بالرغم الي ما عنديش خلوق ها النهارين، و شدني من خشمي تطلع روحي، و مرة علي مرة نغزر لدوا الفار نرا الفار اللي ع الباكو يضحكلي و يقلي انا الحل لمشاكلك الكل... معليناش يا سيدي،قلت ما فيها باس نعمل mini تدوينة بش نعملكم بحاجة هايلة، افار كبير و نربح ثوابكم...
اليوم الصباح تعديت للمونبري اللي ف حومتنا، بش نشري حليب وخبز و شوية فرت اخر، مزروبة في حالة، عندي ميات الف قضية لازم نخلط عليها و اليوم جمعة، جماعة الادارات من نص النهار تفصع و غدوة سبت، ودع حبيبك و انسى هواك، يا من حيا لنهارت الاثنين مع العشرة ولا الحداش... عاد اختكم متعدية نزف ف الرييونات علي مرتين شعرة لا دقدقت كرايمي بخليط الماء و الطبعة اللي تكون من صبابط العباد. ريت حضبة، قجقاجة متع ناس قدام رينون ما... الله غالب، الطبع غلب التطبع، ما نجمتش نقاوم نداء الواجب و نمد وجهي معاهم و ندز بش نخلط نشوف اش نوة ها اللي قامت القيامة عليه. من ورا ظهورات العباد ما ريتش بالقدا، اما ريت حكة كحلا و مكتوب عليها بالدوري، يعني حاجة مذخمة ياسر.
في مخي قلت شوف يا سيدي، جابولنا الكافيار وولينا دزني و ندزك بش نخلطو علي ميتين غرام عظم حوت ناتن بميات الف... زدت قدمت بش نتكولف و نعرف سومو قداه، ولو انا كي يعطيوهولي بلاش و لا كي يزيدوني عليه الفلوس ما ناكلوش، الله غالب، ما هوش كار قراجمي.
اما بعد ماوصلت لاكا الحكة الكحلا، قلت استغفر الله، مخيبو سوء الظن بالناس. انا في بالي يتخاطفو ف الكافيار و يلوحو في فلوسهم م الشباك، ياخي طلعت الحكاية لا علاقة، و العباد تشري لصحتها و صحة ولادها. المونوبري يا جماعة عملو كيما المغازات في امريكيا واليابان، و ولاو يبيعو في بعض "الدوايات" اللي ما لزمهاش رخصة. الدوا هاذا، متمثل في حكة من " الحبة السوداء"...
اهوكا ولا في بالكم ، و الحاضر يعلم الغايب.. اما الله غالب، سامحوني، م البهتة نسيت بش نطل على سومو... اما نتخيل اللي يغطيه الضمان الاجتماعي. ماو اذا كانو ما يغطيوش الدوايات اللي في الفرماسي كان بالجاه و البخاري، لازم فما ادوية اخري كيما ها النوع يغطيوه بش يلقاو وين يحطو الفلوس اللي يتقوطعو فيها ع العباد.
و الفتون اعزّك الله هو ما يذهب الشيرة و يعمي البصيرة و يسكن منك الفؤاد و يتركك تتدهمك في حيرة... و كما قال اش اسمو، الفتون جنون
للاّ بنت عايلة
غدوا يكريو فضاء للدكازات
و اللي تراه راكب سبركة قوليله صحّة الحصان
ما يبيعوش في القمل فرد مرّة ؟
http://exmouslem.blogspot.com/2009/01/blog-post_23.html
انت تكذبين...ليست هناك زحمة كبيرة على الحبة السوداء والمونيبريو لا يبيعها...وحتى عاشورن الناجيو يكذب حتى هووو...والقمل لا يوجدو الا فى شعر رهبان الكنائسو
عم الراجل غير المعرف، علاه فاضية شغل و مخ بش نقعد نسرح في ملك ربي و نتخيل؟ لا يا سيدي موجود، و اهوكا بالامارة في الريون اللي يبيعو فيه الماكلة و المتجات الطبيعية، بيو... و المرة الجاية يعيش خويا ثبت قبل ما تتخمر. هاذاكا اش قعد و هذاكا اللي مزال...
و عم عاشور زادة ماهوش يكذب، ما غير ما تمشي للسعودية بش تثبت، حل القوقل و اكتب اكا الكلمة السحرية كيما عملت انا و حط في المربع بيع القمل في السعودية توا يخرجلك الخنار...
خرنان
متاكد الي تعرفها الحبة السوداء؟؟؟
هي حبة سوداء , حجمها كالسمسم رائحتها طيبة , و هي من الفصيلة الجوزية , تزرع لحبها و زهرها ولها أسماء عديدة ففي مصر تسمى بحبة البركة أو الكمون الأسود , وفي اليمن بالقحطة , وفي إيران بالشونيز ,وباللاتيني النغللون و تسمى كذلك بالبشمة , ولها منافع كثيرة , وفيها من البركة وعظيم الفائدة مما جعل اسمها على مسمى .
مكونات الحبة السوداء :
تتكون الحبة السوداء من عناصر فعالة عجيبة الفوائد فمن مكوناتها :
الفوسفات و الحديد والفوسفور و الكربوهيدرات والزيوت التي تحمل سرّها
وأسرارها , ونسبته فيها 28% تقريباً و قد ثبت طبياً أنّ الحبة السوداء تحتوي على الكثير من المضادات الحيوية المدمرة للفيروسات و غيرها من الجراثيم والميكروبات ويوجد فيها الكاروتين المضاد للسرطان و بها هرمونات جنسية مقوية ومخصبة
ومنشطة , يوجد فيها مدرّات للبول و الصفراء و تحتوي على أنزيمات مهضمة
ومضادة للحموضة و بها مواد مهدئة و منبهة معاً.
الفوائد الطبية للحبة السوداء
إنّ ما تحتويه الحبة السوداء من أسرار وعجائب ومنافع ليقف العقل البشري مندهشاً و حائراً أمام عظمة الخالق سبحانه و تعالى فهي تغني عن الصيدلية و الطبيب و تفيد في علاج الكثير من الأمراض كارتفاع ضغط الدم و الراحة النفسية و العصبية و أمراض العيون وضغط البصر والبروستات و القرحة والدوخة وطنين الأذن و الضعف الجنسي وفي علاج الخمول والكسل , ولها باع واسع في علاج عسر الولادة وإدرار حليب المرضع وطرد الديدان والتئام الكسور والروماتيزم وفي علاج الربو وحب الشباب وجلاء الوجه وجماله وفي علاج المرارة وحصواتها والتهاب الكبد والقولون ووقف الإسهال وآلام الأسنان و اللوز والحنجرة واضطرابات الغدد وأمراضها وفي تساقط الشعر و أمراض الصدر والبرد و الأميبيا والبلهارسيا .
أيضا تستخدم في علاج القروح والجدري والبرص والرعشة والكابوس ومرض الصفراء ، وغير ذلك من الأمراض التي تصيب البشرية في أيامنا هذه نتيجة تناول العقاقير الكيماوية التي تترك آثاراً جانبية ضارة بصحة الإنسان .
فلماذا لا نشمّر عن سواعد الجدّ و الإيمان و نعود إلى الله سبحانه وتعالى وإلى القرآن الكريم , ونتجول في رحابه الطاهرة , نزكي النفس و نمتع العقل ونهذّب الروح والقلب ونبحث في معانيه التي لم تترك شاردة ولا واردة في حياتنا إلا وتطرقت إليها وكشفت عنها ستار الغموض ..... وفتحت أمامنا أبواباً واسعة للدخول إلى سعادة الدّارين : الدنيا والآخرة , وهو القائل في كتابه العزيز : } وننزل من القرآن ما هو شفاء ورحمة ولا يزيد الظالمين إلا خسارا { (2) .
*******************
الهوامش :
1—أخرجه البخاري .والسام : الموت
2- سورة الإسراء الآية : 82
3- الطب النبوي : لابن القيم الجوزية
4- الشفاء بالأعشاب والنباتات الطبية لمحمد الصايم .
5- معجزات الشفاء تأليف محمد عزت محمد عارف .
6- التداوي بالأعشاب للدكتور أمين رويحة .
7- خلاصة تذكرة داود الأنطاكي حسين عصفور
غير معروف
نتصور مع كل الي ذكرتو عالمنافع تلقى بونية موش زحمة
عاشور
متى تتوقف عن المغالطات و بناء افكارك العقيمة على افكار لا تمد لتوجهاتك بصلة
كأنك شحاذ فكري يستجدي التعاطف
والله يا تيتوف يا خويا ما لقيت ما نجاوبك... تعرف كيفاه؟ هز روحك وخوذ الكار و اهبط لباب سعدون غادي الف من يدلك علي سبيطار صالح عزيز... اعمل طلة وزور شوية مرضى و صغار بين لطفو و قضاه و شوف الدمار و كان مازال عندك قلب بش تحكي على معجزات من ها النوع، بوك بي..
بنت عايلة
شوف انا مقلتش نسيبو في الادوية و نشدو في الحبة السوداء
و انما زادة ميجيش نشبهوها بالدجل على خاطر الي اثبت فوايدها و انها قادرة على علاج برشة امراض موش انا و الا انتي و انما برشة ناس مختصة و نأكد مختصة موش دجالين كيما يحكي الخرنا و عاشور
بربي كي تقلي مختصين و اثبات، اعطيني مصادر، اللعب ف المحلول ما نحبوش...
تي اي حربوشة، انشالله اسبيجيك، تقعد اثناش سنة و تتكلف مئات المليارات الزرقا و حضبة متع post doc و الاف الخاضعين للتجارب بش يخرجوها تتباع...
تجي تقلي واحد كتب كتاب على معجزات الشفاء؟؟ سامحني، انا مخي علي قدو، اما نجم نفرق بين مصدر علمي موثوق و بين كتاب فيه م الخرافة اكثر م العلم.
نهارت اللي لابو كبير كيما انافنتيس ولا روش ولا بفايزر يقول الحبة السوداء هايلة، نجيك و نعملك تمثال. اما مادام ما برات حد، و ما صادقت عليها حتي لجنة علمية جدية، سامحني خويا.
الله غالب نجم نمدلك شقالو الدكاترة متاعنا اما الله غالب ظاهر فيك من النوع الي ميثقش بالكل في الكوادر الطبية متاعنا
على كل هاو شقال دكتور استشاري في امراض القلب
http://www.nooran.org/O/19/19-11.htm
بالفرنسية شسمها الحبة السوداء؟؟
تيتوف
تفرجت في بالمكشوف لخرة؟؟؟
اشبيه شيبوب قالك ممنوع من الاحد الرياضي؟
ياخي القنزوعي مزال يكش غادي؟
العزري اقوى من سيدو؟؟؟
تيتوف
نسيت برة اقرة تدوينة قبل الاخيرة متع عبر انها تونس
قاللهم احكيونا على القديس فلانتان هههه من توة يابوقلب بداو يبسسو
اسمها بالفرنسية graine de nigelle
لا يا عمروش و تفرج و ين مشى يبكي مشى يجري لولادة
http://www.facebook.com/home.php#/profile.php?id=1315368128&ref=nf
voici des sites intéressants:
http://www.aegypt-schwarzkuemmel.de/f/f_start.shtml et précisément http://www.aegypt-schwarzkuemmel.d [...] dung.shtml
aussi http://www.habba-sawda.com
habba sawda est l'autre nom donné à cette huile de nigelle.
ياخي إنت تفدلك بيها الحبة السوداء!
مالا باش هزت club متاعك عام ناول الchampionnat ?
ما تقولوليش الحبّة السّوداء هيّ السّينوج؟ عاد لواش من المونوبري؟ ماهو من عند الكوّاش؟ من بعد من غير ما نبهتو في سوم الخبز٠٠٠
شوف تيتوف اللى تحكى فيه الكل زايد...هاكم عباد كا تجيبلهم خبزة وتقوللهم هاذيه صانعها عربى يقولولك مستحيل...هاذوما يا تيتوف ملقحين وما يامنو كان بحاجة صانعهاولد الرومية
يا مرحبا، يا مرحبا... تي هاو تلمت الاحباب! سي عمروش، وينك يا خويا، عنا مديدة عليك لهنا..
عم ابو العربي، ياخويا خاطيني ريق الكنائس و الصليبيين راهو، هاني نقولها واشهد، لا الاه الا الله محمد رسول الله. مش خوفا منك، و لكن بش نوفرو برشا حديث زايد. ماغير ما نبداو صحري بحري.
حلها يا جماعة انو اللي يحب يجربها، ربي معاه و اللي ما يحبش، كيف كيف. ولو انو ملحوظة صغيرة لتيتوف، يا ولدي راني حكيت معاك و نعرف اللي تبارك الله عليك عندك ما تقول بروحك، اما الاستشهاد بموقع تجاري يبيع فيها، ماهوش تمشي علمي راهو.
من جهة اخري، عم ابو العربي قلت اللي مانمو كان باللي صنعو ولد الرومية، باهي علاه ما فماش دراسات و ابحاث ممولة من جماعة البترول تثبت ها الشي. يمكن هيا عندها بعض الفوائد الوقائية، علي خاطر الطب م الاول كان طب اعشاب، و لتوا جزء منو هكاكة. اما منفعتها ما تفوتش ها الحد.
أولا ما عندنا ما يلمنا كان الخير وثانيا رانى ما يشرفنيش باش نكون نخوف وانشالله ما نخافشى انا...المهم ما يكونشى عندك احكام مسبقة...وفيما يخص الحبة السوداء نعلمك ثمة جامعات سعودية وفيها دكاترة وعملوا ابحاث عليها وطلعت موش خايبة وفيها منافع...هذا بالطبع اذا بامكانك تقتنع ان السعودية فيها جامعات ودكاترة كيما بر ربى الكل...وما نقولوش تداوى السرطان ومانشدوش فى العلكة برشة لكن منافعها اكسيبتابل كيما برشة ادوية ...
يعطك الصحة، كلام معقول و هكا نفهمك وتفهمني. اما نهار كامل نحكيو علي "معجزات" و برشا عباد تسلم ف الدوايات و تهبط تزعط ف شكارة حشايش، حتي ربي ما قالش بيه.
hors sujet: aya winek???
تي اي حربوشة، انشالله اسبيجيك، تقعد اثناش سنة و تتكلف مئات المليارات الزرقا و حضبة متع post doc و الاف الخاضعين للتجارب بش يخرجوها تتباع...
tbarkallah 3lik bent 7oumti ti hak ta3ref elli famma post doc
ena inchallah fi 2010 nwalli post doc, weken sahel rabbi et je trouve un epu du temps je vais etudier cette graine, c est mon domaine ce truc des huiles essentielles mais le prob c est le financement
je viens de faire une petite recherche sur google et il y a pas mald articles sur cette graine
jettez un coup d oeil
http://www.google.co.uk/search?hl=en&rlz=1T4GFRD_enIE299IE299&q=Nigella+Sativa+sciencedirect&meta=
ولد حومتي غير المعرف، عيب راهو مش خاطر باك لاتر ولينا بقر الله ف زرع الله... لا نعرفوهم و مسيناهم و حكينا معاهم.. ربي معاك يا سيدي. اهوكا نعملو معاك تصويرة لعلا الحقل المغناطيسي متع الذكا يتعدالي.
غير معرف اللي ماهوش ولد حومتي. ياولدي ما قلناش ما فيها ما يصلح، اما قلنا il faut nuancer la flambee يمكن في حالتها الطبيعية فيها شوية فايدة اما مش معجزات. ماذابينا كان ناس علماء يتلهاو بيها، لعلا و عسى
بنت عائلة وسع بالك معاه، ما يعرفش الحبة السوداء تتباع مرحية في علب فاخرة، وزيتها في قوارير طبية، وحبوبها في sachet، أما إستعمالها في العلاج للعديد من الأمراض يعتمده الألمان منذ 25 سنة، وفي صناعة الأدوية تعتمده شركات إنتاج الأدوية الضمة في الدول الغربية منذ زمن طويل.