يا اخي سي عمروش ما يحملش كعور ودز للاعور، قالّي تتمنيك علي خالتي زهرة علي خاطرها زوالية؟ ايا شد عندك نفهمك انتي وياها...

3amrouch يقول...

بنت عايلة حبيت نصلحلك شوية معلومات وسامحني كان باش نطول هات نبداو من الاول على خاطر لحكاية قديمة ياسر


شوف من شروط القرض مهما كان البلد هو انو الضارب متع الفائدة ميكونش مبالغ فيه والشرط الثاني انو المقترض يكون لديه دخلا جيد وقار والسجل متع الدفع متاعو جيد يعني الي يبدا خذا قبل زوز قروض وخلصهم احسن من الي خذا قرض واحد وخلصو وهكذا دواليك (فمة مقولة لهنا متع منسلفوا كان للاغنياء) الحاصل بالوقت تقسمت المؤسسات المالية في امريكيا الى قسمين:
قسم تخصص في اصدار القروض
قسم تخصص في جمع رؤوس الاموال بغرض تمويل القروض متع الناس
واضح؟اش صار مبعد ؟


القسم الثاني ولات عندو برشة فلوس وحس بالربح ولا هو بيدو يشري القروض من عند القسم الاول وهو ماادى الى ظهور ما يسمى بسوق الرهن الثانية بالفرنسية نقولوا يد ثانية دوزيام ماان على فكرة اصل كلمة سوببريميس subprimes هي يدا ثالثة جملة يعنى تروازيام شوو متع قروض.

كيف كبرت لحكاية تدخلت الحكومة وقاتلك تعرفوش كيفاش هاني باش نعمللكم شركة فيدرالية للرهن العقاري سماوها الفاني ماي تكون مهمتها شراء الرهون من البنوك كما كانت تعمل الشركات الخاصة، ولكن المشكلة انها باش تستعمل فلوس دافعي الضرائب وبحكم انها فدرالية وتابعة الدولة كانت عندها ميزة انها تاخذ لفلوس من الحكومة الفيدرالية بفائدة اقل من المؤسسات الخاصة وبالتالي سيطرت على سوق الرهن الثاني وزيد البنوك متع القسم الثاني عجبتها لحكاية لانوا عطاها سوق جديدة تبيع فيه قروضاتها وتزيد تربح من الفوق.


في السبعينات جات الحكومة وقاتلك باش نعمل خصخصة لشركة وقالت لفاني ماي برى جيب راس المال من القطاع الخاص وز يد قامو بشركة اخرى هي فريدي ماك للمنافسة وباش يطيح السوم
نعملو قفزة للامام توصلنا لعام 2002 ماهي مقينة واحداث سبتمبر الفين وواحد مازلت اثارها على الاقتصاد الامريكي خمم بنك الاحتياطي الفيدرالي وهبط الفائدة لحدود 1% حاجة عظيمة ياسر وزيد قالتلهم كان تاخذو قرض انحيلكم الاقساط من الضرائب وخممت قاتلك على كل هو ماعندو وين يهرب فمة حاجة توة نسترجع المنزل الي اكيد سومو يزيد يطلع ولذا بيع وربي معاك (تعالى الله عما يقولون) وهكذا تحلت قروضات لاصحاب الدخل الضعيف والخلاص على 25 و 30 سنة باهيشي لحديث؟.


الي صار انو البنوك بعد ماعطات لقروضات مشات تجري لللفاني ماي و فريدي ماك وباعتلهم هاك القروض الي موش مضمونة ولاو شعملو؟ شدو هاك القروض الغير مضمون وحطوها "مجمعات" من الرهون العقاريةمع استثمارات اخرى ورهون مضمونة ،الحاصل قدموه الى عامة الجمهور على كونها استثمارات "رفيعة الدرجة" المضمونة ومربحة معناها كيما صندوق الغلة ملفوق مزيان يشره وملوطا يحطو لعفن ويتباع وقعدت الامور ماشية والناس استثمرت وسوم العقار طاح مازادش حسب قاعدة العرض والطلب ولهنا كل وسيط استعمل خطة"بونزي" الشهيرة وكل واحد يمرر المخاطر للاعب الي بعدو ويخر ج هو رابح والشركات المستثمرة تكون قد حققت ارباحا نتيجة انها اقرضت الناس دون إمساكها فعيا باجزاء من هذا الربح.. او حتى بدون ضمانات كافية لاستعادة حقوقها من الناس الذين اقترضوا منها هذا الامر ادى إلى تاكل اصول البنوك التي قامت بعملية الإقراض..


نعملو قفزة اخرى للامام الى عام 2004 (حرب،عراق وانتخابات )الحاصل الوضع موش هو جاء البنك الاحتياطي قال معادش يخلصني ورفعت الفائدة متاعها ل 5.5% فجاة.
معناه الزوالي الي يخلص 2000 دولار ويخلص في 600 او 700 دولار قرض يلقى روحو باش يخلص قرابة 1000 او 1500 في الشهر؟؟؟؟؟ منين ليه وباش يعيش؟


فانهارت سوق العقارات عام 2006 ووقفت جملة عاد الشركات الى خذات القروض جاب عد ول منفذين وجابت الحاكم وقتلك نحب فلوسي والي موش مخلص يسيب الدار ويخرج وكانت قاسية مع الناس ولكن بحكم انو القروض هي تروازيام ماااان ومتضخمة فقط على الورق وزيد سوم الديار ماو طايح يعني حتى كيف تبيع متلقاش شكون يشري ومتجيبش حقه اوماترجعش فلوسك فلستشي الشركات هاذي بعدها شار ي كيما نقولو بمليار دولار مستندات ورقاق كيف باع مجبتلوش الشطر قيدو فلسة.


وبدا ت عاد تظهر العيوب وصارت از مة خلاص وكانو ينتظرو في البنوك با ش تتخطى الازمة بالاحتياطي الي عندها لكن فاقو بيه ميكذبواومظخمين لحكاية وانو مفماش برشة سيولة ومفماش احتياط نقدي كافي وملي كانت ازمة عدم خلاص ناس عادين ولات ازمة سيولة متع بنوك وتدخلت الحكومة الامريكية في خطوةغير مسبوقة وسيطرت على إدارتي فاني ماي وفريدي ماك بعد ان بدا انهما يواجهان مشاكل وقالك باش يعملولهم اعادة هيكلة جذرية.
باهي كيفاش وصل الطش للبلدا ن الاخرى؟


فمة فكرة تيتريساتيون الي حكات عليهابنت عائلة وزيد نعرفوا انو بحكم انو ميزان المدفوعات الأمريكي يعاني من عجز واضح عندو سنين معناه تستورد اكثر ملي تصدرو فكانوا يطبعو الدولارات بكثافة ويضخوها في الأسواق.. و الإقبال على عملتها عالميا يغطي ضعف اقتصادها ولما كان الاقتصاد الأمريكي يمثل نحو ثلث اقتصاد العالم.. ويجذب رءوس الأموال من اوروبا بالدرجة الأولى ومعظم بلدان العالم بما فيها الخليج بالنظر إلى الفوائد العالية التي تمنحها البنوك الأمريكية، تأثر كل العالم بالأزمة المالية التي مرت بها الولايات المتحدة.


اكاهو وفاى الدرس
حلها؟ الحصة الجا ية نعطيكم الحل


الحاسيلو يرحم من قرا وورا، و يعطيه الصحة خونا KMR كي قال اعطيو الثقة للشباب التوانسة راهم عندهم ما يقولو ف رواحهم..

كتبتها:bent 3ayla على الساعة: 11:16 ص

تعليق غير معرف ...

ya3tikom essa7a el kol 3ala eddaress al i9tisadi

25 يناير، 2009 1:16 م

تعليق titof ...

وحدو اك العمروش اكثر من رائع وين دورو يدور

25 يناير، 2009 3:26 م

تعليق weldbléd ولد بلاد ...

و خالتي "بنت عايلة" تجيب وتجلب وتخرف وحدها!!!!

25 يناير، 2009 5:07 م

تعليق WeldElkhadra ...

يعطيك الصحّة عمروش قلت كل شيء بأسلوب حلو ونشكر بنت عايلة لحلّت الموضوع...

25 يناير، 2009 6:59 م

تعليق bent 3ayla ...

ولد الخضرا، مرحبا بيك.
م الاول ما حبيتش نتعمق ف الموضوع برشا، وزيد الحق ندرك اشياء لكن تغيب عني اشياء. مازال دور قواعد الحسابات و دور البيغ فور و شركات التامين و ازمة الفوركس، كي يتفاضى الزبراط توا يحكي عليهم...

بالنسبة للحلول، هانا مزلنا نستناو في البوست متع عمروش، اما انا نرى اللي علي المستوى الفردي، كيما حكيتلكم، تقسيم الاموال احسن حل. و بالنسبة للاقتصاد، تقريبا الكل يجمع علي بقاء نظرية عمك كاينس للخروج منها، و تطعيم الليبرالية بشوية اشتراكية لتلافي وقوعها.

حكاية بش توصل لتونس ولاّ لا، هاذاكا تحصيل حاصل، اما الي بش يوصل ازمة اقتصادية مش مالية، البورصة متاعنا صغيرة و مسكرة و مقننة برشا، الاغلبية فيها ولاد بلاد مش شركات اجنبية.

اخيرا و اخرا، "ولد بلاد"، خليني محافظة علي شعرة معاوية معاك. هاو كيما نبهت عليا، ننبه عليك، اخر مرة تبربشني. انا علي عكسك مانيش باندية، لا بش نسب لا بش نضرب لا بش نضر، تي حتي تفسيخ تعليق ما نفسخش (طالما ما فيهش كلام زايد) اما كان تتجاوز حدود الحوار بش تولي تحكي و جناحك يرد عليك، بالعربي نحقرك. و كان ع الخوف، نعلمك اللي ما يقلقني شي ف ها الدنيا، و اللي ما نخاف كان من ربي واللي ما يخافش من ربي. عاد بش نخاف منك، لازم انتي تكون من النوعية هاذي... ايا سيدي، امسح وجهك بالرحمان و عفا الله عما سلف..

25 يناير، 2009 9:11 م

تعليق samsoum ...

@amrouch:
The ponzi sheme est un peu diffrerent de ce qui s'est passe ici. Ponzi est un systeme a pyramide ou le gain est paye par l'achat de securite fictives qui n'ont jamais ete achete au fait le capital est fictif.
Ce qui s'est passe ici est decrit par "Bubble" car les produits derives immobiliers sont base sur des prets qui existent bel et bien et que l'exeburance des investisseurs qui ont cru que ces produits financiers vont produire des gains importants ont mis encore d'huile sur le feu jusqu'a l'explosion de ce bubble. Cela s'est passe aussi avec les actions des societes internet a la fin des annees 90 mais a une echelle moins importante.

25 يناير، 2009 9:24 م