علاه توا بالله اختكم بنت عايلة بلوغها كي البراكة اللي علي حرف الشط؟ لا زينة لا تصيويرة، حتي ربع gadget ما عنديش... 

ما فماش مدون ولا مدونة ولا غير معرف تعدا من هنا و قالك مسيكنة تسخف خلي الواحد يربح فيها ثواب؟ ماو قلولي، وريوني كيفاه نعمل. نموت بحسرتي في قلبي وانا نتفرج ف الحيط الابيض متع المدونة؟ 

برا يجعلكم كيما الجمعة بين  الايام، كيما رمضان بين الشهور...
يجعملكم كي الرمانة مل الداخل مليانة ومل برا مزيانة....
يجعلكم غابة و الناس حطابة...
يقوي سعدكم و يعللي وعدكم...
يعطيكم الذرية بجاه خير البرية...

ايا اللي يعبر ف الفورماتيك، يبعثلي ع المايل و يقلي كيفاش نعمل، ما كانش بش نعمل قراف و نكتب كان الكبي... 

و الله لا يضيع اجر المحسنين...

كتبتها:bent 3ayla على الساعة: 2:16 م

تعليق عاشور الناجي ...

99 عام، سودة شعري تل و جلدي خيشة، ثرثارة و كلوفية و شوهة و مانيش نلوج علي راجل... باهيشي هكا؟؟ !!


و زيد تحب نعاونوك من فوق ؟؟

شوف تلقاش قطوس يصطاد لربي

12 يناير 2009 في 3:03 م

تعليق WALLADA ...

عليك بالبرباش ، هاك حاطتو في قائمة المدوّنات إلّي تعجبك و أحنا مطفيّتنا إمّالا هو الّي يعاونك

12 يناير 2009 في 3:16 م

تعليق bent 3ayla ...

هكا توا سي عاشور؟ (فرد مرة علاه عاشور؟ نقصد علاه ملحمة الحرافيش؟ اساعة اولاد حارتنا و خاصة ادهم، ولا الاه في مخاخ العباد.... معليناش) مفماش لحمة وطنية بين افراد الشعب؟ مفماش تكافل الجهود و تظافر القوى ، خدمة انسانية يا اخي! ولا انتوما الولاد ما تعملو مزايا كان ع البنات اللي تشحط و ترخف؟

ولادة، ماو انتي سكتلي فمي بمزية توا نحط الليان متاعك عشرة مرات؟
زيد م الفوق، بيناتنا عاد، مش انا اللي حليت البلوغ، ماني بقر الله في زرع الله، حلولي، و عطاولي صفحة بيضا و قالولي اكتب. و كي قلتلهم نحب نحط ليانات، اللي معايا و سع بالو شوية برك... اذا هكا الحكاية اتوا نحطو التن-بلوغ الكل!

12 يناير 2009 في 4:33 م

تعليق femme au foyer ...

brabbi ya jme3a 3awnouha bech ma tghayenhech 3lina rana wellina modemnin lel blog mte3ha ;-b

12 يناير 2009 في 4:56 م

تعليق Haykel AZAK ...

ahla bik esma3 kolli ech hachtek bedhabet, quels genres de gadgets veux tu mettre?

12 يناير 2009 في 5:22 م

تعليق bent 3ayla ...

خمسة و خميس علي ولد حومتي. اما ما لقيتش ايمايلك بش نجاوب!
نحب نعمل fond d'ecran, la gallerie des visiteurs et un lecteur

merci d'avance!

12 يناير 2009 في 5:27 م

تعليق MERKHI souheil ...
أزال المؤلف هذا التعليق.
12 يناير 2009 في 6:41 م

تعليق MERKHI souheil ...

( بكل توشويش)

بربي كان جاوبوك اعمليلي ترانسفير

وخيك مازال نيو نيو في الدومان

انشاله فرحتك

12 يناير 2009 في 6:45 م

تعليق tamtouma ...

èna n7ebou haka ton blog, méghir tsawer lé chey...le plus simple le plus beau!! essa3a par rapport l ejmè3a el kol elli yebdèw 3amlin majhoud on dirait chkoun y3abi akthar l'espace vide todh'horli enti yesser originelle ;)

èna 9otlek w enti dlilek mlak. ama kèn 7yèni rabi, avec ou sans gadgets bèch ntol w na9ra elli t5antbou el kol :D

12 يناير 2009 في 7:24 م

تعليق Ashistic ...

السامبليسيتي باهية لكن ثمة عفصات باهين يصلحو...
إذن يا بنت عايلة كل ما ترا فازة تعجبك في بلوڨ ابعث لمولاها كان حاطط امييل سينون خليلو تعليق برولو فيه بكلمات على التدوينة و حطلو"Ps" ملّلوطة فيها سؤالك ..

12 يناير 2009 في 7:37 م

تعليق brastos ...

مدونتك خفيفة روح .. حتى بالحيط لبيض متاعها

:)

tu te connectes .. tu signes..mise en page..ajouter un gadget .. image..parcourir .. tu choisis l'image que tu desires publier..ouvrir .. testanna chwayya .. enregistrer..

12 يناير 2009 في 8:40 م

تعليق غير معرف ...

علاه توا بالله اختكم بنت عايلة بلوغها كي البراكة اللي علي حرف الشط؟

base bent ezzahra wella bouguarnine/hammam lif
rak bent 7oumti

12 يناير 2009 في 10:24 م

تعليق bent 3ayla ...

خرنان، لا انا ارتحت، لقيت شكون ولد حلال بش يعملي الدعزقة هاذي الكل...

براتوس، يا ولدي الله مني اللي نعرف نحل المدونة، نزيد ندخل لاكا الدغاغر؟ وزيد تبعت، لوجت، اللي حاشتي بيه مافماش.. ولو انو الاصح ما عرفتش نجبدو.

تمتومة و ميتلاستيك، لا باقين ف السامبليسيتي..

غير معرف. استر ما ستر ربي... و كي بنت حومتك، توا كي تبدا عندي دبوزة قاز، نستنجد بيك

13 يناير 2009 في 5:52 ص