ما نعرفش كان تتذكرو حكاية جحا وقت اللي طاح م السلّوم ولاّ لا. اما هاو بش نذكركم فيها على ما ياتي...

سي حجا طاح نهار م السلّوم، كرايمو تدقدقت، ما قعدش فيه عظم صحيح و الصياح قبب... جاو جماعة احبابو يطلّو و يستلطفولو...

-ااااه يا جماعة كرايمي...
-لا باس لا باس، بلطف ربي..
-يا جماعة تكسرت، تشويت
-يا ولدي راك راجل، انتي ليها
- يا ناس حسسو بيا، داء مرّ نحس فيه..
- نهارين و تقوم تطنطن.
هوما هكاكة و دخل واحد يكوع و يعكز بعصا. جا بحذاه و قعد عند راسو..
-تحس بكذا؟
- اييييه نحس
- موجوع من كذا؟
-اااااخ تقولش عليك تحس ف بلاصتي.. كيفاش يا خويا؟
- ماو انا بيدي طحت م السلّوم!

عاد جحا تلفت للجماعة و قاللهم، بالله ما عاد تدخلولي كان اللي طايح م السلّوم!

الجماعة متع الاعلام كيف كيف، العباد في غزة منشّرة و كل قطعة ف بلاصة و هوما يحكيولنا ع الصمود، الناس ماهي لاقية كيفاش بش تاكل و وين تكن راسها، و هوما يحكيولنا ع الصبر و الاستبسال... بالله ما عاد يحكي كان اللّي عاش حرب!

كتبتها:bent 3ayla على الساعة: 5:41 م

تعليق غير معرف ...

we chbik metnarvsa inti ellila
hehehe
tjrs le premier

26 يناير 2009 في 11:22 م

تعليق bent 3ayla ...

يا مرحبا يا مرحبا!! كملت لهوتك يا سيدي؟ عنا عليك مدة.. انشالله امورك لاباس.
بالطبيعة متنرفزة م العوج اللي نرا فيه.. قول كل واحد يحكي علي حاجة! افففف

26 يناير 2009 في 11:24 م

تعليق غير معرف ...

rani ntol kol youm fisa3 fisa3
take it easy

26 يناير 2009 في 11:35 م

تعليق 3amrouch ...

oups
désolé hani er3ajet

27 يناير 2009 في 12:05 ص

تعليق bent 3ayla ...

يا مرحبا! الدخلة بلاش و الخروج بدينار سيدي. وصحة حمامك

27 يناير 2009 في 12:06 ص

تعليق غير معرف ...

بالله ما عاد يحكي كان اللّي عاش حرب! // انا عشت الحرب اللي صارت في الحوض المنجمي .. دونك نجم ندخل لول

27 يناير 2009 في 10:33 م