إن شاء الله اليوم نكون أول معلق. حكايتك مع النوم مش بعيدة على حكايتي. وخيك النسر وقت الناس يرقدوا هو يقومو حتى في الدار متسمي بشيطان القايلة على خاطر يستحيل باش نقيل و إذا مرة حصلت و قيلت يقولوا هدوا ربي و معروف في الكلية ما نحبش الحضور في الصباح و نكره القوايل و مغروم بالمرواح الخمسة و نص كي تبدا الدنيا ظلمة و زيد حكايتي مع الليل طويلة و مللي كنت نقرا في الدرسة ما نحب المراجعة كان في الليل و نهار أحد كامل تلقاني نكركر و ما نتفكر القراية كان في الليل. الله غالب ما نرتاح كان في الليل و حقهم ياخذوا بخاطرنا أحنا جماعة خفافيش الليل و يشوفولنا خدم في الليل باش نرتاحو بالباهي. الحمد لله كي لقيت ثمة ناس كيفي ما يرقدوش في الليل. أما يعطيك الصحة بخصوص الكرهبة إلي خرجتها و نسيتها و بيناتنا قللي وقتاش تخرجها و خللي المفاتح تحت الكرهبة تو نعمل دورة و نرجعها و تو نصب الإيسونس من عندي. ههههههههههههههه

تقول نسمع كلام تتا بنت عايلة و نلقف روحي، الله غالب ما نعمل كيف ع الدنيا كان في الليل و توة عامل جو على خاطر الدنيا ظلمة و فروخ الحومة و المدارس راقدين. هي يمكن الحكاية نفسية زادة على خاطرآني ما نحبش الحس برشة و أفضل فترة ما فيهاش حس هي الليل

lorsque tu as ecris ce texte tu t'es reveillee
car j ai des doutes que ce n est pas vrai killi fama 7aya qui ne colle pas

ايا على سلامتكم يا شلة المرح تي هاو طلعنا الكل في الهوا سوا انا زادة ما نعمل جو و نزدهر كان في الليل و خاصة في الصيف نموت علي حاجة اسمها ليل !!
بالله قولولي اشنوة خير من الرياض و السكات و الطمانينة و السكينة (لا مفرخ تعيط لا كراهب تزمر لا زحمة المواصلات)
و نزيدكم زيادة نعمل كيف على صوت الفرزيط كيف يبدا زاهيتلو و جايب ما عندو و انا خوكم نبدا نترشف في كاس تاي (مدمن متاع تاي احمر و لا اخضر) .
على فكرة نقترح انا نعملو جمعية كيف جمعية Alcoholics Anonymous A.A و نسميوها Insomniacs Anonymous
نعملو حلقة و نجتمعوا مرة في الاسبوع وكل مرة ياقف منا واحد و يقول انا اليوم عندي 4 ايام نرقد الـ 10 متاع الليل و نقوم الـ 8 متاع الصباح و البقية عاد يبداو يصفقوا و عينيهم مزغللة بالدموع على طريقة الافلام الهوليودية و يعيطوا يعطيك الصحة ! برافو ! تبارك الله عليك ! تحيا تونس ! يحيا الـ CLUB ...هههه

@بنت عايلة تطلعشي زادة "somnambule" ?
تعرف حكايتك ذكرتني في documentaire يحكي علي ناس عندهم اضطرابات في النوم منهم راجل مسكين مرتو هراتو بالكفوف قالك مرة قامتلو عقابات الليالي و لعجت عليه بداودي خلصت فيه القديم و الجديد , لا خلا لا طبة لا يوغا لا عزام.. شـي "النافع ربي يا حلبة" تو ولاو يرقدو و مابيناتهم مخدة اما باقي شي كل نهار نفس الحكاية طريح الخنيفري عقاب اليل لازم منو و يمشي مسكين من غدوة يخدم و جهو الكل بلايص زرق تقولش كان بايت مع "تايزن" موش مع مرتو.

وواحد اخر يقوم في اليل بالسبعة ثمانية مرات (لا موش يمشي للتوالات) اما يقوم يفركس على حاجة الله اعلم شنية و من بعد يرجع يرقد وكأنو شي ما صار.هو بيدو كيف صوروه و بعد سألوه على شنوه كان يلوج ما عرفش اش يجاوب و الحالة هاذي قالك اتبع فيه اكثر من 20 سنة.

توّا آني ما فهمتش كان عندك مشكلة و إلّا زوز. الأولى ما ترقدش و الثّانية ما فيبالكش بروحك فاش تعمل بين نومين؟ يا للّا ربّي معاك. حتّى كان ما قيتش حل هاو لقيت في الجماعة شكون يفهمك و حاسس بالوضعيّة.

@ أمين
بعد ما عملت ضحكة باهية علّي كتبتّو بنت عائلة، كمّلت إنت فلقتني بالضّحك.

يعطيكم الصّحّة :)

الثمانية غير ربع... ما زلت ساهر رغم الداء و الاعداء...
نومـــاد اضحك يا للا اش خير مالضحك انشاء الله ديما زاهين و ديما عاملين جو !
بنت عايلة ماني خوك نلقاش عندك 2 حرابش somnifere و الا حتى Valium تي نشاء الله حتى مورفين راني نحب نرقـــــــــــــــــــــــــــــــــــــــــــــد...

مادامك جبدتي الهدرة خايف نفكرك في هاك 500 دينار اللي سلفتهوملك تقوليلي نسيت !!