skip to main |
skip to sidebar
|
الجمعة، أغسطس 21، 2009
|
|
يقلك ما عندك في الهم ما تختار، اما الواحد كي يلقى روحو لا يزي في دولة متخلفة، لا يزي في عام ازمة، لا يزي في عالم عربي اسلامي، لا يزي مرا... يقول اش اكثر من ها الهم؟ و مع ذلك الواحد ما يياسش من رحمة ربي. ايا سيدي انا اليوم صبحت نبوس في يدي وجه و قفا و نشكر فيه اللي ع الاقل مانيش بش نعدي رمضان في مصر... ترصيليش مطيشة من بركون في العشر الاواخر؟؟ قالّك غادي هاذي هواية ولاّ عادة ولاّ تأثير غير مباشر للصيام لتوا لا فهموه. الواحد يقول علاه البركون؟ علاه العشر الاواخر؟ زعمة هي تخرج بش تأذن يدزها و يقلها ما يصحش؟ ولا تخرج بش تقلب القديد المنشور يقلها وقتو توا؟ ويني البريكة قبل؟ الدافع للجريمة مزال مقيد ضد مجهول، لكن الظاهرة ثابتة و اكيدة. توا باهي الواحد يسمع بش يوصل لعلمو و يحمد ربي على نعمة العركة الخفافي اللي تندلع في الكوجينات التونسية. اما زادة باهي كي الواحد يحاول يفهم ها المجزرة الشُرفية (من شرفة مش من شرف لا ترصيلنا في حلّ و اربط يهديك)، بش الله لا يقدّر، نوقفو الوباء في الحدود قبل لا يوصللنا. الرابط الوحيد في الحكاية حسب فهمي المتواضع، هوا الصيام. ايه و الله، خاطر الواحد في الاوقات العادية كي يحب يقتل، ماو يتكي على مرتو يززّها كي العلوش في بيت البانو ولا ع النوم... ممكنشي يحطلها الفتاك، تكثّر عليه بالمرج، تخرجو من سينتو يشد يخنقها حتى يخرجلها لسانها -يراه مقوصوص- كي البعيّة.. لكن جريمة متع تشد واحد تلوحو من بركون، فيها دلالات. لواه نمشيو لبعيد؟ تي الواحد كي تجّهلو، اش يقلك تره؟ يقلك ابعدني خير ما نشد نطيّشك م الشباك. يعني قمّة الفدّة و ضيق الخلق، كان ما تختفيش من انظارو الاّ ما يطيح يتخنق هوا بيدو، فمن باب اخف الضررين يشد يطيشك انت بكلك. الباقي عاد انت و زهرك، طحت م الطابق الاول ولا من صمعة، هذاكا لازم تحسبلو حساب وقت اللي تكري دارك! و ماذابيك تجرّب قبل لا تاخو المفاتح، مش بركون في شكارة... المهم، اخطانا م الهزان و السبطان. هات الرسمي. وصلنا لقناعة و حقيقة يقينية كونو الصيام يعمل الفدّة حتى الواحد اللطف يولّي يسرق م الجوامع و يدز م البراكن، يعني بعبارة اخرى يخرج العبد من وعيو... كيفو كيف الشراب راهو! و مدام النتيجة واحدة، بشوية تخديم مادة شخمة، و بالاستناد الى قواعد فقهية صحيحة و ثابتة ثبات المسمار في الحيط، اختار قاعدة رفع اخف الضررين لاتقاء اعظمهما ولاّ حالة الضرورات تبيح المحضورات ،كيما تحب، اللي يساعدك، فصّل و قيس... اما خير بالله؟ تعدي نهار كامل صايم، دايخ، لايث، فمّك ابخر و تكملها بنَتْنة انت و مرتك توصل للي لا يحمد عقباه، و الا فرد مرّة، تشد دبوزة تتكّى عليها في ساعة م الزمان و تخرج تلبس شجرة ولاّ تقضي على عايلة كاملة، سترايك فرد مرة؟ مش هكّا نحققو اكثر انتاجية و مردودية على صعيد حوادث الطرقات، و جرايم القتل و الاعتداء على الناس واموالهم؟ مش هكّا ندوّروا الدولاب اكثر و الفلاّحة يلقاو كيفاه يبيعو العنب و الشركات توسق للداخل و البرة و الدورة الاقتصادية تتم! و الله بالحق، الى متى بش نقعدو محصورين في عقلية متع الف و اربعمياة سنة لتالي؟ علاه ما نواكبوش العصر، نخلقو سوق للشراب متع عشرة ملايين نسمة، نخلقو الطلب بش نرتقيو الى مصاف الامم على الصعيد الاقتصادي. و زيد في ها النظرة هاذي، راهو البقاء و النشوء و الارتقاء بش يكون للافراد اللي بدناتهم تقاوم و اللّى ذراعاتهم في وجوههم بش كي يدور ضرب خنيفري و امّاس، ينجمو يعملو على صحة الابدان. يعني بكلمتين، ربح صافي... و نمشي معاك اكثر من هكا... رمضان راهو شهر خطير، شهر الفتن و الجرايم... قداه من مرّة تلحم عركة قد ربي و عبادو في جرّة قطّة معدنوس! قطّة معدنوس يا ناس! معدنوس ياهووو! طرف حشيش اخضر ياكلوه حتى العلالش! علاه ما ندوّروهاش افيون؟ مش درا اش اسمو قالك الدين افيون الشعوب؟ نقعدو نصيمو و نصليو و نعذبو في رواحنا بش نشيخو في امخاخنا؟ ليه؟ حتى ربي قالك راهو دين يسر و ليس دين عسر... نقلبوها طول افيون و نحن على ديننا! انا من منبري هذا، نطالب حكومتنا و مسيّرينا بش يخذوا الاجراءات الكفيلة بتعميم ها الخير العظيم على الشعب كامل في اطار التنمية الشاملة و عدم اقصاء اي شريحة اجتماعية، اللي خالطة على الشراب المذخم و اللي يسكروا بكحول الشعول. و لازم نتخذوا اجراءات ردعية صارمة للمخالفين الكل. بون، م اللوّل الواحد ماذابيه يمشي بسياسة الترغيب، يمشيش يقولو دولة متع شيخة اما خسارة دكتاتورية؟ اهوكا السنة نعملو باراجات متع شرطة في الكياسات الكل، و نعملو "صيام تاست" في عوض الالكول تاست، اللي هاذا يمد لسانو، كان لقيناه اصفر و فمو ابخر، يطبطب البوليس على كتفو ويقلو ليه هكا عامل في روحك؟ حتى ربي ما يحبش، هاو دبيبيزة متع شدّان يد، شق عليها فطرك حتى لين تعوّل. اما في صورة شدّو نفس المواطن في حالة عَوْد، recidive بالعربي، ما يسيبوه كان ما يعدي شهرين في الشيلينق مع النفاذ... لِعْب امالا؟ البلاد على قرنو؟ يصوم و يعرض ارواح الناس و روحو هوا للخطر؟؟ ---------------------------------- ملاحظة : عاد ما نوصيكمش كيفاه تقراوها التدوينة هاذي! |
|
كتبتها:bent 3ayla
على الساعة:
5:50 ص
|
|
الاشتراك في:
تعليقات الرسالة (Atom)
|
|
شكوني بنت عايلة
|
و الفتون اعزّك الله هو ما يذهب الشيرة و يعمي البصيرة و يسكن منك الفؤاد و يتركك تتدهمك في حيرة... و كما قال اش اسمو، الفتون جنون
|
|
للإتــصـال
|
|
شوية موزيكا
|
|
ملح و سكر:
كمنجة:
كمنجة:
إيقاع:
كلارينات:
قد أصبح عندي بندقية:
|
|
أهلا باللي زارونا
|
|
|
salut , j'aime bien ta façon de raconter mais arrête de cracher ton venin pendant ce mois sacré, et pour te dire j'aimerais bien assister a ton enterrement pour te voir conduite des la première pelle a l'enfer.et comme disait A.D La haine, c'est la colère des faibles
achref france !
يا بنت عايلة هههه شي، ما ينفع فيها كان الاسلوب المباشر، للمرة الثانية على التوالي هاك اتشوف هههه
اللهم أجعل خير عمرى آخره وخير عملى خواتمه وخير أيامى يوم ألقاك فيه
سي اشرف متع فرانسا، ملا فال، يراه في راسك. ولا اللطف عليك، لعل تحكي عن جهل و في فرانسا حدك حد الدارجة المفهومة، مش متع رميان المعنى
سي فرررر... يظهرلي بش نقلبها تصاور و ديابو
@Fattouna : excellent billet que je partagerai sur facebook. @Achref : zeyed mostawek mta3 khayna w ma3adesh nradhik.
أنا أفكر إذن أنا أضرب عرض الحائط معتقدات هذا البلد المتخلف..
أنا أفكر إذن أنا ألقنكم الدروس..
أنا أفكر إذن أنا إكتشفت أن الإحصائيات ليست في صالح طقس الصيام فلنقل "طقس الجوع"..
أنا أفكر.. إذن أنا أتباهى بمص النبيذ..
علامات الصحوة الفكرية أصبحت مرادفا لمدى عشق الخمور .. و مدى الإستهزاء من معتقدات البشر..
يقول العباقرة أن كل الدلائل تشير إلى أن تقدم هذا البلد لن يحصل دون دعم منطقة تيبار و التركيز على زراعة عنب الطاولة كحل أولي لتجاوز أزمة العقول و إنسداد الأفق..
يستدل المثقفون الشاعريون العاشقون للحياة على ذلك بأن أغلب الدول المتقدمة تبرع في الطقوس النبيذ و يتجاوز أغلب سكانها طقوس الجوع..
صك الشرعية تكسبه حين تذيل تدوينة بتوقيع تقول فيه أنك "ناصب كمية جبن و فاكية" و تستعد لإستنشاق الكحول..
حينها أنت تفكر و أنت موضوعي و تخلصت من دهاليز قرون الظلام بما فيها من بغداديات و دمشقيات و قيروانيات و أندلسيات
بل قل لا تذكر ذلك لكي لا يقال بأنك تتباكى على ماض لن يعود..
لا تقل إنها حضارات و ثقافات و فتوحات حققها صائمون بل قل إنها غزوات و سموم...
رمضانكم مبروك و كل عام و أنتم بألف خير...
صوما مقبولا و ذنبا مغفورا إن شاءالله.
Il faut imposer un test de QI aux lecteurs avant de commenter :p
Ramdhan Moubarek
bent 3ayla : quand on n'est pas assidu à lire tes notes, ça rend la compréhensibilité du message derrière un peu moins évidente, pour moi ton message est bien reçu, haw l'accusé loool, domti dho5ran lel mojtama3 hihi
@free race : c'est bien dit, chapeau bas
برجولية يعطيك الصحة بنت عايلة، فرهدتلي على قلبي
Tu excelles de jour en jour
@achraf
Je suis sûre que t'as rien compris au message! Dommage En plus tu t'es enfoncé en souhaitant la mort à bent 3ayla! Pfffff t'as rien compris!
@bent 3ayla
Je crois qu'il faut parfois faire un char7 nass :p Ca t'éviterais ce genre de d3aa
@FreeRace
يعطيك الصحة في شرح النص إلي يلزموا شرح نص آخر، خاطر متأكدة إلي ثم عباد مازالت ما فهمتش ؛)
انا من رايي من ثماش منو اشرف هذا
هذي طلعة متاع الجماعة المقصودين بالتدوينة
ويعطيك الصحة يا بنت عاسلة
العفو اقصد بنت عايلة مع الاعتذار
Bent ayla,
je ne comprend pas pourqoi les commentateurs peuvent etre aussi "bornés et stupides" pour ne pas comprendre ton humour, tu ma fait beaucoup rire, aya romdanek mabrouk
fleur d'interdit
je suis sure que ashraf est un terroriste et un pervère
F-I
VA TE FAIRE SOIGNER ASHRAF DE FRANCE
FREE-RACE : 5 ou5miss a3la 5ouya :)
bent 3ayla : yothiHorli mé 9rawéch ton commentaire a la fin de l'article :D
vraiment, bravo
concernant achraf, ennas el kol mech nmoutou tôt ou tard, mieux donc de de s'exprimer avant de mourire que de critiquer ceux qui s'exprime. "nhar sardoug ou la miaa djeja"
même au 2ème degré je trouve pas sympa ton post, tu nous habitué à mieux que ça.
tout même romdhanek mabrouk
http://www.facebook.com/video/video.php?v=101361053211551&ref=nf
J'aurais préféré comprendre ce billet au premier degré mais sans insister sur l'alcool !
لست اجد ما اقول سوى ان لا تيأسي من رحمة الله أختاه، فان بعد العسر يسرا، ان بعد العسر يسرا
فرّجي عنك و اعرفي ان الله حق و أن الدين حق.
انصحك ايتها الفاضلة، و قبل النوم ان تقرئي هذا الدعاء عسى الله يزيح الغمة
اللهم انى أعوذ بك من بواري وتأخر زواجى وبطئه وقعودي واسالك ان ترزقنى خيراً مما استحق من الزوج ومما آمل وان تقنعه وأهله بى وتقنعنى واهلى به.
اللهم إني اسألك بإسمك الاعظم هو أنك الله لا إله إلا انت الفرد الصمد الذي لم يلد و لم يولد و لم يكن له كفؤا احد ان ترزقني الزوج الصالح الذي يعينني على طاعتك و يعينني على تربية الذرية الصالح.
و ان تصلّي ركعتي شكر، فإن كنت على حيض فلا بأس عليك في الإكتفاء بالدعاء.
courage bent ayla!