ايا كلمتين بش ما تقراوش و تتبلاو عليا بالكذب و تتعداو. حكاية البطاطا و الطماطم هاو كيفاه صارت. خضار في حي باهي الحق، مش شعبي، حطيت الكرهبة و هبطت هازّة انّقز بالقفة شكلي شكلا، صباح الخير حاج، صباح الخير بنتي،
- ايا اعطيني كيلو بطاطا و كيلو طماطم. باهي بنتي، هاو زايد شوية و الحسبة تطلع عشرة لاف!
- آه؟ لا لا كيلو برك مش صندوق.
- اي اكاهو الكيلو بـ 4900 و الطماطم بـ 5200
- وه علاه اش فما؟
- اكاهو سيدي رمضان جاي!
- يا حاج وينا ووين رمضان، بانا حساب؟ امالا في رمضان نوليو نقضيو بالدوفيز؟؟؟ تي حتى الفلوس اللي فوقي ما يجيبوش
- انت قداه عندك
- عندي سبعة لاف و خمسيمات و في بالي بش نكمل نشري خبز و ياغرت و حليب زادة!
- باهي مش مشكل هات اللي عندك، توا نعطيك بيهم
- لا لا مش لازم، اليوم بطلنا، بش نصومو. بالسلامة.

كتبتها:bent 3ayla على الساعة: 6:06 م

تعليق غير معرف ...

le premier
je veux du batata comme cadeau

22 مايو، 2009 7:55 م

تعليق غير معرف ...

il se voit i7ib i3adiha 3lik tu vois il t as dit ok donne moi ce qui tu as
il a cru que tu es idiote

22 مايو، 2009 7:57 م

تعليق mouaten ...

ما فيباليش الّي ماعندناش الحق باش نكذبو في مدوناتنا، علاش تبرّر في موقفك؟ هي حكاية والمهمّ نستمتعو بيها.
اما كيف تبدا حكاية!

22 مايو، 2009 9:04 م

تعليق foued ...

elwa7ed y3oud ya5ou elbanane ytayyeb bih ar5ess lol

22 مايو، 2009 10:09 م

تعليق ولد بيرسا ...

برّا بركا فتّونة...عدّيها هاذي.
نصيحة من عند خوك أكبر منّك: موش لازم تشدّ فيها صحيح الحكاية لا تولّيلك قضيّة رأي عام و ما يسلّكك منها كان المولى

برّا أخرجلنا ببوست آخر دلّول و خلّي الأفنتاج (l'avantage) ... الكورة مازالت تجري ما توقّفهاش...
:-)))

22 مايو، 2009 10:44 م

تعليق غير معرف ...

الخضار تلقاه يغزر للوجوه مبعد يعطي السوم.
إنتي ظهرتلو مالجماعة الصحاح
;-)

وكيما قال ولد بيرسا مشيلنا بوست جديد خلي نعملو ضحكة وسيب علينا ملبطاطا والسفنارية

23 مايو، 2009 12:28 ص

تعليق cactussa ...

fakartni b baye3 lifrippe aka ili yo5zorlik w y9olik soume l9at3a!! :ppp

23 مايو، 2009 9:27 ص

تعليق bent 3ayla ...

مش نبرر اما هي حكاية فارغة و كبشو فيها. عاد ع الاقل خلي الواحد يبري ذمتو و يقلهم راهي الحكاية بالحق. و تهنى كان خطرلي بش نقوم نكذب، مانيش م الغباء متع طاح الزيت وقعد الكوز معلق. ايا خ نرقدو ها الصباح
ملاحظة كان تدللوني اليوم ندللكم ببوست هايل

23 مايو، 2009 10:42 ص

تعليق ولد بيرسا ...

اتدلّل يا للاّ، اتدلّل
شكون عندنا أحنا؟

23 مايو، 2009 2:12 م

تعليق غير معرف ...

fech 9am indallel fik?
chenwa marbou7i

23 مايو، 2009 2:24 م

تعليق غير معرف ...

méla 3la ha dazza moukéch souda, w'cha3rék téll :-)))

24 مايو، 2009 10:03 ص

تعليق غير معرف ...
أزال أحد مشرفي المدونة هذا التعليق.
24 مايو، 2009 12:19 م

تعليق bent 3ayla ...

شنوة توا؟؟ مزالشي؟ ايا يهديكم تعليق اخر خارج ع الموضوع من ها النوع، نسكر التركة غادي و اخطاني. وصل الطش لهنا؟

24 مايو، 2009 4:44 م

تعليق ولد بيرسا ...

ما تتنرفزش يا بنت عايلة... ما تت نر فز ششششش !!!!!!
في البلوقو يا صديقتي، يلزم الواحد يكون دمّ بارد...، يقتل الحنش ب××××
كان باش تتغشّش باش تخلّي المجال للأخرين باش ياكلوك ماكلة.
هوما حلّين: توّا ماك حكيت حكاية و شطر تونس قراتها، و دزّو خوه طاح في الشّربة..... يا امّا شدّ فيها للأخّر و كبّش و موت و دافع عليها (و انت تبارك الله على أختي لسانك داير برقبتك، ماكش باش تحير) :-) ، و الاّ عدّيها هكّاكا، تلّف شويّة، أرمي بوست آخر و الاّ اثنين تو توفى الهدرة و تتعدّى من غير ما توجعلك راسك لا تشمّت فيك الأعداء
أما كان باش تولّي تتغشّش و تكشكش و الّي يقلّك كلمة تحلّب عليه و كذا؟؟؟ و راس بنت عايلة الغالية لا يفكّك منهم حدّ... خاصّة هاك الأنونيم الزّنوس

و للجناب سديد النّظر عادا!

24 مايو، 2009 10:46 م

تعليق bent 3ayla ...

يا ولد البر الشمالي ما نتنرفزش على حكاية تابعة التدوينة اللي صدق صدق و اللي لا صدق الله لا صدق. اما الكلام الي مش ولا بد ماعندوش بلاصة هنا. توا لو جا واحد في الشارع نجم نشد نغسلو و نشللو لايف و العباد تنقش القلوب و تصفق اما يرمي كلمة و متخبي وراء ارديناتور ما جات شي

24 مايو، 2009 11:17 م

تعليق غير معرف ...

HAHAHA!!!!!!!!!!tawa hadhi 7kaya

26 مايو، 2009 7:23 م

تعليق bent 3ayla ...

لا رواية

26 مايو، 2009 9:31 م