ايا باركولي يا جماعة، لقيت افار العمر. من غدوة بش نطيش عليا م القراية و الخدم و ندبر قشبية ولاّ برنوس و دبوس هايل ونشد العسّة على جردتنا، بعد اللي طلع فيها كنز و احنا راقدين على وذنينا. وقبل ما تهدو عليا غدوة بالبالة و البيوش، الكنز هاذا شجرة حب ملوك زرعتهالي امي ماكا العام خاطر تعرفني نحبو. اما توا قرابة الستة ولاّ سبعة سنين لا نهار ذقنا منها كعبة، لا هيا لا بقية الشجر.
باب الجردة ما يتسكرش، ديما محلول و اللي حاشتو بكعبة قارص، شوية نعناع، طرف رند، طرنجية، اللي هوا، يدز الباب و يدخل منو ليها، رزق البيليك. اللي بدى ود و محبة بين الجيران ولّى "في ركني و يعاركني" بعد الشي ولّى باستحقاق و قداه من مرة ندخل لدار الجيران نلقاهم يملّحو في زيتون جردتنا ولا يكسرو في الزوز متاعنا و ساعة ساعة يتعداولك يقولولك و الله كارك تزرعـ(لنا) شوية كذا ولاّ كذا.
الى تاريخ اليوم، الشي هذا كان عادي و نحن جيران و جردتنا جردتهم و مقفولهم مقفولنا و كلبهم يعس على دارنا و انت ماشي. اما بعد اليوم، انسى! بش نولي ندافع عليها بالرصاص الحي.
تعديتش قبيليكا بش نشري طرف غلة، الربيع ربّع و الشي ولّى مشتهي. اول حاجة عملتها تهنيتلكم على سوم العنب، اهوكا ولّى في متناول الزوالي، من ثمنية دينارات... الرطل، ولّى بستة دينارات و ميتين.... الرطل. الشي بوبلاش راهو! غير انت اعمل قليب و ازدم.
ايا سيدي، الصلاة ع النبي و عيني ما تضر، الخيرات الكل موجودة و مشعلين عليها اكا الانبوبات تقولش عليه دار فرح مش خضار، خاصة باكا المزود اللي يشرقع. بديت نشوف و نقلب، هاذا هايل، هاذا باهي، اي هاذا عندي مدة عليه، اما مبعد رجعلي شاهد العقل و تذكرت اش صارلي نهارة العنب، قلت قبل لا تزدم تختار و توزن و منبعد يجيك شلل الاطفال، اسئل ع الاسوام، ماو في اطار حماية المستهلك، حتى بلاكة ماهي محطوطة. ايا سيدي شد عندك ورقة و ستيلو وقيد.
التفاح 5800
الانجاص 4950
العوينة 6600
المشماش 4800
البطيخة 7000
الدلاعة 14.000
حب الملوك 17.00
هاذي اسوام حاطينها في تونس، للمواطن التونسي، في فصل الربيع اللي المفروض الغلة تهبط فيه. لا و نزيدكم زيادة، تسخايبونيش هبطت نقضي من كرتاج ولا م النصر؟ لا يا سيدي من حي شعبي متع فصايل. الواحد بش يشري طرف غلة يرهن دارو شوف تكفي شوف لا.
ايا سيدي، مش مشكلة خ نقولو الغلة ديما تتسمى غالية و مزالت فال و درا شنوة، باهي فهموني ما يلي، اختكم الشي قوي على مخي
بطاطا 4900
طماطم 5200
ليتو 2000
جيت نحاجج في الخضار على سوم البطاطا و نحب نفهم ها الحريقة اللي شاعلة فيها، قالي اكاهو عاد رمضان جاي! يا ولدي هااه، تسمع باختراع اسمو يومية؟ ويننا ووين رمضان!
اما ما نلوم كان عليكم. توا هكا السميق يولي مليون و ما تقولوليش؟
و الفتون اعزّك الله هو ما يذهب الشيرة و يعمي البصيرة و يسكن منك الفؤاد و يتركك تتدهمك في حيرة... و كما قال اش اسمو، الفتون جنون
sérieux???? C'est qui ces prix?! :s
yar7am elli radd ettounsi "3ayyéch" yda5al yeddou fi maktoubou, w yejbed mel crédit w howa méchi!!
haw atmaniyik 3acha3b fine wsel...w fine ywassel!! méla kilou el7am b9adeh? b 30 Dn?? wedjéja? 5alli ettounsi yetmarmed famméchi mayfi9 3la wadh3ou!!
يا لطيف !!!!!!!!!!
ta7ki serieusement wena netghabben hne ki man5klletech 3assou9 5ater etofe7 fel magasin b 2$ wghadi b 1$ wel 3neb kif kif . ouuh ach yestanna fia !
شنيّة الباطا بخمسة لاف؟؟؟؟
في أنا حيّ شعبي هاذا؟ موناكو و الاّ بيفرلي هيلز؟ :-)
على كل...، كان ما لقيتش منين تعبّي قفّتك صديقتي، عليك ببيرسا، الخير كلّو موجود و بأرخص الأسوام.
أحنا البطاطا عندنا مازالت ب600 و الطّماطم ب480... و في كرتاج بالذّات :-)
ظاهرلي المرة هاذي وفّيتلها شوية
زعمة ماعملتلهاش كراسي الحكاية؟ هههه
و روسكم الكل لا.
كانك ع الغلة اهوكا في المنيهلة ع الطريق الكبيرة ما نعرفش اش اسمها، و كانك ع الخضرة اهوكا في فارماسي جيهة رادس اهوكا اللي يحب زيارة ميدانية لمعالم الرقي و جودة الحياة ما عليه كان يتصل بيا انا في الخدمة من اجل اعلاء راية تونس
الخضرة في فارماسي؟
ياخي شاربة حاجة؟
كلمة فارماسي تتقال على واحد يبيع بكيح دم، سواء كان خضار عطار اللي هوا كي يبدا مغلاوي يوليو العباد يسميوه فارماسي
شاربة قهوة حليب، تحب؟
الصّورة يا بنت عايلة، ما تفضّها كان الصّورة... :-)))
أهوكا كان واحد تعدّى شيرة رادس، يعمللنا تصيورة لها الخضّار العجيب الّي يبيع في البطاطا بخمسة لاف...
و الاّ تو كي نجي ماشي اليوم لالسّتاد نعمل دورة، خلّي ناخذ منها حتّى رطيّل ها البطاطا، بالكشي موش كيف البطاطا متاعنا و الاّ شنيّة غريبتها
أما كانش تو الواحد كيف يولّي يجيه ضيف، يعملّو مرقة بطاطا...، لواش الحوت و اللّحم؟؟؟
الّي تحطّلو مرقة بطاطا يلزمو يفهم الّي انت فرحت بيه موش نومال، و الّي هو يعزّ عليك معزّة خاصّة
أما خلّي كان زدتو معاها "بوري" (purée)؟؟؟ تي يعطيك بنتو موش لعب...
هيهيهيهي
ça fait deux jours,chrit kilou 3nebb à 2,8 euros,j'ai cru que cétait trop cher khater éna manefhemch yasser fel aswamm
mais hani fokt netsamma dabbartha
en plus chritha menn bok3a normalement tabda ghalia sur paris.
touness bledd leghlaa wel kwaaaa
اسوام الخضرة impossible يسكرولو الحانوت في وقتها الحاكم قاعد شاد صحيح باش الخضرة ماتغلاشي si non الشارع يتحرك ويعرف اشصار في 84
yé5i méfilbalkoumch illi 3andna pénurie mte3 batata. Ena 3malt 3oulti 3andi 3 mois et nistahlik fiha bil compte goutte fammachi ma nchid biha yiddi 7atta lsidi romdhane :D
LA dernière fois sma3t biha 3al 5ou5 soumou 5DT il kilou, méla finik toi, et les gens achète bien sûr, yé5i mafilbakoumch illi a7na il baled il wa7id illi madharbitnech la crise économique mondiale' = mondiale - Tunisie, et la grippe aviaire et la dernière mta3 il 7allouf? Ti 9alik d'après les dernières études mondiales illi 3amlouha, la Tunisie jet illowla fil boulden il 3arabia mte3 le classement sous le thème "baladoun yatibou fihi il 3aych you titimrik fiha el 7ayat"?
Et ben tiens!! en France la vie devient moins chère ou quoi??
Mais c'est bizarre à ce que je vois car les prix mentionnés sont inadmissibles!! Même au marché de la marsa (réputé par abriter plusieurs pharmacies, les choses n'arrivent à ce point que très rarement!!)
3la hal7seb lwa7ed ywalli yechri bel 100 grammes
bgiddech lma3dnous billehi
@tunisianblogger
oui monsieur,tu peux trouver un kilo de bananes à 99 centimes et de qualité en plus (auchan par exemple)
pareil pour les légumes et fruits!
3bedd tekhdem et thebb t3awenn ghirha enti 3echt fi franca et ta3ref ;)
ya faten rahou 4500 c est les 10 kilos c est pas 1kg
zid thabet mli7
mdrrrr
elmarra hedhi kathartelha fibelna fi lo5rin famma kedhb ema elmarra hedhi yesser
kenech wejhek a tellement déstabilisé el 5adhar lin walla yhatri
Bént 3ayla,
dhahérli Zidtha chwaya tabél w'karwiya , kénék 3la 7ab Lémlouk wédélla3 mchét m3ak ama élbatata, A9wa soum sajjaltou howa 1,200 DT Batata moustawrda: ya3ni, Ndifa, Mézyana, Mouch makélha éssouss...Wénzidék zyéda, 3andi Zamil, 9arin Jmi3 3loum él é9tissad ba3d ma 3adda 5 snin Battal 7all 5adhar fi 7ay él Ghazéla, au bout de deux ans 5oukom walla I7awéss fi Golf 5 !!!
9allou 9raya, Bac , maitrise ...EL KOURA Wél Hamhama !!!
Tu rigoles? qu'est ce qui s'est passé en Tunisie? Mais c''est pire qu'à Paris. tu fais où tes courses?habatli kalbi fi sakeya! tu hay mchet lebled! Aman yé bint Ayla rassure moi et dis moi que tu rigoles.
يا جماعة دقيقة نقرى التعليقات، اما راهو مجرد تفسير اللي ذكرتهم ما نعرفش بزهري هكاكة ولا الشي مستفحل، اما تهناو، اللي يمشي للمونبري ولا المرشي سنترال ينجم يدبر كعيبة غلة يبدل بيها مطعم فمو
wallahi ca me choque; moi je vis a sousse et je tassure pour 20 dinars on en assure les fruits et légumes de toute une famille.
win machin? that's the question;
fleur dinterdit
je pense que t'as rajouté un zéro à droite au prix des légumes khater les prix que t'as mentionné sont "samahni" impossible à moins que ce sont des légumes bio
ou bien 3aguabha 3lik el khadhar :)