذة في الانقراض...
نزيد نعاود و نكرر، حسب رايي الشخصي انا ما نراش اللي فما تحريف للاية، و تعاملي مع النص القرآني كان في حدود المقبول عرفا و شرعا. و في الاخير، ربي قال الاعمال بالنيات..
هاك طلعت اسلاموفوبية وانا مافيباليش
ايا تجعلني نتصرفلك في بلاصة 5* من ضمن اعداء تونس ومن بعدها الطابور الخامس ؟؟؟
الحق الحق المرة هاذي مسطها
تي شبيك ما كنت على محلاك
كريم
Comme d'hab, dès qu'on critique un mauvais agissement des musulmans (qu'il soit au nom de l'Islam ou autre) on se voit visé par la Moutawa de la blogosphère. J'ai lu le post et il est si agréable et expressif, une question rhétorique qui nous rappelle le vrai sens de Ramadan, très intelligemment, et bien entendu de la mal compréhension de certains petits cons! Je vous rappelle qu'à chaque fois que vous dites: "lè khdemt w la hom yahzanoun" vous vous inspirez d'un verset coranique "oula'ika la khawfa 'alayhom wa la hom yahzanoun" alors dites vous que vous êtes tous des apostas suite à votre syllogisme digne de celui "du chat" dans la comédie de la terre! Allez bon ramadan à tous
Bravo bent 3ayla ;)
و شعليك في البهامة و الي ما فهمش مغزى التدوينة ، هذوكم تقعد تحكي معاهم حتى الغدوة الصباح و تعمللهم شرح نص و النافع ربي
@kacem
ça s'appelle de l'humour noir.. Relis ce qu'elle a dit et tu verras que t'as mal compris ce qu'elle a voulu dire.. Elle critique pas le respect qu'on doit au mois de Ramadan mais plutôt l'attitude passive qu'on a et notre tendance à nous débarrasser de nos responsabilité en prenant Ramadan comme prétexte pour la mauvaise productivité
@Ignescence
wallahi wallah, wallahi wallah wallahi wallah law kèn nchoufek 9oddemi ellama na3tik 7a99 vizita lel psy.. loooooooool
ton attitude vis à vis l'islam et les musulmans est vraiment pathétique et dégoutante.. s'il n'ont pas parvenu à déchiffré cet humour c'est que c'est pas parce qu'ils sont musulmans..
by the way, quand on soit sûr de ses idées et de ses croyances, on aura pas besoin de l'approbation en masse..
عيب عليك المرة الجاية اكتب تدوينة ب 10 أسطر و التفسير في كتاب و إلا أعمل ملاحظة للأذكياء فقط.
ويني الآية اللي حرفتها !!؟
رمضان مبارك و تصوموا بصحة الأبدان
A mon avis ce blog a fait d'une pierre deux coups.
D'une part il critique nos mauvaises habitudes non seulement pendant Ramadan mais aussi pendant toute l'année, et comment on use de tous les prétextes possibles et imaginables pour ne pas travailler (entre autre celui du jeûne )
Il critique aussi la crédibilité des "arguments" qui nous sont parachutés sans aucune preuve à l'appui (statistiques ...) et qui servent à ceux qui n'assument pas encore leur choix de ne pas jeûner pendant ce mois et qui se sentent obligés d'écrire des blogs sur pourquoi il est inutile de jeûner (les "arguments" fusent de partout) et blabla et que si on jeûne c'est qu'on est en quelque sorte un abruti et qui n'a rien compris au canular qui s'appelle "mois de ramadan". (Je ne vais pas faire un char7 nass :pour ceux qui n'arrivent pas à comprendre, je dis tant pis pour vous)
C'est pour ça que bent 3ayla dit
"انا قبل كنت م الناس البهالل (abruti )اللي تفرح كي يجي سيدي رمضان" ... " اما هاو طلع شهر هردة مش لعب"
@ بنت عايلة
تدوينك للي ما يفهمش يقصر فللعمر
فمّا عباد ما يذكرو الإقتصاد و الإنتاج و الإنتاجية كان كيف يجي شهر رمضان. ما يتذكرو الحيونات كان كيف يقرب العيد الكبير. كيف العباد إلّي ينتقدو في نضام الحصة الواحدة في الصيف، و هوما تلقاهم يخدمو في التعليم. معناها هو في الصيف ما يضرب حتى ضربة، لكنه ضد نضام الحصة الواحدة.
اهلا بنت عايله
التدوينه هاذي ما تتحطّش في اطار دقيق متاع تأثير شهر رمضان بما يعنيه من * تغيير و إرتباك في توقيت العمل * تغيير و إرتباك في نظام و إيقاع الموظف و العامل سواء من ناحية السّهر أو القومان بكري *تغيير و إرباك في مصروف الشّهــّاره الزّواوله .. اللي من المفروض انّو رمضان اتجعل باش الاغنياء "يحسّو بيهم" :) و "يعطفو عليهم" :) كحلّ أخلاقي لازمة التفاوت الاجتماعي ..لكن اكبر متضرّرين و اكبر مهنتلين و اكبر مّرمدين من هالشّهر هوما الزواوله بالسّلوفات و بالعجز على المسايرة و التوفير ..
ثمّ بربّي ملاحظه .. صحيح ما فماش آية قالت : من شهد منكم الشهر فليسهره امّا بربّي ياخي الواحد تحبّوه يبقى نهار كامل على ريقو .. و تحبّوه يزيد يتخمد و يرقد بكري .. قال شنوّه السّهر ماجاش في القرأن ؟؟ :) لا عاد شي طبيعي انّو ياقع نزوع لاواعي لتعويض حرمان النهار بالشيخة في الليل .. و شنوّة شيخة الليل غير السّهر ؟؟؟ يعني السّهر من تحصيل الحاصل .. و القومان مّخّر يولّي بالتالي من تحصيل الحاصل ، و التكركير و النّوم في الخدمه كذلك .. و الفصعة بكري و دورة في المرشي و الشّهاوي .. من تحصيل الحاصل .. و من بعد كي الواحد يخزر بشويّة جدّية للظواهر هاذي و تأثيرها على الاقتصاد .. يتلام ؟؟
هاذاكه علاش انا نرى اللي التدوينه هاذي تجي تحت العنوان هاذا : لا لنقد المقدّسات
موش تحت عنوان : براءة شهر رمضان من الضرر بالانتاجية
انت ترى اللي ثماش اجماع على مسؤولية هالشّهر على تقهقر الانتاج و الانتاجية ، زاده ما ثمّاش اجماع على العكس ، و ما ثمّاش اتفاق على الفايدة الصحية و الا الغذائية و الا الاقتصادية متاع شهر رمضان
رمضان الطفوله و اللعب و جوّ المغرب و ريحة الحلالم و البريك و ذكرياتنا مع اوّل نهار نصيموه و المسلسلات و الالوان و الضّو و الطّاوله المنصوبع لربعه متاع الصباح و من الطاوله للفرش من جديد .. و تغيير الريتم الثقافي سوا ديزون
هاذا حاجه
اما رمضان الضرر بالانتاج و الانتاجية ، و التكركير و النوم في البيروات و الاعصاب المتوترة و العرك و تاكّد الفقراء من فقرهم .. و الضرر الصحّي اللي يأكّدوه برشه اطبّاء في الجهة المقابله للاطباء اللي يأكّدو فايدتو الصحّية .. حاجه اخرى
دونك
ما دام ما فمّاش اقفاق مطلق حول حتّى شي
من حقّ اللي يحب يصيم يصيم ، و يقول على اسباب صيامو
كيما من حقّ اللي ما يصيمش ما يصيمش و يقول على اسباب عدم صيامو زاده
عسلامة سي براستوس، زارتنا البركة و سيدي النبي.. المحل محلك و الدار دارك. و نقدك ووجهة النظر متاعك على راسي م الفوق. و انا من جماعة حزب الحرية، و ماعندهاش استثناءات الا من منطلق الاحترام و عدم الحض على العنف و التطرف و لذلك ماعندي حتى مشكلة بش الواحد ينقد المقدسات، و هوا كي تجي تشوف، حتى حد ماهو يستنى في رايي بش ينقد ولا لا... و لذلك منو ليه.
انا عندي مشكلة مع النقد اللي شادد بالسكوتش (اهوكا بش ما نقولش بالبزاق)، و اللي الغاية منو ننقد و اكاهو، صحري بحري. توا النقد متع الانتاج و الانتاجية و مضار الصيام و الله اعلم اش اخر زعمة موجهة لرمضان كواجب ديني؟ ولا هانا ننقدو و اشكون يزايد، اللي يركح اكثر، صحة ليه و برافو.
باهي سيدي، هاو حسب رايي المتواضع ردي بطريقة شبه جدية (الله غالب انا و الجدية ما نحملوش بعضنا).
نبداو بمضار الصيام... يا سيدي بن سيدي، جرّب نهار تترسها قد قد ولا تبدى مقرب ولا متكدر ولاّ اللي هوا، وحدك وحدك تضرب نهارين ما تنجم تحط في فمك شي. تصوم تلقائىا حتى بدنك يلقى التوازن متاعو و يفهم راسو من ساقيه. و الحالة هاذي، مدامك مغروم بالقطاطس، راهي موجودة عند القطاطس و الكلاب و حيوانات ربي الكل. يعني حاجة غريزية و ماجبناش الصيد من وذنو.
نمشيو بصورة استعجالية زادة لحكاية الانتاج و الانتاجية. توا الواحد يقول سهريات و ماكلة و مسلسلات و جو. اي يا اخي هاذا رمضان الاجتماعي، مش رمضان الديني. في الاسلام العمل عبادة، و الخدمة مبجلة على الواجب الديني. و المشكلة مش في الواجب بقدر ماهي في الانسان
و هنا نعيب كوننا نقيسو مدى "نجاح" ولا "نجاعة" ها االواجب من خلال تمظهراتو الاجتماعية و الانسانية. و ننساو انو كل مرة ندخل باراماتر اسمو الانسان في اي معادلة، ما عادش نضمنو النتيجة.
تي هوا الدواء، اللي هوا الدواء، حاجة علمية و تحاول ترتقى للصحة المطلقة، ينجم عبد يمشي معاه و عبد يمشيه جملة. كان كل بدن، اللي لا عنا عليه لا حول ولا ارادة، عندو ردة فعل تختلف من كائن لاخر، نشدو حاجة تدخل فيها النفس و الارادة و الدراشنوة و نعممو علي كل الخلق؟
اشبيهم المسلمين الصايمين في اوروبا و في امريكيا ماعندهمش مشكلة؟ ولا حد تقلق من انتاجهم ولا من مردوديتهم؟ ماو المشكلة مش في الصيام ومش في الواجب الديني وانما في التخلف متاعنا اللي خالط علينا، و حتى الحاجات اللي م المفروض تهذب شوية م السلوكيات، نحن كبيناها و رديناها خور.
و الخلل ماهوش ديما في الدين، و انما في تطويع الدين للنسق السياسي و الاجتماعي. مش قداه من مرة واحد ينطق من اجنابو ويقلك القورة مسلمين اكثر منا؟ ولا هوما المسلمين مش احنا؟
علاه شدينا في الاسلام في المظاهر و في الورع الظاهر و في الطقوس؟ و طول اللحية قداه و السروال لازمو يوصل للشعرة الاولى متع الشوفى؟ وين العمل؟ وين الايثار؟ وين الرحمة؟ وين السلام؟ وين و من يرد على عقبيه فلن يضر الله شيئا؟ وين انعامو عليك بنعمة العقل و انت دليلك ملك؟
زعمة المسلمين غالطين و عمرهم لا قامتلهم قايمة و السبب خاطر يصومو ولا خاطر يصليو؟ ولا خاطر نحن شدينا كبينالو سعدو و عملنا منو مسخ بش ما نواجهوش بشاعة حقيقتنا ووزننا بين الناس اللي هوا اقل م الصفر؟ الاسلام منا، على حالتنا هذه براء.
توا انسان ينقد الدين ولا ملحد ولا حب يتنصر، و الله منو ليه، ماهوش بش ياخو اذن البقية، ربي معاه في كل تصوراتو. لكن انسان يجي ينقد الصيام يقلي مضر بالصحة، خايف علينا و من جيهة اخرى يمدح في الشرب اللي يرد الكبدة نشّافة و يقلي هاو العيشة الرسمي، سامحني، ثبتلي امورك قبل. التناقض و النقد لاجل النقد ماجات شي. خلّي ع الاقل العباد تحترم ذكاءك..
شكرا
الغاية من تعليقي موش إثبات انّو رمضان حكاية فارغه .. و الا "تفطير" الناس .. و انما التذكير بحق كل واحد في النظر للشهر هاذايه من الزاوية اللي يحبّ .. و بطبيعة الحال دون تهكّم او استفزاز
على خاطر لاحظت اللي فمّه برشه ناس ما يحبّوش شكون يقول : راني ما نصيمش و اهيّ اسبابي اللي تتجاوز مجرّد العجز على تحمّل الجوع .. حبيت نذكّر بالاختلاف و بحقّ الاختلاف لا اكثر لا اقل
النصيحة لي عطيتهالي ( و اللي ضحّكني شويّة تذكيرك انّها تنطبق زاده على الحيوانات ).. قد تكون صحيحه في إطار ريجيم .. منظّم .. قايم على دراسه احتياجات كل بدن .. و معرفة بالفيتامينات اللي هو ناقصها .. باش يكمّلها .. الخ .. و بتوصيات من اطباء مختصين .. اما المبالغه في ايّ حاجة .. راهي مضرّة و لا شك
المبالغه في هالرّيجيم الى درجة الامتناع كليا على الاكل .. انا من الناس اللي يشوفو فيه مضرّه .. كيما بالضبط ( و هنا نجاوبك على ملاحظتك الاخيرة .. ) المبالغة في تناول الكحول فيها مضرّة .. كيما المبالغة في شرب القازوز .. العسل .. الـّلاقمي .. السيتروناد .. الماء بيدو ..فيها مضرّة
ايّه شاهية طيبه
:)
@
bent 3ayla : j'adhère à tout ce que t'as dit, a7na 9allek chaque echec maykoun kèn el islèm howa essbab fih, d'ailleurs une question se pose : le but de leur critiques c'est quoi?? Bech n7assnou 7yètna, et notre façon de penser et plus précisément notre conscience, walla juste bech tout le monde ywalli yakrah 7aja essmha Islem. Ena quand j'ai lu pas mal de posts : presque elkollhom y9oulou elli 5ayfine 3la touness w 3la mosta9belha, mais bon mouch hèdha elli ennajem nefhmou...
@brastos : la liberté est valable dans les deux sens : enti 7orr bech ma tsoumech, wena ma 3andich el 7a99 bech nloum 3lik wen9ollek kifèch, d'ailleurs je m'en fou si tsoum walla lé et encore moins les raisons de ton choix mayhemmounich, kima zeda a7na les musulmans pratiquants 3anna el 7a9 bech nsoumou, men ghir ma entouma t7assbouna, vous devez à votre tour respecter notre choix, et nous n'avons pas à le justifier, ya 5ouya essyèm ydhorrni et bech nsoum quand meme, yodhherli nous sommes tous majeurs et vaccinés w na3rfou chnowa yosslo7 bina. Franchement ma fhemtech ma famma kèn essyèm howa elli 5ayeb feddenia et pourtant ça n'arrive qu'une fois par ans, la3bèd 9a3da tmout bi do5ane koll youm, et pourtant meme le 31 mai quelques uns 7kèw 3la tabagisme, je vais pas parler des statistiques 5ater ya7kèw 3la rwè7hom wa77ad'hom pas besoin que j'argumente. Kif kif les accidents elli ysirou, w tounes tbarkallah parmi les premiers fel classement mondial, mahich tounes hèdhi?? Mahomch twènsa elli ymoutou? Walla hèdhi zeda a coz de l'Islam..
يا يويو يعيشك افهمني
انا مانيش من الناس اللي يعتقدو اللي الاسلام هو سبب التخلّف
لا
عوامل تخلّفنا عديده و عديده جدا
اهمها : تقهقرنا الاقتصادي و التكنولوجي اللي حتّم حالة التبعية بل شبه الاستعمار اللي نعيشوها
المخلفات التاريخية للاستعمار بكافة انواعو المباشر و الغير مباشر ، و كيما تعرف ايّ استعمار وقت اللي يدخل لبلد معيّن يعمل على شلّ النسق الطبيعي لتطوّر البلد هاذاكه اقتصاديا خاصة
من اسباب تخلّفنا الانظمه الفاسدة اللي ما تملكش رؤية تحررية متكاملة و الا مشروع نهضوي قايم الذّات .. كل همّها التشبث بالكرسي و تامين مصالحها
هنا تجي المنظومات الفكرية السايده(اديان، فنون، ثقافه، اعلام ...) و اشنيّة دورها في تأبيد هالاوضاع و الا في القضاء عليها و التخلّص منها
انا اذا نوجّه نقد للدّين ( الدين بصفه عامه موش الاسلام بصفه خاصة) نوجّهّولو من منطلق الدور اللي يقوم بيه في تأكيد التخلّف و الا التخلّص من التخلف
مانيش متطرّف
ما يقلّقنيش انّو هاذا يصيم و هالا هاذا ما يصيمش
ما يقلّقنيش اللي يصلّي و الا اللي ما يصلّيش
يقلّقني اللي يصلّي و يقلّي انت يلزم نقتلك خاطرك ما تصلّيش كيفي
هاذاكه اللي يقلّقني
اما اللي يصلّي حدّو حدّ روحو ... انا كيف نراه يصلّي ، ما نشوّشش عليه
و اللي يصيم حدّو حدّ روحو ، و ما يقيمش عليّ الحد ، نحترمو ، و نقلّو رمضانك مبروك
من هنا نجيو لحكاية رمضان
راهو يلزم نعوّدو تفكيرنا و دماغاتنا و تركيبتنا من داخل على
thèse + antithèse
يعني ما فمّاش كان آنا
ما فمّاش كان فكرتي انا
و قناعتي انا
و معتقدي انا
و ديني انا
لا
فمّه حاجات اخرين ، و من واجبي نحترمهم و نمكّنهم من حقّهم في الوجود حتى و لو كانو اقلّية
هو راهو صحيح هالحقوق هاذي مادام ماسالش عليها الدم و ما تقامتش عندنا بحكم انّو وقع طمسها عن طريق الاستعمار ، رانا كنّا نعطيوها قيمه
اما مادامنا نسمعو بيها سمعان و نقراو عليها قراية ، رانا ما نحترموهاش و ما نقدّسوهاش كيما يلزم
نقصد هنا الثورة البرجوازية في اروبا و اللي انتجت مجموعة قيم ذات فايده للانسانية جمعاء
ارجع لمدوّنتي تلقانيش نهار تهكّمت من الدين كعقيدة متاع هالشعب هاذا
ابدا
انا نتهكّم من اللي منصّبين رواحهم ناطقين باسم الله و باسم الدين
و يظهرلي هاذوكم ما عندهمش تفويض سماوي باش يتحكّمولنا في عباداتنا و ميولاتنا
هاذاكه علاش قلت للّي يحبّو يسكّتونا : لا ما تسكّتوناش ، هاذا يصيم .. و يتكلّم
و هاذا ما يصيمش و يتكلّم زاده
ماهيش عركه هي راهي .. اما تعويد انفسنا على قبول الاخر مهما كانت درجة اختلافو معايا
و هو رمضان في النهاية ماهو الا حدث جا تكلّمت الناس عليه ، كيما تكلّمو العباد على سان فالانتان في وقتو
و الا على اعتداءات الصهاينه على الفلسطينيين في وقتها
و الا الجّيّه متاع ازنافور في وقتها
و الا ذكرى صعود الانسان للقمر في وقتها
.. و الامثلة عديده ..
كيف كيف ..
رمضان جا ..
و بما انّو حدث ماهوش شويّة .. هو حدث ديني صحيح ، لكن عندو تداعيات صحّية و ثقافية و اجتماعية و اقتصادية و...و ... دونك علاش ما نحكيوش فيه
كل شي يتحكى فيه يا يويو
كل شي
المهم هو : كيفاش نحكيو
و كيفاش نسمعو بعضنا
و كيفاش نتقبّلو الفكرة المخالفة
اما باش تقلّي الموضوع هاذا تابو ما نحكيوش فيه ، راني نقلّك سامحني .. ماعنديش موضوع تابو في مخّي
بكامل الود
أهلا سي برستوس، انا راو كي حكيت ما قصدتكش إنت بذات، أما نحكي على جماعة بلوغورات تخصصوا في تحقير المسلمين والإسلام. معناها فتنا مرحلة النقد إلى مرحلة التهكم. انا ما قلتش الدين تابو متحكاوش عليه. أما فما حدود متاع إحترام لازمنا ما نتجاوزوهاش، إنت قلتها ديجا كيفاش نحكيو : الميساج إلي قاعد يوصل توا هو احنا العلمانيين فنانين حساسين ناس ملاح وانتوما المسلمين أغبياء وانتهازيين ومتعصبين. هذي حاجة، حاجة أخرى كي تقلي من حقي نفطر ونتي ما تجبدش عليا سيف، سامحني أما على حد علمي احنا عايشين في تونس وحد ماهو شدد سيف على حد، والله كان جينا عايشين في السعودية نفهمك.. يمكن إنت نيتك أنك تحارب على حقك في الإختلاف، وفي الحالة هذي انا معاك، كل واحد حر في نفسو، أما كيما قلت في الميساج متاعي السابق، هذا حق مشترك مش حلال عليك حرام عليا..