عسلامة، هاني بلفطت الدار و جيت نجري..
باهي، اساعة بالله علاه شرايان الشبوك مع غير معرف الاول؟ تي هاو عامللنا جو، الكل ولاو يحبو يسبقوه. تي انا بيدي شاهية ندخل معاكم ف الللعبة، نحط بوست الاربعة متع الصباح و نجي نجري نعلق عليه لولا، هههه هكاكا نسبق الكل. اما وقتها ما فماش روح رياضية..

باهي الغير معرف الثاني، انا مافهمتش اش نوة اللي ما فهمتوش؟ القصيد؟ جاني في مخي و انا نسوق كتبتو فيسع فيسع، مجرد انسان زوالي واقف يحب ياخو تاشيرة، لاهو معارض لا حارق لا شي. يحب يلقا خبزة... و عندو امل كي يخرج، مللي يكون واقع عليه الفعل (مفعول به) بش يولي هوا الفاعل، اي انو بش يتحم ف مصيرو..