ماني قلتلكم اللي انا عاملة مقاطعة للاخبار المباشرة من عام 2003, و ما نقرا كان عل الانترنات... اما في الدار، الجزيرة ديما خدامة، سواء فما شكون قدامها و الا تغني وحدها. ربي غضب عليا اضطريت ندخل لبيت القعاد، قبلت وجهي للحيط بش ما نشوف شي، هيا هيا و ريت بطرطوشة عيني مظاهرة حاشدة و عباد طالعة فوق بعضها... و هازة علامات حمرا فيها نجمة و هلال! 
تصمت في بلاصتي، و عينيا زغللت بالدموع! الشارع التونسي خرج، العباد فاض عليها الدمار، بطلت من جيان و هبطت لوسط البلاد! يبارك في ترابك يا تونس! 
قبل ما نخرج نجري نخلط عليهم، قربت للتلفزة، طلعت مظاهرات في تركيا...
و يا قلبي لا تحزن!

كتبتها:bent 3ayla على الساعة: 12:57 م

تعليق غير معرف ...

Big Trap GIRL is born !!! :)

4 يناير 2009 في 2:58 م

تعليق bent 3ayla ...

يزي يا بنتي، ترصيليش في الدوانة مع البيغ!

4 يناير 2009 في 5:14 م

تعليق kmr ...

moi je dirais plutot une "barbecha"!!! ;)

4 يناير 2009 في 8:29 م

تعليق غير معرف ...

Ti lé esse3a twétiw b3adhkom mouch normaaaaaaaal

5 يناير 2009 في 1:06 م

تعليق bent 3ayla ...

لووووول، ملا افكار جهنمية يا امونة! شكون البيغ ولا البرباش؟
كان ع البرباش نعزو اما عويقل. كانك ع البيغ، مكشخ و انا clubiste !

5 يناير 2009 في 3:10 م