skip to main |
skip to sidebar
|
الأربعاء، مارس 18، 2009
|
|
و الله حبيت اساعة نمشي نخلي تعليق مع المعلقين، لكن للاسف، تعبت و انا نقانص ف الـكونكسيون، اهوكا ع الاقل خلطت قريتهم يزي، الحمد باهي راهو. ايه نشكركم على تفاعلكم مع المأساة العاطفية متاعي و نشفي غليل سي ك.م.ر و نقلو راهي عندها توا قرابة السبعطاش سنة ولا هيا عشرين (يزي ما تفضحش عمري عاد!). ايه عاد علاه جبدتلكم ها الهدرة المخبلة في خيط؟ مش عاودت لقيت اثارو الطفل؟ ولو الاحرى توا نقول راجل.
ماو ف الفايسبوك الاصلي، مش متع بنت عايلة، لقيت add من واحد سوداني حاطط تصويرة ليه مبتسم يكشف عن صف اسنان بيضاء لماعة. م اللول كيما اي حد ما نعرفوش جيت بش نسخطو بـ ignore ، اما لقيت جملة مصاحبة للطلب الراجل يهلل و يبارك ويقلّي عشت و شفت النهار اللّي طحت عليك و لقيتك يا فاتن، شوف الدنيا مصغرها! قعدت ندقق و نثبت و خرجت المرايات متاعي من شكارة المونربري اللّي مخبيتهم فيهم و مسحتلهم بلارهم الليّ ولّى منظرو كي بلار الكرهبة بعد الشتا على قد ما ناسيتهم و انا نقول اشبيني النظر ماشي و يزيد يعشش. المهم بش نختصر الحديث خير ما نزيد نتحل فيه، الراجل طلع طفل سوداني كان يقرا معانا ف الابتدائي، بوه كمل البعثة الديبلوماسية متاعو و هزو صرّهم و تِلْفو. الراجل عدّو بش يزغرط وهات يا hug و هات يا ورد يا غناية. ايه عاد من حديث لحديث، ذكرّني بنهارة اللّى عطيتهم طريحة بعد ما خسرت مسابقة الشطرنج و الطفل شايخ تقولش عليه يحكيلي ع النهار اللّي بحتلو فيه بالحب اللّي اضناني. و زيد قالي ياخي انتي لتوا تحقد عليه المسهوك؟ اشبيك مازدتوش ع الفايسبوك؟ اهوكا ف الليستة متع اصحابي و راهو يبعثلك السلام و ما حبش يبدا هوا بالخطوة لوّلا خايف من ردة فعلك. الحق حشمت، توا الراجل ولد حمام لنف، لازم الحكاية توصل للسودان و ترجع للزهراء بش ننسى حقد الماضي؟ و زيد بش نقلكم ما كلانيش الفضول بش نرا الفطشاطة متاعو بعد ها العمر، نكذب و طارت عيني. مشيت للـ search bar و تابيت "مسهوك". الصلاة ع النبي طلعلي لوّل ف الليستة ماعقلتوش لابس مرايات شمس ستيل ذبانة ماضاهر منو كان الدقنونة. اما تاكدت اللى هوا بما انو فما قرابة العشرين صاحب مشترك، يعني من تشكيلة القسم القديم ما قعدت كان انا. سخفني، قلت ياخي لتوا منبوز منها الحكاية؟ ايا سيدي زدتو. اساعة كي تحل البروفيل و ريت خليقتو ما تبدلتش، وحدي وحدي، سيّبت اللي في يدي و بديت نضرب في روحي بالكف، و نزيد نبحلق و نقول فما عينين تعشق الدعماش، توا هاذا منظر و يتحب؟ و زيد ما احلى م الخليقة كان الخلوق! تي غير طيش صغر وبرا. الحمدولله الحكاية قعدت دخلاني و بسترة ربي. ماو م الصغرة عندي الكرامة قبل الكرواسون (حقوق التاليف محفوظة لصاحب ها العبارة اللماحة). ايه توا نهارين و انا نخرف و نحكي و لتوا لا وصلت للب الموضوع و الوالد عدّو روّح بش نحطلو يستقات... زعمة خلّى غدوة؟ ولا فك عليا، فما شكون يعرف دارنا، يمشيش يعرضولي يترّسو عليا بطريحة، ايا خ نبلفطكم. الطفل و حكايتو و حكاية انو عاودت لقيتو، ما تعنينيش و ماكنتش بش نحكيها لو كان ما دقوش ربي و جاني حزين رزين يشكي و يبكي ويفرغ في قلبو. ماو بعد السلام و احوالك و احوال اختك و اش تعمل و اكا الصمت متع شنوة مزلت بش تحكي معاه، الطفل تنحنح، و قاللي ماك انتي امراة قانون، بالله القالي حل ف ها المشكلة اللّي عندي. و انا عاد ما نحبش المزايا الفارغة جملة! قلت في قلبي هات خ نعاونوه، زعمة اش بش يكون عامل؟ سارق سريقة، كمبيالة فات وقتها، عندو شيك بدون رصيف، شدوه بيشم صوابع رجليه، حويجة مقدور عليها. الراجل ظاهر فيه عندو السّر الرباني بزايد. توا انا قبل نغزرو و نصلي ع النبي، طيش صغر، اما توا و ع الحالة المكربة اللّي هوا فيها، فما وحدة عابدتو و المعبود ربي. م اللّول فرحت و قلت شوف يا سيدي، هاي بنت امها، مش كيفي بهلولة و من عشق فعف فمات، مات شهيدا، وينك. هاو اللعب الصندي. اما مبعد، قلت السماح! بعععععععع الطفل نهار م النهارات في اطار لقاء شلة، تعرف على فتاة رقيقة لطيفة، لاباس عليها. دبرت نومروه من عند طفلة صاحبتها و بتبتت عليه و عرفت وين يخدم و وقتاه وكيفاه. نهار نهارين و هيا هاي مكلمتو خاطر "بالصدفة" متعدية من بحذا خدمتو، ايا ايجا نعملو فطور. ايجا نعملو قهوة. تفد تعمل هكا تهز التاليفون تسمطو بنص ساعة تلغبيب سرّاح ف الفارغ هاذا ف النهار ووقت الخدمة، اما ف الليل تعملو شهرزاد اللي ما تسكت كان ف الصباح ع الكلام المباح. وين تسمع بيه خارج، انشالله حتى هوا و صحابو لقهوة الحومة، تمد وجهها معاه. الواحد ما يكذبش، الطفل بيه و عليه اما الحق ولد ناس، متربي و الفم ما يقول العيب. لمّحلها، رمالها المعنى، شي! اكا الحيط يفهمك و هيا لا. سلّم! قولشي، حشمتشي ولاّ جعرتشي؟ اما نهارت اللّي تضرب جا يدور، نهارة اللّي دخل للدار لقاها محلّقة في دارهم، حاطة ساق على ساق و هيا تهر مع امو و اختو، اش قاللك و اش قال عليك، طفلة بنت حلال "بالصدفة" متعدية في الحومة ولقات مرا كبيرة (اللي ب"الصدفة " تطلع امو!) مروحة مرزنة بالقضية طلعتها معاها. دخلوها تشرب حاجة و الكلام هزهم! ولاتش الطفلة سيار ميار عليهم ف الدار، و كملت نهار نهارين هاي مقرطة راسها في فولارة و تعاون فيهم، و داخلتلو لبيتو زعمة زعمة تنظف فيها، و هاو نهار نهارين حاطتلو جواب، غناية، وردة.. جبد امو على جنب و قاللها الداقزة. المرا مللّي كانت ناوية تخطبهالو، بشوية حذاقة وبرشا صبر، نجمت تحرّم عليها عتبة باب الدار. قولش سلّمتشي؟ فما عباد ريحة النخوة و الكرامة ما تكسبهاش. ولات الطفلة بنت الحلال، موقفة كرهبتها قدام الدار، تعس عليه كي يروح، و تشيعو للخدمة الصباح. و هيا عابدتو و المعبود ربي. و زيد دخلتلو للخدمة عاملة روحها حريفة و جايبة دوسيات. الطفل بش يهبل. وين يقبل يلقاها، انهاشي م الفايسبوك، عاملة برشا كونتات و كل مرة داخلتلو باسم و كل مرة تخليلو تعليق و تشوهلو في سمعتو عند الناس. في هاو وعدها و جبد، في هاو استفعل فيها و رماها. و هيا نهار كامل تهدد فيه بش تقتل روحها و بش تنتحر و بش توحلها في راسو و ترصيلو في حل و اربط. الطفل يحكي و انا باقي مش مصدقة اللي فما ناس بايعة روحها بالرخيص لها الدرجة. و نقول يبالغ و درا شنوة. حتى نهار وراني نوع المساجات اللي تكتبهملو، و مشيت هزيت باكو قاتو و بوكي ورد، مش بش نخطب، هذاكا اللي مزال، بش نطل على امو ، مهما كان كانت توصلي معاها ساعات للمكتب و تبعثلي الشكلاطة. لقيتها في حالة مكربة، تعطيها اكثر من عمرها و هيا تتغصور في تركينة و تبكي بالشهقة ع الغلبة اللي صارت فيهم و في ولدها. لا خلات ولا بقات دعا شر على بنات ها الزمان الاحرف. ايه توا حكيت برشا، و انا وحدة م الناس قمت ببعض الخطوات الفعلية بش نحل المشكل ماتقولوش بش تغلّب عليا طفلة مصعصة. اما تره خ نشوف انتوما ف ها الموقف اش تقترحو، لعلا نستفاد منكم و تجيبولي افكار شريرة اكثر و نزيد نشفي غليلي منها. |
|
كتبتها:bent 3ayla
على الساعة:
8:36 م
|
|
الاشتراك في:
تعليقات الرسالة (Atom)
|
|
شكوني بنت عايلة
|
و الفتون اعزّك الله هو ما يذهب الشيرة و يعمي البصيرة و يسكن منك الفؤاد و يتركك تتدهمك في حيرة... و كما قال اش اسمو، الفتون جنون
|
|
للإتــصـال
|
|
شوية موزيكا
|
|
ملح و سكر:
كمنجة:
كمنجة:
إيقاع:
كلارينات:
قد أصبح عندي بندقية:
|
|
أهلا باللي زارونا
|
|
|
pour la prmière fois un comm, mais depuis longtemps un fan
chapeau bas bent 3ayla et bonne continuation :)
ah j'ai oublié
pour ettofla, keni mahboula lezmou sa7bek ywalli mahboul akther menha
wa9t'ha elle va le laisser tranquille
ben kima fel physique, 2 poles du meme signe
ena ken kifou nestaf3el fiha birrasmi comme ca elle va savoir
desole pour le mot mais rahou bnet kima haka hetheka illi lezemhom
malla hamlinf
wallahi saretli... mouch autant, mawessletch tkallem ommi (hedheka illi mezel, wallah to5rej wraha b yedd sberka) ama bdet t5arrej fi iche3at w tkather mil klem.... makontech mil 3aksin, mchit behweha, 5rajt m3aha jem3a min zmen, ... jem3a 3addithelha kayennha 3am: dhawe9tha echabb, msa7t biha il 9a3a, taye7telha 9darha 9oddem la3bed ilkoll, 3ayett 3leha w bakkitha 9oddem 5al9 rabbi (netdhakkerha kima tawa, fi train, dam3etha 3la 5addha w hia t9olli behi rached ca va, la3bed tesma3...)
mata3rfouch ettofla, w bech t9oulou matest7a9ech... c vrai!! :) ama hia wasslet rou7ha chowaya d'un coté, w éna kont msa3sa3 akther men hakka chowaya de l'autre!! :)
cela dit, on est d'assez bon copains tawa...
مشكلة هالسلعة الرخيصة أنهم ما يفهموش رواحهم أو بمعنى آخر ما يحبوش يفهموا رواحهم و فكرتني بخطيبة خويا سابقا إلي مهما تسبها و تقشتلها تزيد تلصق أكثر و بصراحة ما نفع معاها كان الإلتجاء للتهديد بالعنف باش فهمت روحها و قالت حقي برقبتي كيما يقولوا في مسلسلات مصر. هالناس هاذوكم تحبلهم واحد رقعة صحيحة و الأهم يكون لسانو طويل و من هاك النوع إلي ما يخلليش وجهو عند الناس
@bent ayla
comme d’habitude il est excellent ton article, tu écris vraiment bien(ainsi que ta voix que je viens de découvrir ;))
mais ma question et tu m'excusera pour le hors sujet ,en tant que fille cautionne tu les commentaires ??
j'attends vraiment de voire ta réaction devant de de tels propos indignes c'est très grave de laisser passer de telles âneries ,moi J'ai beaucoup de difficulté avec certains commentaires si pas tous
@autres
Pardonnez-moi je n'ai pas pu résister au bon mot, vos commentaires ne m'inspire que de la tristesse pour l'instant. Si la colère prend le dessus je reprendrai la parole. Si c'est la réflexion, je pense que je le garderai pour moi...
bref
diaboliser cette fille revient encore à mépriser toutes les autres filles C'est une arrogance très arabe.
Commençons par respecter les femmes,parce que les comprendre et les respecter c'est la première étape pour les influencer et les corriger. Pour les aider à sortir le meilleurs de ce qu'ils ont à donner.
Il est évident que certaine filles avec leurs comportement nous choquent et en plus
c'est tellement confortable de s'ériger en juges. On est tous d'accord, le comportement de cette fille est ridicule. Mais je vous rappelle qu'il n'y a pas mort d'homme pour osez parler ainsi et vos méthodes ??
@k.m.r
honnêtement j'ai peur d'émettre un jugement sur ton commentaire par peur que tu va finir par croire que j'ai une dent envers toi,wallah cheyy ya rached,je n'ai que du respect envers toi
mais comment peut-on être fièr d'avoir ainsi traiter une fille ?
imagine quelqu'un faire supir la meme chose a ta soeur ou a une cousine ou meme a une amie a toi ?
qu'elle serais ta reaction?
je ne demande juste qu'a comprendre.
salut 3amrouch, w n'ai aucune crainte, rahou je sais bien que tu n'a rien contre moi, mais on est entrain d'étudier un comportement, un point de vue w barra ... (entre parenthèse, l'autre fois illi 9alla9ni howa innik majitech 9otli rien de rien, w mechi ta7ki 3lia w tarmi fil ma3na... c bon dhaherli on a reglé le "conflit" - qui n'en était pas un grand quand meme... la 3alayna... ;))
pour ce qui est de éna ech 3malt m3a ilk bnaya hedhi, tout d'abor, qui te dit que j'en suis fier?? éna awel wa7ed 9olt illi hia matest7a9ech, rapelle toi:
"
mata3rfouch ettofla, w bech t9oulou matest7a9ech... C VRAI!! :) ama hia wasslet rou7ha chowaya d'un coté, w ENA KONT MSA3SA3 AKTHER MEN TAWA CHOWAYA
de l'autre!!"
ensuite, éna zedt 3la ma wassawouni, ma3tithech meme pas jim3a bent ennes, ama zeda hya wasslet rou7ha!! peut etre kont ennajem netsarref m3aha autrement, ama pas trop "gentiment" rahou, ca n'a donné aucun résultat, w éna jarrebt...
troisièmement, la79i9a mana3refch ken tsir l'o5ti il faza, 5ater je n'ai jamais eu de soeur donc mannajemch n9ollik ess7i7, ama nesawer kont netsarref bil ghalit: kont n3arek ettfol illi mazbelha... 3leh??? ghira!... ghira 3amya!!!
ken jit éna b3a9li, nardha o5ti tetlawe7 3al 3bed w tofredh rou7ha 3la wa7ed ma7achtouch beha??? éna jit weld 7lel (eyh n3am, weld 7lel m3a illi 3maltou feha ilkoll) w ma 3maltelha 7atta fdhi7a fi chrafha, w ma5dhitelha 7atta frank min floussha... ama illi bech yti7 b o5ti, ken nkammel fil tasawer mte3ik, za3ma bech ykoun weld 7lel?? bech ykoun mo5ou ndhif???
5ouya 3amrouch, mana7kiwech 3la o5tek wela ki ke ce soit, tetsawerchi rou7ik nhar init thedd 3la tofla la ta3rfek lè ta3refha w t7ebb tofredh rou7ik 3leha bessif??? yjichi minnou torbett bint enness w t5arrej 3leha klem w tal3ebb b mo55 darhom ... ??? hedha ilkoll 3lech?? 7abbitha za3ma??? manetsawerch... 5ater illi 7abbou 9ablik mahomch chowaya...
init bech t9olli mana3melch hakka, n'est ce pas?? eyh 3leh mata3melch hakka??? za3ma mouch 5ater "ca ne se fait pas???" w elli ya3mil 7aja qui ne se fait pas, mayest7a9ech y3amlouh bil mithl????
dhaherli init 3amrouch howa illi 7a9er ettofla w t3amelha 3la ennha tfol sghir, dima lezmik tseyesha w t3addilha... "mehi illi tofla après tout..."
9olli zeda 3omrou malsa9 fik wa7ed y7ebb ywalli sa7bek bessif w enti mate7mlouch??? kefech tsarreft m3ah brabbi???
dsl bent 3ayla pour la longueur du comment, mana3refch 3lech, ama lektiba fil blog mte3ik tchahhi... kenjit bech nekteb post fil blog mte3i rani dhrabt 3la l'inspiration mal9ithech!!! :)
ك.م.ر.
اولا حاجة نشكرك انك تقبلت النقد ،بالحق خفت لا تفهمني بالغالط وتقول اشبيه شادد خناقي وين نتكلم يجيني، بالعكس راو باهي نتعداو.
pour ce qui est de éna ech 3malt m3a ilk bnaya hedhi, tout d'abor, qui te dit que j'en suis fier?? éna awel wa7ed 9olt illi hia matest7a9ech
انا الي فهمتو من كلامك انك "تفتخر" بالي عملتوا فيها ولو انها ماتستحقش على حد تعبيرك، لكن مجرد الحديث باطناب وسرد التفاصيل يدل انو هناك نوع من الفخرة على خاطر الي يعمل(خطأ) حتى خير مقصود يندم عليه ويحاول ينساه ويقول ربي يهديني ويسامحني ، على كل انت قلت انك وليت صحاب برشة معاها وهذا شيء كافي ،لكن الي ماعجبنيش انك عطيت برشة تفاصيل (بكيتها ، في القطار ووو)
ama hia wasslet rou7ha chowaya d'un coté, w ENA KONT MSA3SA3 AKTHER MEN TAWA CHOWAYA
de l'autre!!"
ensuite, éna zedt 3la ma wassawouni, ma3tithech meme pas jim3a bent ennes, ama zeda hya wasslet rou7ha!! peut etre kont ennajem netsarref m3aha autrement, ama pas trop "gentiment" rahou, ca n'a donné aucun résultat, w éna jarrebt..
مانيش ندعي في الكمال ولا المثالية وممكن كان جيت في مكانك نعمل اكثر منك خاصة كيف تقرب لدارنا فذلك شيء غير مسموح بيه ،لكن كيما قتلك لفوق مشكلتي في الستر اولا وعدم التشهير ثانيا ،تي حتى الناس الي تعرفك تقلك ملا ك.م.ر هذا تي هاو بعمايلو ،تي هاو مصعصع فهمتني؟تخيل مثلا هي تتعدى من هنا وتتذكر الفازة؟
ghira!... ghira 3amya!!!
??????????
موش هاذي الغيرة العمياء
etsawerchi rou7ik nhar init thedd 3la tofla la ta3rfek lè ta3refha w t7ebb tofredh rou7ik 3leha bessif??? yjichi minnou torbett bint enness w t5arrej 3leha klem w tal3ebb b mo55 darhom ... ??? hedha ilkoll 3lech?? 7abbitha za3ma??? manetsawerch... 5ater illi 7abbou 9ablik mahomch chowaya...
لهنا انا معاك الف في المئة والظاهرة مرضية راهي وتتداو ،عملو عليها برشة محاظرات وكتب وافلام فمة شكون يقتل جملة وحدة ولا يشوه الوجه يا لي انا يا مايخذك حد
الله يسترنا ويبعد علينا اولاد وبنات الحرام
dhaherli init 3amrouch howa illi 7a9er ettofla w t3amelha 3la ennha tfol sghir, dima lezmik tseyesha w t3addilha... "mehi illi tofla après tout..
ههههههه
عجبتني فيها
رجعتلي الكورة ليا انا
هايلة منك
9olli zeda 3omrou malsa9 fik wa7ed y7ebb ywalli sa7bek bessif w enti mate7mlouch??? kefech tsarreft m3ah brabbi???
عندي طريقتي الفعالة والمجدية ههه ضربة ضربة
تو نحكيهالك كيف نبداو وحدنا
هاني بش نجاوب فيسع بش نضمن ع الاقل اللي صوتي وصل.
انا مع عمروش قلبا و قالبا ف ها الحكاية. هاني بش نفصل التعليق كان رجعت الكونكسيون
باهي، توا علاه مع عمروش.
بكل بساطة خاطرها انسان. يعني حتى طفل ما ترضالوش التمرميد و انك تمسح بكرامتو الارض، خلّي عاد كان طفلة، فيها اسمها و اسم عايلتها. الله اعلم هيا اشنوة اللي وصلها لاكا الحالة المكربة لكن مهما كان الواحد ما ينجمش هوا بيدو يهبط من مستواه. باهي، توا اش عملنا و جا مليح؟ الطفلة ما فهمتش روحها و باقي على قدام.
كقانونية كنت نجم نقلو اشكي بيها و درا شنوة. اما زايد. علاه، خاطر حكاية سمعتها حتى لو كان هيا ما خافتش عليها و سمعة الناس اللي بقداهم و م الفوق اجراء طويل و فيه برشا اثباتات و طامة و عامة.
اشنية الحل؟ انا كنت نستنا حلول ملموسة منكم مش حاجات متع ضرب و درا شنوة. انا نحب الخدمة النظيفة باقل الاضرار. صحيح فيها برشا صبر و خدمة لكن ع الاقل كرامة حد ماهي بش تتضر و انا م الناس اللي ديما نحب شعرة معاوية نخليها مع العباد الكل.
اول حاجة شوية افلام رعب، مدام هيا ولات تستناه قدام الدار ف الليل، قلنا لامو تتصل بالشرطة فما سكارى ف النهج. بالطبيعة تعدات الكرهبة مشطت الحومة و لقات طفلة ف الليل واقفة غادي، عملو كنترول وراق فيسع فيسع و اش تعمل لهنا الله اعلم اش من كذبة طلعتها. ديجا كبسة باهية
ثاني حاجة قتلو اخترع خطيبة وهمية، اتفق مع طفلة تقربلو انهم يمثلو ها الدور حاولت انها توقع بيناتهم لكن الحكاية م اللول فالصو، جهودها ما جابت شي. و انا بيدي تعرفت عليها الطفلة و دخلتلها م اللوطى و بديت نبربش ف مخها. و نبعول. هاو مرة معاها الطفل بيه و عليه و هيا الف من يستحقها اما هوا الله غالب خطب ووفا،هاو مرة هيا طيارة عليه و كيفاه رضات بيه.
باقي نحسها مرة هاي مالت معايا ومرة لا. قعد الحل السلمي الوحيد و هوا دارهم! تلفون باهي من ام الطفل حكات مع بوها بطريقة سيسة لا سبان لا تطيح قدر، و لمحتلو و فهمتو و عطاتو شوية ادلة. م اللول ما حبش يصدق في بنتو، اما مبعد بالشوية بالشوية كبس عليها و ها الطريقة جابت نتيجة. حتي لو كان مزالت ساعات تقلقو ع الفايسبوك، باقي حكاية فارغة.
هاذا انا شنوة عملت، و نتخيل انو ما غلطش، مادام الشي قص باخف الاضرار، ممكن كنتو تنجمو تعطيوني افكار خلاقة اكثر، لكن تمرميد و تطيح قدر، ديما راهو ما يزيد كان المشكلة تفاقم. و الواحد مبعد يكره روحو و يستصغرها.
@ bent w 3amrouch:
illi 9alettou bent c'est une très bonne solution, diplomatique, intélligente, illi t7ebb... ama allah ghaleb, wes3 il bel mathammech!!
bon il faut dire que la7keya illi 7kitha éna ca date de plusieurs années, donc mo55 e5er w to5mem e5er, ama mannajemch n9ollik ken t3awed tsir tawa echnowa bech na3mil...
min ne7ya o5ra, ce que tu propose ya bent, c tout un stratagème, da5let fih il chorta, il famille hedhi w lo5ra, certains amis (en l'occurrence inti) w peut etre 7atta il jirène, 3leh??? 5ater deja la7keya weslet lil3bed ilkoll w ma93ad mayet5abba... ma3neha fdhi7a de tte façon... éna ma7abbitech noussel il hetha, 7abbit n9oss eddè mil 3rou9!! une solution radicale bineti éna weyaha 9bal matekber la7keya w tfoutna... allah ghalib, je suis comme ca, je n'aime pas laisser trainer les choses!
enfi, @ 3amrouch, en mode monologue:"شبيه شادد خناقي وين نتكلم يجيني!!!" looool
non sérieux, wallahi madhabia net9ablou nhar, na7kiw fi barcha 7ajet, on était parti du mauvais pied, ama apparement c'est du plus a des malentendus et au fait de ne pas se connaitre suffisament l'un l'autre, plutot que des divergences d'avis wela de point de vue... :)
au plaisir ;)
cela dit, on est d'assez bon copains tawa...
ya kmr 9adech tektheb bech man9oulech ta7**i f*h sinon bent 3ayla va effacer mon commentaire comme avant
ya bent 3ayla ma5yeb soutek
hani tawa sma3tou fi radyoun
bourne
الحمدو للله قلت ف الفايسبوك الاصلي، متاعي، باسمي و لقبي. هاذوكم متع بروفيل بنت عايلة و يزي يا ولدي فضحت الناس! علاه هكا؟
ك.م.ر، ع الاقل ضمنت اللي هيا بش تقطع ها الشي معاه ومع غيرو. و عدد اللي تدخلو مش برشا و ما تعاملنا كان مع الثقات.
غير معرف، ايه يعيشك الكلام الخايب لا، مش متاعنا عاد!
سي الراديون، ياخي ريتني نغني ولا نشارك ف ستار اكادمي؟ هاني نكتب و عاش امرء عرف قدر نفسه. يا ولدي اش تحب تعمل؟ ابعث جواب مسوقر للخالق قلو بدللها صوتها! جبتو ف زهازي ولا شريتو؟ ماني تخلقت بيه! امالا كان تكمل تشوف الخليقة؟ تي بسترة ربي وبرا.
ab3athli taswirtek 3ala email mte3i 5allini nchouf
تعيا و انتي تقبض!
بنت عائلة
في بالك الي الزهراء متسمية على لزهر الشرايطي؟
حلل وناقش
الحق مافيباليش. اما انتي ظاهر فيك ولد قفصة!
انا قلت لازم دقزو و عزمو و عرفو اللي بعد سنين و منين بش تسكن فيها "زهرة" كيفي.. علاه التحطيم؟
Bonsoir Bent 3ayla ,
svp effacez le commentaire de "ghair ma3rouf "dans lequel il cite mon nom et prénom.
merci
سامحنا يا خويا، اما ما فيباليش تقلقت. خاطر الناس الكل تنجم تشوف اللي نحنا صحاب ع الفايسبوك