الاســـــــــــــــــــــم : xxxxxx xxxxx
الـــــــــــــــــــصفة : طالــــــــبة
المستوى التعليمي : الاستاذية في الحقوق
الســـــــــــــــــــــن : 25 ســـــنة
المقولة المأثورة : "ان مصادر التشريع متفاوتة في الاهمية و العلوية. و التشريع الالاهي يعلو على القانون الوضعي، و لذلك لا بد من تنقيح مجلة الاحوال الشخصية حتى تتماشى مع تعاليم الشريعة الاسلامية. اني و بوصفي امرأة مسلمة اطالب باستعادة الرجل التونسي حقه الالاهي في تعدد الزوجات..."
الاســــــــــــــــــــم : خالتي منوبية
الصـــــــــــــــــــفة : بياعة حمص في مدخل السوق البلدي
المستوى التعليمي : ما تعرفش تكتب اسمها ع القلّة
الســـــــــــــــــــــن : ممكن 78 سنة
مرا هبطت تشد نصبة الحُمص في عوض راجلها اللي استنقط، ربّات اربعة صغار، خدمت في الديار، مرضت بالسرطان و هزمتو. فرحانة بالصانتي شعر اللي طلعلها بعد العلاج الكيمائي، ياخي كنّتها المتتلمذة على قنوات بيع الصدقات الجارية قالتلها عيب، شدّ دارك و استر حالك.
المقولة المأثورة : "خدمة النهار ما فيها عار، و نزيدك زيادة، النار ولا الخمار."
كل عام و نساء تونس بخير، كل عام و نحن راجعين بالتوالي في صعدة الحداثة...
و الفتون اعزّك الله هو ما يذهب الشيرة و يعمي البصيرة و يسكن منك الفؤاد و يتركك تتدهمك في حيرة... و كما قال اش اسمو، الفتون جنون
جانى تعليق شقعوبي على هدرة تعدد الزوجات قالك باش ما ينحرفش الراجل على خاطر هو شادد في شعره :)))
وانا منوبية نضرب عليها بالبونية راهو
وعيدك مبروك :)
مرا باهية هاذي خالتي منوبية ...يسلم قرايتها لخرى
tres joli,mais comment je peu voter????
بالنسبة للحداثة راهي معطوبة من الأول ولذلك امكانية الرجوع لتالي راهي واردة بالحق...
أما مادام ثمة "خالتك منوبية و أشباهها" مازال ثمة امل...
انا بيدي مالموقع هذا خويا رازي نقلك وناكد عليك
تعدد الزوجات سبعطاش نوع:فما تعدد الزوجات اللي بالزبدة وفما اللي بلاش ومانطولش عليك لايولي فكان حديث
ههيهييييووو
انا اكبر مساند لتعدد الزوجات خاصة كي يبداو الاربعة في تسهويڨة مونيكا بيلوتشي...المرأة الوحيدة اللي تستحق نسميوها مرأة
بالله اكا مونيك بلوتشي اش فيها يعجب؟ وجهها كي اللوحة، لا سر لا كمون...
لا خيبت ظني فيك يا زبراط
يراني طرف ڢرني مالا فوق هاك اللوح هههههه
voila ce que nous propose notre chère opposition:
http://www.babnet.net/rttdetail-16425.asp
ça me fait vraiment peur
رغم اني مش معى كثرة الزوجات
إلى أنو فما مشكل كبير و قاعد يكبر كل يوم
مشكل العانس إلي فاتت الثلاثين ما عادش أنها تلوج على راجل فقط، مشكلتها الأكبر في أنها تجيب بيبى و تتلها بيه كيما النسا الكل.
وهذا حقها الأزلي و الفطري و في نفس الوقت ضرورة بيولوجية و حسية و عاطفية.
ببربي حاولوا حسو بيهم شوية
voila notre chère opposition:
http://www.babnet.net/rttdetail-16425.asp
j'adoooooooooooore