كنت بش نحكي حكاية جدية شوية (اي تجيني حالات جدية ساعات اما مش ساكتة ع الموضوع هاني نداوي) ياخي بربشوني على حكاية العرس. توا بالحق اللي كان عندو شك في الحكاية بش يتيقن و يقلك الطفلة هاذي obsedee بحكاية الماخذة. اما نأكدلكم اللّي بالعكس، صحيح كانت عندي عقدة م الحكاية اما بطريقة عكسية. كنت رافضة الحكاية جملة و تفصيلا، و اهم سبب انو كي تجي تخمم فيها تحس روحك قادم على جبل بقادومة. الواحد يقول برا خ نعرس و نلم ساقيا و نعتق امي وبابا شوية خلّى يتنفسو، يجي يحسبها يلقى روحو داخل على مشروع تنموى كبير و ما يفضها كان قرض من البنك العالمي.

ايا سيدي على فرض انو ربي سهمك بشكون : ولد/بنت ناس، مقدود(ة)، نظيف(ة)، متربي(ة) و عامل(ة) منك راس مال. و على فرض انو بمعجزة م المعجزات انتوما الزوز تخدمو و نزيدك زيادة اهلك و اهلها قابلين الحكاية و ربي نزّل عليهم بنورو، لا فما مشكل جهوية لا طبقية لا لهجة (اي التوافق في اللهجة ولّى شرط من شروط صحة عقد الزواج) و حتى اجتماعيا عندهم نفس العقلية. باختصار، اكا الشمعة اللّى شعّلتها في السيدة المنوبية جابت أُكْلها. امورك الكل هانية و الضغوط النفسية الكل مافماش. توا قعدلك الصعيب...التمويل!

اساعة اخطانا من فترة الخروج و الدخول و هاو مرة سهرتو في البلاصة الفلانية هاو مرة لازم تهزها لدرا وين و كادو السان فلنتان و عيد ميلادها و عيد ميلاد تعارفكم و عيد ميلاد اول مرة صارحتو بعضكم و اكا الاستثمارات الصغيرة. توا عاد بش تبسمل و تحط ساقك اليمين في عتبة دارهم. و كيف كيف اخطانا من اللبسة و حجامة امك و جبة بوك و القاتو و الورد و القطعة صياغة متع نهارتها. هذاكا الكل مقدور عليه. اما المشكلة اللّى برشا ينساو انو ضربة يدك... ماتوجعكش. كي عملت ها العملة بيدك و استعجلت تحت تهديد المرج المستمر من حبيبة العمر. اي ماو الطفلة بعد ما تخرج معاها -كان خلات بستة شهور-، سواء كانت بدر البدور و لا عبيثة قبور، بقدرة قادر احد، بش يوليو خطابها قاصين تساكر وواقفين يستناو ع الباب و دارهم مرجوها و هي متمسكة بيك اما ما تنجمش تماطل برشا...

بطبيعة الحال، انت كي الناس الملاح توخر تقدم و تضرب الطاولة بكل رجولية و تقلّها هاني داخل لعرين الاسد بساقيا، اما اهوكا نعملو خطبة ولا فاتحة، و العرس يجي بالشوية. اما وينك، يا مسكين، ياخي ناسي اللّي اكا الفترة اللّى بش تتخطبو فيها و انت سيار ميار على دارهم كل خطوة بحسنتها؟ و كان نهار دخلت بيدين تصفق فارغة، الا ما يتذكروهالك على رابع ولد تجيبو بعد عمر طويل. هذا متع كل يوم، اما الموسم و العواشر حاجة اخرى. و بالطبيعة القايمة متع اعياد الميلاد آنفة الذكر بش يتزادلها عيد ميلاد امها و بوها و ولاد اخوتها و جرّب نهار جيب حاجة رمزية، توا يقلك خلّي متاعك عندك علاه المحقرانية؟ و اكا الطفلة الا ما تموت في جلدها، خاصة مع تعاليق دارهم و صحابها اللي يقلّك مسيكنة زهرها جاء سحاق، و الطفل خذاها بالرخيص!

باهي اخطاونا من مصاريف العرس و العرك و الشباط ع الثريات و الكرسي لوحو غامق ولا فاتح و السؤال الوجودي هل بيت الصالة خارجة على سرفيس القاتو اللّي شراتو ولا لا. و برا عاد تفتقت الجروح ع الصالة و الروبة و الصياغة، ديجا من تعدادهم برك هاني حلفت يمين قاعدة في دار بابا. اما المشكلة الحقيقية مش في هذا الكل.
السؤال بالحق، علاه هذا الكل؟ ياخي ما يصح العرس كان بها المصاريف و ها القاوق الكبير؟ ولاّ الطفلة ما تعرف معزّتها عند الراجل كان ما "تقلعلو زروسو"؟

عويم لتالي، عندي صاحبتي تحضر لخطبتها. الحق الطفلة عز الناس و تشرّهك في البنات و تخليك تآمن اللي الدنيا مزال فيها الخير. هزتني انا و صاحبة اخرى بش نمشيو نختارو الخاتم معاها. بالطبيعة اقل خاتم فيهم عجبها ما يطيحش تحت السبعة ملاين. و نحن هكاكا نتناقشو و نتحاربو تقولش علينا نحن اللي بش نتخطبو، دخلت مرا، وسط عمر، جات بش تاخو خاتم "خطبتها" اللّي هداهولها راجلها! ماو التنسنيس مافماش، طحنا نبربشو فيها. طلعت الحكاية انو المرا كي عرّست خذات واحد مزال كي حط ساقو في الدنيا و رضات بالقليل، حتى م الخاتم حلقة ذهب لا فص لا شي. ايا سيدي وقفت معاه و طلعو درجة درجة حتى امورو الكل ولات لاباس. عاد في كل عام، في عيد عرسهم، تهز نفس الخاتم، يعني الـ anneau و يشريلها فص ديامنت اكبر ملّي قبلو و القديم تعملو بلالط ولا شركة. عيني ما تضر، الفص اللّي خلطنا عليه نهارتها يعمل عشرين مليون م الباب الواطي.

في اطار تبادل الخبرات بين الجيل السابق و اللاحق، اكا المرا، على نيّتها قالت لصاحبتي كل شي بالبركة اما نصيحة فك عليك م الخاتم هذا، و اكا العشرة ملايين برا زيدوهم على حالكم ولا حتى خبيوهم، تلقاوهم نهار اخر. و في عوض يتغصر اليوم بش يجيبلك خاتم بعشرة بعد خمسة سنين يجيبلك اللّى تشتهاه الكل و العرس مش بهرج برك. صاحبتي ضحكتلها ضحكة صفراء و قالتلها انشاء الله. كي خرجت المرا، صاحبتي طاحت تقرا على روحها في المعوذتين، قاتلك قالتلي هكاكة خاطرها غايرة منّى كيفاه انا خطيبي يحبني اكثر منها و بش يجيبلي خاتم اغلى من خاتمها. الحق بش ما نخسرش الطفلة سكتت. و الخاتم تشرى يعنى تشرى. اما اهوكا لليوم واحلين في دار بش يسكنو فيها.

اي عاد ولاّو برشا عباد يقلك السماح و زيد العرس ولّي كي القمار توا. هاني قاعد عازب و مرتاح. فاش قام نشرى في البلاء و الحبس بالفلوس؟ الكلام هذا معقول، مدامك مزلت صغير و صحتك شايلتك. و نهار اخر؟ تلقى روحك طبطبت لا مرا لا ولاد و حتى م الصحاب كل واحد شد ثنيتو. حياتك تولى محصورة في الطبة و الدوايات و شادد فرش قدام التلفزة تستنى... تستنى فاش؟ ماعاد عندك ما تستنى...

كتبتها:bent 3ayla على الساعة: 5:08 م

تعليق غير معرف ...

louwel ou est mon cadeau

1 مايو، 2009 6:12 م

تعليق el Bo33 ...

encore une fois bravo
et merci pour les conseils

mais à propos "el 3o9da mte3ek", pkoi tu ne laisses pas la vie prendre son chemin? ca sera plus facile surtout que quoi qu'on fait, le mariage we koll ma teb3ou est plus présent que jamais dans notre société... et pas seulement la nôtre! je vis depuis des années en europe et il nya pas de grande différence, houni zeda ton destin msatter: a9ra, e5dem, lemm, 3arres, ebni darek we 5abbi chwaya lel retraite we 9rayet lawled...
aya bonne fin de journée et à la prochaine

1 مايو، 2009 6:13 م

تعليق البرباش ...

بنت عايلة... علاش تحكي في البوست تقولشي عليك تشرّه في الرجال ع العرس...

نحس كأنو ولد عايلة اللي قاعد يحكي، يعني الحكاية كانها على لسان مذكّر، خاصة كيف تقول:
عندي صاحبتي تحضر لخطبتها. الحق الطفلة عز الناس و تشرّهك في البنات و تخليك تآمن اللي الدنيا مزال فيها الخير.و نهار اخر؟ تلقى روحك طبطبت لا مرا لا ولاد و حتى م الصحاب كل واحد شد ثنيتو.ناقص كان بش تقول ما يقولوا المصاروة: ظل راجل و لا ظل حيطة...

1 مايو، 2009 6:16 م

تعليق bent 3ayla ...

المعلق لوّل عندو جايزة عظيمة برشا! هات ايميلك البوست الجاي عندك حصريا على قناتكم المفضلة، خرافات بنت عايلة.

سي البعععع، ماو الشي يجبد بعضو ويجيك اكا السؤال الوجودي، اشنية الحياة و اش نعمل هوني؟ ولوين ماشي.

عم البرباش، امان م الخرافة الكل ما شديت كان اكا السطرين؟ لا شديت سطحية البنات لا النظرة المادية للعرس، لا شي؟ اما اكا السطرين الاخرانين قالهملي مرة واحد مليع، اختار انو يقعد عازب. هاو توا راجل كبير ساق في الدنيا وساق في الاخرة لا عندو شكون يردلو كلمة لا يمدلو شربة ماء. الحق اثرو فيا برشا.

1 مايو، 2009 6:22 م

تعليق Icarus ...

بالرسمي كيفما حكيت.. اني واحد من ناس كيف كنت نقرا فاليسي كنت مصوحب وحدة نهار كامل عابدتني في راجل بنت خالتها هدا لمرتو كرهبة لاخر دار في القنطاوي تقول مناسبين الأمير طلال!! الحاصل مشات على روحها هذيكا مبعد تعرفت على أجنبية حليلتها، من أول معرفتها هداتلي غناية J'envoi valser" Zazie" إلي تحكي فيها لراجل قاتلوا لا ذهب لا ديامنت انتي إلي حاشتي بيك... عينيا دمعت و قلت مازال الخير... في بلاد الناس مش عندنا ههههه

1 مايو، 2009 8:39 م

تعليق Sosso ...

tji tchouf tsahelha teshel tsa3ebha tes3ab. Le plus important c'est de tomber sur la bonne personne et à mon avis la personne qui se met à mettre la pression et raconter des histoires du style 5otbouni etc bla biha. Et je peux t'assurer que ce genre de comportement est répandu chez les fills et chez les garçons. Et oui ma3andek matqoul felewled. parce que la société tunisienne est malade bel tavyisss.Au même temps il y a toujours des exceptions je connais des gens qui pas de 5otba pas de syegha juste baladiyya b25dinar wlabes 3lihom et aussi ils se sont mariés même pas bit noum.

4 مايو، 2009 12:30 ص

تعليق غير معرف ...

يا بنت عايلة مواضيعك الكلها هايلة بأتم معنى الكلمة و انا ما صارليش برشا ملي عرّست و راسك ما كلفناش العرس و باللي عندنا عرّسنا حتى مالخاتم ب 100 دينار أكهو و كبّرت قلبي كل شيء جاء الحمد الله و أول شعار عملناه "خلي كلام الناس على شيرة الموفيد أحنا متفاهمين."

6 مايو، 2009 11:25 ص

تعليق Tulipe ...

tu exagères un peu...

6 مايو، 2009 3:17 م

تعليق resiros ...

wallahi tayya7tli el morale, khatem b3achra mleyen, 3leh wouledtha wensitha ?!!

6 مايو، 2009 11:12 م

تعليق عابر سبيل ...

ما تطرقت إليه يا بنت عايلة صحيح 100% ويعكس تماما الوضع السائد في المجتمع التونسي بدقة لكن هل تعرفين (والأكيد أنك لا تجهلين) أن جيلا كاملا من أبناء وبنات الحركة الإسلامية في تونس (في السبعينات والثمانينات..) قد مارسوا فعليا تحدي المجتمع والتقاليد السخيفة والنفقات التي ما أنزل الله بها من سلطان وطبقوا حرفيا حديث الرسول صلى الله عليه وسلم: "تزوجوا فقراء يُغنيكم الله" ورضوا بالقليل وأنعم الله عليهم بالكثير.

14 مايو، 2009 12:25 م

تعليق Daddou ...

Encore un grand bravo !!!
je pense que tu l'entends assez souvent mais vraiment BRAVO
Je voudrais expliquer le nouveau phénomène de mode de la bague à 5 millions et plus , ça s'inscrit bien sur sous le thème INZEL 3LIH BEHILOU mais c'est principalement à cause du fait que l'union de nos jours est perçue comme un contrat à durée détérminée il faut donc assurer ses arrières et lui faire payer d'avance le prix cher ...Allez faire un tour dans les tribunaux c'est hallucinant !!!la durée moyenne des mariages avant explosion va de 6 mois à un an et c'est des statistiques de deux mariages sur 3!!!
c'est malheureux !!! 3ad mouch él 3ouzoubya 5ir

17 مايو، 2009 5:03 م

تعليق ena ...

taw ki yetkabb sa3dek we yejik 7ayawen yemarmdek, tawa tefhem barcha 7ajet fil 3erss mata3arfhech we ghayba ala fekrek il bassit

22 مايو، 2009 5:09 م

تعليق bent 3ayla ...

و الله يا انت، راهو الحكاية مش بالفلوس ولا بنفضانو، الحكاية حكاية مخك فوقك و تعرف شكون تختار و صفة الراجل قبل صفة لاباس عليه خاطر الرجال تجيب الفلوس اما الفلوس ما تصنعش رجال.

22 مايو، 2009 6:03 م

تعليق غير معرف ...

[url=http://www.freewebs.com/atorvastatin]lipitor jaundice
[/url]effects of atorvastatin 10 mg
lipitor drug interactions
atorvastatin hiv
lipitor reduced price
Atorvastatin buy

22 ديسمبر، 2012 3:50 م

تعليق غير معرف ...

[url=http://cyclosporine.webs.com]ordering Sandimmun Neoral online
[/url] cyclosporine walgreens
jiri nevoral
cyclosporine liver

21 فبراير، 2013 11:30 م

تعليق غير معرف ...

[url=http://www.microgiving.com/profile/ribavirin]virazole
[/url] rebetol 100 mg
buy copegus
ribavirin buy online

3 مارس، 2013 10:26 م

تعليق غير معرف ...

[url=http://buy-methylprednisolone.webspawner.com/]medrol liquid
[/url] methylprednisolone para que se usa
methylprednisolone hemisuccinate
medrol pack for poison ivy

15 مارس، 2013 11:03 م

تعليق غير معرف ...

http://biaxin-buy.webs.com/ buy biaxin online
http://sustiva-efavirenz.webs.com/ order Generic Sustiva
http://asacol-mesalamine.webs.com/ asacol 800 mg dosage
http://www.freewebs.com/pentasa-mesalamine/ apriso buy

20 مارس، 2013 1:23 م

تعليق غير معرف ...

[url=http://www.freewebs.com/biaxinclarithromycin/]biaxin xl buy
[/url][url=http://www.freewebs.com/online-biaxin/]buy biaxin online
[/url][url=http://www.freewebs.com/buy-sustiva-efavirenz/]order Efavirenz 600 mg online
[/url][url=http://www.freewebs.com/buy-asacol-mesalamine/]buy generic pentasa
[/url]

29 مارس، 2013 6:22 م