المرة اللولة جات الفازة في الخاص، عل الايميل في قالب تفدليكة، تصككت ضحك وحدي كي المهبولة و رحمت علي والدين اللي قالهالي (اتوا يعرف روحو شكون) و قلت شوف سيدي الخيال الخصب و الضمار! ونسيت الحكاية....
نهيرين مبعد كيف كيف وحدة اخرى تقدم و توخر و تبعثلي صويريخ ارض جو من ها النوع. قالك ها الريق هذا شبعنا منو، كان تحب برا اعمل اعلان زواز علي بزو و معناه و ما تكسرلناش كرايمنا! و انتي نهار كامل تشكر و تمدح في رويحتك...
اش بش نزيد نقول؟؟
انا وحدة م الناس شكيت في روحي، قلت لعلا في اللاوعي متاعي بالحق، قاعدة نحرقس ونبرقس و ما في باليش؟ زدت عملت سبر اغوار، طليت هكا هكا، لا، ما فما شي! ما عنديش نية مبيتة للزواج. و اكيد انو نهارت اللي نحب نكب سعدي بيدي ما نيش بش نلوج ع الراجل في البلوقوسفار. مع احترامي للجميع، اما هوا واحد تعرفو سنين ربي و t'es jamais a l'abri des surprises . خليني بش نحكيوا عل النات، اوه علي بابا!
ياخي انا جيت ندون وليت نعمل ف الدوانة؟ ايا سيدي حلها نمشي نعاود نصلح اكا البروفيل، و نعتذرلكم (زادة؟؟ برا خوذهم علي قد عقلهم) علي اللبس اللي صار و عل الازعاج اللي سببتهولكم.
اما حبيت نقول حويجة برك، راني كي حطيت عمري، علي نيتي، قلت بش ما يقولوش اللي انا فريفتة، راني مش majeure وملقحة برك، راني متمسحة (جاية من التشبه بالتمساح) يعني فت اكا العمر متاع حماس الثورات و براءة الاحلام العريضة و سذاجتها وقصص عبيرو اكا الريق.
و هاو مقطع من رواية ذاكرة الجسد اكا القصيدة اللي كتبها الفرادي زياد و اسمها "مشاريع للحب القادم"... نهارت اللي نلقى اللي يستحق انو نهديهالو، وقتها نستدعاكم تشطحوا في عرس بنت عايلة. ايا اتفرهدوا يا مدونات و عليكم امان الله يا مدونين.
"تربّص بي الحزن لا تتركيني لحزن المساء
سأرحل سيدتي
أشرعي اليوم بابك قبل البكاء
فهذي المنافي تغرّر بي للبقاء
وهذي المطارات عاهرة في انتظار
تراودني للرحيل الأخير..."
"ومالي سواكِ وطن
وتذكرة للتراب.. رصاصة عشق بلون كفن
ولا شيء غيرك عندي
مشاريع حبّ.. لعمر قصير!"
و الفتون اعزّك الله هو ما يذهب الشيرة و يعمي البصيرة و يسكن منك الفؤاد و يتركك تتدهمك في حيرة... و كما قال اش اسمو، الفتون جنون
التعليق الرابع قتلني بالضحك ،
أما الي خلاني نعلق هو انه تدوينتك عندها علاقة مباشرة بتدوينتي و تدوينة سمسوم و حكاية اللهوة ببعضنا و خصوصياتنا
معناها كل كلمة فيها حصيلة
و في الآخر وليت بومة حاشاك و تلوج على راجل
قداشنا مساكن و بره و مازال علينا بكري
bon courage
يابنتي طفيهم، ماو التنبير عنا رياضه شعبية! و زيد غايرين من موهبتك .
...أما قللي متأكدة متحبش تعرس اب واحد مل بلوغسفير..
p:
بون اول مرة ممكن باش نتفق مع الهالك التعليق رابع مقتلة ضحك الله يتولى صاحبو اما محقكش بدلت البروفيل
نتصور كان جيت حاطة اسمك وجبدلك عليه تمشي للاقرب بلدية و تبدلو
عادي يا بنتي راو موش الناس الكل باش تصفقلك
وبرا كي تلوج على راجل ههههههه
حق مشروع -نتفدلك راو
enfin bon courage w ya3tik sa7a
:)))
les chiens aboient.. la caravane passe... haha
ama brabbi 9olli, chbehom ken lawled commentewlik 3lih il post hedha???mouch ghriba chowaya???lool
ancore une chose, misselich il post
le5er mte3 il dommar, brabbi habbtou
w marra o5ra, ya3tik essa7a, t'as un talent certain
بنت عايلة
هو التساؤل مشروع
ولهنا كيما ك.م.ر نتسال وينهم لبنات في التعاليق؟
ممكن ياسر مولى التعليق الرابع يطلع طفلة غارت منك ؟؟؟خافت منك ؟
على خاطر راجل لاطاح لادزوه جاي يسمع فيك في الكلام قالو شنوة فاق بيك تصطاد وبرة العب قدام داركم ...صعيبة شوية ممكن يعمل مجهودو في الاول وكان مخطفش وقتها ربما
الحق هذا رياكسيون متع بنات
شوف شكون من صديقاتك تكرهك
سي عاشور و الاخ تيتوف مع بعضهم في محلي؟؟ يا مرحبا و ربي يستر! اما يا وخياني بشوية علي بعضكم راهو كان تنغرو انا ما نجمكش!
كان علي الدخول ف الخصوصيات، هاذيكا هوية وطنية مانجمش نلومهم. و كان ع الحق المشروع، ما قراوهولناش ف التربية المدنية، صارا هيا الحكاية هكا و انا سخايبتها تهمة ؟؟ شوف سيدي!
ريسيروس علاه عندك تراس تحت يدك؟؟؟ اتوا اليوم نعمللكم تدوينة ع العرس!
ك.م.ر لا لا يعيش اختي (ماو اختي؟) خليني عايشة حياة افتراضية كلها عصافير و فراشات تزقزق، ما يزيش هم الدنيا، طنش، فنش، تنتعش!
عمروش... حلوة التصويرة اللي حطوهالك ف الفايس بوك متاع الصور المتحركة. اما ع البوست، لو جيت عميا و صميا، نشم ريحة البنية من استراليا فيه!
ايا سيدي معليناش!
بنت عايلة
اممممم
سمعت علي ملا وعلى افكاري الحجرية ؟هههه
اي باهي كيف وليت غني عن التعريف شيء يثلج الصدر
انا مانعرفكمش بصفة شخصية بالطبيعة، اما التصاور معبرة برشا! مانقصدش اللي انتي افكارك حجرية، اما بصراحة شسمها اكا الشخصية، نسيتها ديجا، اما cute
اما من جهة اخرى ،مهما تكون افكارك، اللي يعجبني فيها انو ما فيهاش عنطزة فارغة. راي يسمع فيحترم!
c'est LES PIERRES A FEU mta3 Yubba dubba doo
kenou ya3diouhom avant a la télé wa9teli kent ticket première 1200 lol
tawa brabbi ken jit "o5ti" n9ollik chbehom ken lawled ykommentiwlek??? 7asb(a) rou7i m3ahom ??????
lè yella! un jeune homme de la blogo, illi makich newia te5ou minhom!!!;)
يا ولدي عداك العيب! مانقصد شي راني... اما ك.م.ر سخايبتها لغة sms لقمر!
يا مرحبا بيك يا سي ك.م.ر (زعمة هاذم حروف الاولي متع اسمك؟ هاو الكلوف بدا)
يا ولدي لاني ناوية ناخو منهم لا هوما ناوين ياخذو منى! هانا كمشة صحيبات حبيبات و ربي ليك الحمد! راو ما تفسد بين النسا والرجال كان كي تدخل فيها حسابات من تحت الطاولة
:-)))))))))))))))
kima 9al 3ammrouch hethi ma tkoun ken anonyma mouch anonyme ama vraiment chay ydha7ak (-;
(((((((((((:
je n ai pas un blog, je suis un simple commentateur est ce que j ai des chances?
Ti 7ata wallaw tlawéj fi rajél wala 9atous, qu'est ce que ca peut lui faire! non mais!ou est le mal?
Meme si evidement na7na on ne cherche pas. Mais supposons que ce soit le cas.
Mala 7ala yesser go3r franchement
bizz
ايا هاو سيدة البيت و امونة زارونا ما قعدناش ولاد صافي! سيب عليكم و قولولي اش نية حوالكم؟
غير معرف : هاهاهااا، حلوة منك! اما راني نخوف، بر اقرا البوست الجديد!
الزبراط ؛)) ما تقول لحد عاد!
يزينا عاد
(;
مرحبًا، أنا سعيد جدًا الآن لأنني حصلت اليوم على قرض بمبلغ 60 ألف دولار من هذه الشركة الجيدة بعد أن جربت عدة شركات أخرى ولكن دون جدوى هنا رأيت إعلان Sunshine Finance وقررت تجربته واتبعت جميع التعليمات. وها أنا سعيد اليوم، يمكنك أيضًا الاتصال بهم إذا كنت بحاجة إلى قرض سريع، تواصل معهم الآن عبر هذا البريد الإلكتروني:
(contact@sunshinefinser.com) أو
واتساب: +919233561861
شكرًا.