يا جماعة، هاني خارجة شوية اخر مروحة، اما كان بطيت عليكم بالتدوينة متع اليوم، اعذروني. عندي قضية مستعجلة نخطف روحي نقضيها و نجيكم. متعديا لجيان، ماو جاني ميساج تحفون عل البرتابل، يقول

''Pour tout achat de 40 dinars et plus, Fatatles Tunis City vous invite a une consultation voyance gratuite avec madame Antoinette le 11 Fevrier a partir de 17h.''

بصراحة بعد ها الماركتينغ، يحرم الكلام. اللي خلاتو اذاعة موزنبيق اف.ام، كملو عليه جماعة فاتال..

كتبتها:bent 3ayla على الساعة: 6:15 م

تعليق Free Eagle ...

نعيشوا و نشوفوا

11 فبراير 2009 في 8:05 م

تعليق Haykel AZAK ...

Je devais appliquer àa moi loool mais le resultat ne sera pas garanti..le seul truc ca sera mon renvoi mddrr

11 فبراير 2009 في 8:22 م

تعليق غير معرف ...

CHnya bent ayla ti hak machia tejri 3ada ce quil parait 3ejbetek Hkayet voyante hasilou imchi w ahkilna loool

11 فبراير 2009 في 10:28 م

تعليق غير معرف ...

j'ai recu le meme ce matin du 22202220. Et j'ai repondu de suite : "Il y a des limites tout de meme. Une voyante et puis quoi encore ? priere ne plus m'envoyer vos offres publicitaires. "

11 فبراير 2009 في 11:07 م

تعليق kmr ...

chnowa ??? antoinette??? ti antoinette inti t3allemha il voyance!! :p

11 فبراير 2009 في 11:47 م

تعليق bent 3ayla ...

دك، ما فهمتكش ها المرة..

غير معرف، و الله لا جات لبالي هاذي...فكرة.

ام يوسف، خاطي خوك. علاه هبلت ف ها الليل اللايل و الشتا خيطين م السما هابطة نجري لانطوانيت؟

ك.م.ر... هاو اللي يفهمني !!! الغيرة تعمل يا خويا و صاحب صنعتك عدوك

11 فبراير 2009 في 11:51 م

تعليق غير معرف ...

لا بصراحة ، جماعة الماركتينغ اللّي باضو هاللفكرة (الحارمة طبعا) ، تاعبين ياسر.. وما يكسابوش حتّى غرام متاع وطنية ! إيــه إيــه ، و نحب نأكّد برشه على حكاية الوطنية ...

توّا هكا يا رسول الله ، الأزمة تضرب تشحط توّا عندها قدّاه و عاملة حالة في العالم أجمع، وأحنا ماشين نستوردو في... "تاتا أنطوانات" !!! تي بالحرام نحلف عليهم يخلصوا فيها بـ"دوفيز" !

علاه يا بوقلب ، ناقصين دقّـازات في تونس !؟!!؟

و من بعد يقولوا عنّا مشكلة في هجرة الأدمغة و هروب الكفاءات الوطنية ... تي ماهو أعطيوا فرصة للمنتوج المحلّي يا دين الزحّ !!!

هههه... على مراد الله و برّا !

12 فبراير 2009 في 1:38 ص

تعليق Dovitch ...

هه حلوة منك باندي
هجرة الأدمغة و هروب الكفاءات الوطنية

صحيح توا التقازات متاعنا الكل يتغششو و يهجو او نقعدو بلاش مشعوذين في البلاد
الجرائد الكل تسكر او تفلس
المواطن معادش يلقى
لا كيفاش يتثقف،
لا كيفاش يلم ساقيه،
لا كيفاش ينجح في حياتو المهنية،
ولا حتى يجيب البخت لروحو في البرومسبور

مأساة تولينا في البلاد في جرت تاتا أنتوانات
ربي يهديهم في هل البدعة

12 فبراير 2009 في 11:22 ص