الله غالب، قد نهرب من حكايات الولاد والبنات و نقول شعفة و توبة ما عادش ندخّل بيناتهم لا بالحسنى لا بالسيئة، و هيا هيا الشي خالط عليا و مارجينلي عيشتي معاهم. نهار كامل و انا تليفوني يضرب، بكاء و نواح و يا بنت عايلة ايجا احضرنا محضر خير. ترصيلي هابطة نجري و نلحلح و نزقدح يا ولدي يكون منك العقل يا للّا يكون منك الثقل...و فاتورة الصلحة ف القهوة توفى ف الاخر ف راسي انا زعمة زعمة مبروك سماحهم. الله غالب ماو عندي بال واسع ع المرج و نعرف كيفاش نهول سفاسف الامور و نصغر عظائمها، اللي يكون مظلوم يولى يحس روحو ظالم و قريب يبوس الساقين و اللي يكون ظالم يولي يبكي على سعدو وعلى قلبو الحنين وكيفاش استغفلو الطرف المقابل.

نسخايب روحي اطلعت علي جميع انواع الخور و العوج، اما الجمعة هاذي هبطت عليا صاحبتي كي القضا المستعجل دموعها انهار و وديان و وجهها ازرق. انا ما غير ما نشعر قلتلها الله يرحم من مات، الدنيا غمضة راهو... الطفلة تترما عليا و خنانتها هابطة و بعد جهد جهيد نجمت نترجم اكا التبرطيم اللي تحكي فيه بما معناه لا، مش وفاة، خطيبها -مع وقف التنفيذ- قص معاها. ف الحالات الاستعجالية هاذي، الخطوات اللازمة هيا انك تدخلها، تركز قدامها باكو موشوار بو ميتين ورقة ناعم ذو طيتين، تخليها تندب شوية و من بعد تجيب معاك حاجتين، مراية (بش كي ترا منظرها تسكت) و يا ايترا قلاس كان الحالة صيف يا كيلو شكلاطة كان الدنيا شتا.

بعد القيام بالاسعافات الاولية قعدت ركزت معاها بش نعرف الداقزة شنيا. خاصة و انو الكوبل هذا اخر كوبل ف الدنيا كنت نجم نصدق انهم يتفارقو. بيناتهم قصة حب عظيمة عندها اعوام توا، و امورهم الكل هانية و كانو بش يتخطبو علي قريب. الراجل متربي و بخدمتو و بشهايدو و حاطط تفتوفة للعرس و هيا طفلة حليلتها بنت فاميليا و الف من يتمناها. يعني حسابيا المباراة محسومة. صحيح م اللول الراجل كان داخل على تعدية وقت اما وقت اللي شافها ما اقتنعتش بالحجج البيدونة اللي قدمهالها (وهيا قول الولاد الكل قارينها فرد مكتب) و باقي ما رخصتش روحها و ما تنازلتش على مبادئها، ولاّ قلب الفيستة وعرف اللي بش يوصللها ما فما كان ثنية الحلال.

الحكاية و ما فيها، انو سي الشباب العاشق الولهان، اللي يعرف الطفلة توا ثلاثة سنين و قاريها و حافظها، يطلع بالصدفة واحد من صحابو كان يقرا مع صاحبتي ف الليسي. كي سمع بيه بش يخطب جاه و هناه اما قالو خسارة ماعرفتش تختار. الطفلة هاذي انا كنت نخرج معاها و بعد ما "شبعت" و فديت منها، رميتها على طول يدي. باللي حلفتلو اللي سي الصاحب هاذا هوا اللي حفا وراها و هيا طفاتو و باللي جابتلو شكون كان يقرا معاهم بش يأكدلو كلامها، شي... قالك بالحرف، حتى لو كان كلامها صحيح، هوا مجرد انو صاحبو فكر فيها ولاّ طمع فيها خلاتو يعيفها ويحس اللي هيا كيفها كيف بنات الشوارع و ما تنجمش تكون اهل للفخر العظيم انها تحمل اسمو. واهواكا البنات اكثر م الهم ع القلب و هوا علي شكون يرضى!

بالله في بلاصتي اش بش تقوللها؟ نمشي نتعرضلو و نفسدلو خلقتو؟ ندغرو بموس؟ نعملو شاورما؟ نحرش فيه خليقة؟ انا هيا الصلحة اللي مزلت ترجا فيها مع راطسة هكا... اخطاونا من حكاية صاحبتي على خاطر حتى لو كان رجعلها، انا وحدة م الناس نقتلها و نشرب من دمها كان ترجعلو. اما اللي خلاني نغلي دخلاني، اللي الحكاية هاذي، ولو بدرجات متفاوتة ولاّت غناية الرجال الكل يغنيو فيها.

قالك يا سيدي في تونس النسا اكثر م الرجال، والبنات تتجارا وراهم، وهوما علي شكون يرضاو. و زيد م الفوق ماعندهمش ثقة ف البنات علي خاطر الكل هملو، و فوق هذا و دونو، اش كون اللي مزال يعرس؟و يعطيه الصحة اللي هوا يقبل بيها مجرد صاحبة و شوف و شوف وحدها ولاّ مع فيلق متع بنات. يعني بش يحصللها "شرف" انو يوليو يعطولها مدام فلان، لازمها تكون فلتة زمانها... انا يا اخي نحب نفهم اش كون كذب عليهم ها الكذبة؟

اش كون اللي قاللهم اللي هوما سحرهم لا يقاوم؟ و اش كون اللي قاللهم اللي العرس غاية البنات ف دنيتهم؟ و شوف عاد اش كون اللي يتجاراو وراهم؟ زعمة وحدة تكبش ف واحد كي قرقنة و تعبدو و المعبود ربي،و ما تحبش تفهم روحها و لا عندها قرام كرامة، تتحسب ع البنات؟ لا يا سيدي، الانسانية بكلها براء منها! و نحب نفهما هاذي، كي الطفلة تبدا في حالها، يكبش فيها و يبدا ساقيه تحفا وراها و هات يا كلام هات يا سلام ، يا كدوات يا غزل يا بصل، هيا تتلفتلو و قلبها يبدا يدق، يقلها لا سامحني ما نجمش ناخو وحدة رخصت روحها!

يعني مجرد انو الطفلة يولي عندها مشاعر تجاه السيد، يعتبرو هوا سايي، ما عادش تلزمو. من جهة يحبو الطفلة الدلولة اللي كلها مشاعر و احساسيس و الانوثة تقطر منها و تبكي كي تتفرج على فيلم و تخاف كي ترا كلب ولا قطوس، و من جهة لازمها يكون قلبها حديد و ماتبّعش مشاعرها (اللي يكون غالبا هوا المتسبب فيها بالاصرار والالحاح) ولازمها تخمم بمخها و ما تضعفش بش ينجم يامنها على اسمو... اما رد بالك ما يحبهاش مسترجلة ولا فظة ف التعامل... برا فهمهالي هاذي...

و يا اخي اخطاونا م حكاية العذرية و العلاقات قبل الزواج... فهموني، ياخي اللي ياخو ياخو جهامة؟ ياخو بدن؟ انا فما بنات نقعد نتحسر علي ايامي اللي ما جيتش راجل بش ناخذهم و ما نتحرمش منهم كي يكون دقيقة. فما ناس مجرد وجودهم يجيبلك البهجة ف حياتك، اكا النوع متع العباد اللي قلبها كبير وديما تضحك و ديما تشجعك وتعطيك جوانج و تامن بيك و تخليك تامن بروحك اكا اللي مجرد ما تسمع صوتهم ف التلفون تحس الدنيا ولات قزوردي... باش تشريه هذاكا الكل؟ تشريه باللي هيا خرجت وقت اللي كانت فرخة مع فلان، ولا اللي هيا اتخطبت و البهيم ضيعها من يدو و انتي ما تحملش فكرة اللي راجل اخر اشتهاها؟

و اعذروني يا لبنات على التشبيه اما ياخي تسخايبوهمش اكا المجلات المذخمة اللي تجي ملفوفة ف شكارة بلاستيك، كي ما تلقاش الشكارة تبطل و ما عادش تشري المجلة؟ ياخي اللي حل الشكارة و قراها قبلك هز معاه الكلام المكتوب؟ ماو الفايدة و المتعة ف القراية مازالت هيا بيدها ما نقصتش! اما زايد... و افهمو اللي انتوما هكا نهايتكم ما تطيحو كان م اللي هربتو منو و تستاهلو على خاطر اللي عملتوه ف الخلق بش يرجعلكم!

ايا سيدي راجعو حساباتكم، راكم غالطين برشا، و البنات اللي اكثر م الهم ع القلب، كان البنات اللي بالحق هم، اما الكعبات النظاف اللي مازالو integres و الي فما فما، عملت عملت ما عملتش ما عملتش، راهم كعيبتين و شوف هوما يرضاو بش يدخلولك الفرحة لقلبك بوجودهم ف حياتك ولاّ لا!

كتبتها:bent 3ayla على الساعة: 3:42 م

تعليق Alé Abdalla ...

تدوينة رائعة لواقع مؤسف. المشكل أنّو أغلبية الرجال في تونس مصابين بمركّب نقص على المستوى الجنسي و الإجتماعي... و زيد فوق من هذا النظرة التشيئيّة للمرأة.

27 يناير 2009 في 5:23 م

تعليق femme au foyer ...

elli mo5ou 5amej w 3andou hal tefkir erej3i 7atta ki ye5ou tofla ndhifa men chkaret'ha (kima 9olt enti) yo93ed toul 3omrou chekek w yhalwas et dans la plus part des cas yo7ssel w t3addiha 3lih bent omha
:-)))

27 يناير 2009 في 5:33 م

تعليق غير معرف ...

تخلف و عقد وامبعد يقولو أحنا عنا مبادئ و ما نحبوش ولادنا و بناتنا يفسدو كيما فى الغرب تبالقليلة فى الغرب العلاقات العاطفية قائمة على الحب إلى يحبو بعضهم يتعاشرو ما يقفوش على قلى و قتلك و هاذى بنت فاميليا وهاذى لا لازمنا نراجعو شوية رواحنا و يزينا من النفاق الإجتماعى إلى قتل كل شيء
حاجة أخرى
شمعناها طفلة نظيفة و طفلة موش بنت عايلة
Dépassons un peu ces préjugés à la con, vraiment ça devient dégoûtant Qu'est-ce que une fille bien ? celle qui reste vierge jusqu'au mariage ? Celle qui résiste aux tentations de la chair ? Vivons et laissons vivre, chnouwa hal ham hedha.

27 يناير 2009 في 5:44 م

تعليق FREE-RACE ...

الطـــيــبـُـون للطيـّــبات .

27 يناير 2009 في 5:55 م

تعليق 3amrouch ...

والخبيثات للخبيثين

27 يناير 2009 في 6:04 م

تعليق FREE-RACE ...

@alaeddine ben abdallah

:)

27 يناير 2009 في 6:25 م

تعليق 3amrouch ...

فراس
هههه
اشبيك خويا

27 يناير 2009 في 6:29 م

تعليق غير معرف ...

Free-face et 3amrouch, qu'est ce que vous apportez avec vos commentaires ? C'est quoi le but ? Quel est votre point de vue ? et en quoi il est constructif ?

27 يناير 2009 في 6:39 م

تعليق 3amrouch ...

mimoua
primo
commence par donner le tien
secondo
c'est un sujet qui ne m'intéresse guère
j'ai une formation d'économiste pas de psychologue

27 يناير 2009 في 6:42 م

تعليق 3amrouch ...

j'etait juste de passage et j'ai voulu saluer bent ayla et aussi pour pouvoir suivre les commentaires pour me marrer un coup

27 يناير 2009 في 6:44 م

تعليق 3amrouch ...

أغلبية الرجال في تونس مصابين بمركّب نقص على المستوى الجنسي و الإجتماعي
تخلف و عقد
préjugés à la con
Vivons et laissons vivre
تي هاو جو كبيرلهنا ههههه
دعه يعمل دعه يمر
يرحم والديك بنت عائلة في هالموضوع لازمتهم حويجة هككة باش يعبر على مقصودهم

27 يناير 2009 في 6:51 م

تعليق femme au foyer ...

maimouna@
rahou 3amrouch client fidel l9ahwet bent 3ayla w win hetha yet3adda ya3mel chicha w sa3at borj tajin wssif et parfois ya3mal talla w yarmi eslem w yet3adda
;-))))

27 يناير 2009 في 6:54 م

تعليق غير معرف ...

Tu as parfaitement raison,c'est vraiment triste .Je défie quiconque qui prouve le contraire de ce qu'a dit Alaeddine Ben Abdallah.Le tunisien est un mysogine ..Au fond il considère sa petite amie une pute lorsqu'elle couche avec lui,il dit qu'elle est complexée lorsqu'elle refuse de le faire,il se donne le droit de faire l'amour avec n'importe qui alors qu'il n'accepterait jamais que sa femme ait embrassé quelqu'un à l'age de 14ans.La femme tunisienne souffre,elle n'est pas libre de disposer de son corp,elle est tjs stressée par l'idée de dépasser la trentaine sans trouver un mari,tout ça a cause de l'héritage arabo musulman qui a réduit la femme à un objet sexuel pour son mari,une machine à produire des enfants,une esclave qui accepte de partager son mari avec d'autres femmes,une débile mentale qui manque de raison,un objet de désir qui doit etre eloigné du regard des autres, l'homme a le droit de la frapper,de la répudier,..Débarrassez vous de ces vieilles conceptions,c'est injuste,la femme est aussi créative,talentueuse que vous.Le sexe est aussi important pour vous que pour la femme espèce de minables

27 يناير 2009 في 7:03 م

تعليق غير معرف ...

J'ai exposé mon point de vue et il est clair.
oui bien sûr, la culture des cafés et de la chicha, notre fierté nationale. Les femmes qui attendent le mariage pour avoir des rapports sexuels avec soi-disant l'homme aimé se prostituent, il n'y a aucune différence entre donner son corps pour de l'argent ou pour obtenir un contrat d'exclusivité, se vendre au plus offrant.

27 يناير 2009 في 7:11 م

تعليق غير معرف ...

Bravo à Bent 3ayla comme d'hab un sujet fort interssant avec une touche d'humour et d'amour qu'elle seule detient le secret.

@Alaeddine:D'ou sortez vous toutes ces statistiques affirmer que la plupart des tunisiens ont un complexe sexuel.Avez vous une source concrete ,un nombre exact sur llions ou un pourcentage.et pourquoi citer les tunisiens specialement et non pas les autres pays est ce que les complexes sont une exclusivité tunisienne une sorte de "Trademark" je ne nie pas que certaines personnes manifestent des symptomes de complexe et de jalousie maladive mais de la a affirmer que la plupart des tunisiens sont complexés "Sam7ni mennek"!

@Maimouna:Ceci un espace perso et personne ne vous oblige a donner un point de vue constructif un blog n'est pas une academie et les bloggeurs ne sont pas des professeurs universitaires en + les comment de FreeRace ainsi que celui de 3amrouche SONT des points de vue.grosso modo il veulent dire qui'il existe une justice universelle et que si t'es qq1 de bien ben t'epousera qq1 de bien c'est aussi simple que ca "et ils vecurent heureux jusqu'a la fin de leurs jours"
on peut considerer ca comme une regle et bien sur comme pour toute regle il existe des exceptions et certains exemples echappent a cette derniere comme l'exemple du prophete Noé (que la plus soit sur lui) s'etait un homme pieux mais sa femme ne l'etait pas pareil pour la femme de pharaon .
http://www.almeshkat.net/index.php?pg=qa&cat=2&ref=989
@Ancien Myso:Alors toi t'es vrmt un chef d'oeuvre à commencer par ton pseudo et si tu commencais par nous donner la recette miracle qui t'a transformé d'un myso à un comment dire "non myso" ?
"Au fond il considère sa petite amie comme une petite...blabla..." wow quel souci du detail j'en reviens pas !
Comment tu fais pour decrire aussi bien ce qui se passe par la tete des gens.tu ne serait pas par le plus grand des hazards en train de nous raconter ce qui passe à l'interieur de ta tete à moins que tu ne sois psycologue?
et puis Il n'y a pas que la femme tunisienne qui est angoissée par l'idée de rester célébitaire à lage de 30 ans c'est un concept universel toutes les femmes du monde à un moment veulent se marier et fonder une famille elles sont poussées par leur horloge biologique parcequ'elles savent que plus elles avancent dans l'age plus c plus difficile de concevoir un bébé et par la suite foner une famille (je sais une famille ne resume pas à des enfants seulement)
je ne joue pas au fin connaisseur mais meme si la femme ne s'interesse pas au mariage le fait de savoir qu'un moment de sa vie un certain organe va s'arreter de fonctionner ca vous met forcement la pression ca vous angoisse et ca vous manque (ce qui explique entre autres (hormones et cie) le changement d'huemur apres la menopause.
bent3ayla je ne suis pas d'accord ac l'histoire "mte3 echkara" car je suis contre l'idee des relations avant le mariage mais bon chacun est de libre de penser ce qu'il veut etis ca ne m'empeche pas d'apprecier la facon avec laquelle tu decris les filles.

PS:ya3tik walla .."fa chahitni bach n3arress !tu ne cherchais pas un homme beau intelligent jeune (euh ...pas riche) ?
desolé ken tawwalt

27 يناير 2009 في 8:42 م

تعليق bent 3ayla ...

يا ها الخطا السعيد.
يا جماعة، الطيبون للطيبات، انا يظهرلي رد متع انسان يقول ف مخو انشالله نسلكها. تره، خليني نسال، اناما حكيتش ع الطفلة اللي تكذب و تلتجا لعمليات تزييف. تره سي عمروش و فري راس، هل (يا نهار اسود) تقبلان الزواج بفتاة عاشت حياة جنسية قبل و جات و اعترفتلكم و هيا elle l'assume ؟ هل تقبلان الزواج بفتاة -خ نقولو عذراء المرة هاذي- لكن فما شكون جا وحكالكم بيها و عليها وصفتها و نعتها؟

سي علاء الدين و ميمونة و الميزوجين القديم، يعطيكم الصحة، اما ولو انا مش مشجعي التطرف المقابل، يعني اللي تحب تقعد عذراء و اللي مساعدها، هيا حرة. و العزوف ع الجنس حتى الزواج ظاهرة عندها مؤيدين حتي البرة.

المشكلة ف نظرة الراجل و المجتمع و بالتالي المرا بيدها لبدنها علي اساس انو ماهوش ملكها. اللي هيا عساسة عليه لين يجيو اماليه. و العساس وين ينجم يغافل و يسرق حويجة لروحو، ما يرحمش...

ايا سيدة الدار، اجبد بلاتو الحلو خ نظيفوهم حويجة

27 يناير 2009 في 8:43 م

تعليق bent 3ayla ...

سي امين، سامحني كليمتين، بالطبيعة اللي عنا اسلوب حديث فيه مبالغة، سواء اللي يعلقو ولا انا بيدي. و هاجس الثلاثين يزيد يتدعم بفكرة العذرية... يعني كي صايم الدهر، هاو يستنا ف رحمة ربي. بخلاف الضغط متع فكرة تعرس = مرغوب فيها، ما تعرسش = الله غالب عليها. يعني تنجم تقول سوقها ماشي ولا لا... هذا حقيقة ف مخاخ برشا بنات للاسف.

و رد الولاد هوما احرار فيه، اما حسرة كي تجي الفرصة و نحبو نعرفو اش يقوللهم مخهم و ما يجاوبوناش. يمكن مش اختصاصيين ف علم النفس، لكن حسب علمي شباب توانسة و هوما بيدهم معنيين بها الاتهام! شوف يا سيدي حليناها محكمة

كان تحب تعرس،اش بيه، نشوف لخويا، هات مواصفاتك و مواصفات اللي تحب عليها و نحط ع الليست داتونت متع عمتي و كلوفية! ساتيسفي او رومبورسي!

27 يناير 2009 في 8:51 م

تعليق غير معرف ...

désolé pour les fautes de frappe (llions -> llions,foner -> fonder, fa" -> far7,psycologue ->psychologue)

27 يناير 2009 في 8:52 م

تعليق غير معرف ...

S'il y a quatre femmes de libre trentenaires ou quadragénaires, je suis preneur .
C'est pas normal que je sois seul alors qu'il y autant de femme de disponibles .
Franchement c'est un gros con celui qui a interdit la polygamie
.
C'est un vrai gâchis, c'est pas normal .

bon je renouvelle encore mon offre, je sui disposé à prendre 4 femmes .Attention les premières arrivées seront les premières servies .Au dessus de 4, je ne peux pas , c'est interdit .

27 يناير 2009 في 8:53 م

تعليق 3amrouch ...

بنت عائلة
كيما سبق وقلت فمة زوز مواضيع معادش نحكي فيهم ومايعنيونيش والكلام فيهم تضييع وقت بالنسبة لي على الاقل هوما الحجاب والعلاقات قبل الزواج
منراش روحي نحلل واناقش في طفلة اختارت الصراحة ولا اختارت الكذب كل واحد اش يصلح بيه وكل واحد وتربيتو.
الاستشهاد بالغرب لهنا غالط لانهم هوما يعرفو اش يعملو ويتحملو مسؤليتهم في الي يعملو فيه الطفلة تلقاها واثقة من نفسها وعارفة وين تحب توصل وهكا فمة مساواة وثقة بيناتهم
احنا ونراهنكم تثبتلو العكس 90 بالمائة كان موش الكل من البنات تعدات عليهم واتدخفو ومبعد وين تتهرد تقلك حرية شخصية لا سامحني كلها تبدا تلعب في الخفيف لين تحصل ذات يوم وهذاكة اش يخلي هاك الواقعة ذات اثر سيء وهذاكة اش يخلي الطفل يحسبها بمنطق عديتها عليها وخدمت مخي وكبيتلها سعدها لكن في الغرب فمة رغبة مشتركة بعلم المجتمع وبعلم دارهم وفمة تحمل مسؤلية وكيف تقعد حكاية عديتها علاها تقعد حكاية الخوف من انو الراجل يقابل نهار الي مشى مع مرتو الاول والي بالطبيعة باش يضحكلو ضحكة صفراوية والراجل كان فيبالو باش يحشم
موقف بايخ ومحرج
هذاكة منين يجي الشيء موش عقليات لكن حاجة موش متاعنا وفقط
جاب ربي قلت منحكيش فيه الموضوع هههه

27 يناير 2009 في 9:20 م

تعليق bent 3ayla ...

يا سي عمروش كي انت ما تحبش تحكي فيهم، سامحنا ع القلق يا سيدي، انتي حر. باااهي اخر مرة بش نحكيو عليه معاك، توا حكاية انو البرة الجماعة الكل متقبلينها الخ الخ، انا شخصيا نعرف ناس -مش ولاد عايلات برك، لا من اعيان البلاد بالحق و دار شيوخة- قبلو اللي بناتهم تعيش كونكوبيناج مع ولاد، و الناس الكل فرحانة، اما الي قريب بش يقيمو عليهم الحد هوما الجيران و الصحاب، المجتمع عندو ما يقول، رضي الخصمان و لم يرضى القاضي....
و نعرف اللي امام جامع، وقريب بش يحطوه ع الليستة الكحلا متع الارهاب وراضي اللي بنتو تعيش البرا مع "زميلها" في دار فيها بيت نوم وحدة علي خاطر ما ينجمش يخلصلها مصروفها البرا. اما كي ترجع لتونس ف الصلاعة يفرض عليها الحجاب -اوووبس سامحني موضوع محرم عليك واحد اخر- ها الانفصام ف الشخصية و الحرص علي نظرة المجتمع هوا اللي بش يخرجنا من حوايجنا.

سي المريش، ايا يعيشك، ترصيلناش نبحثو و نشدو عويم حبس!

27 يناير 2009 في 9:27 م

تعليق femme au foyer ...

barra al3ab 9oddem darkom ya mrayech welli 9allek elli ensa akthar mel rjel yektheb 3lik rahou! w a7na nsa tounes ma n7ebbouch chkoun ycherikna fi rjelna ;-)

27 يناير 2009 في 9:41 م

تعليق 3amrouch ...

لا موش قلق بنت عائلة ؤلا محرم عليا
فقط نعتبرهم تفاهات ومواضيع شاذة هههه جيت فقط باش نقرا ونتثقف من عقلية اولاد وبنات بلادي ونبدا نقرا ونقول يبارك في تونس اش تجيب وتكركر ههههه تسلية وبرة
بالنسبة لاعيان البلاد الي تحكي عليهم نعلمك انو العقليات تبدلت ومعادش فمة اعيان بلاد ههههه توة برة اسرق الفيسك وترفك في ادارة وحل مشروع وتمشي في يدك لفلوس تولي عين متع لبلاد من وقت الي ولات تتشرى بالفلوس معادش فمة اعيان قالو امام جامع ساكت على بنتو اتقى الله واعرف اش تحكي تعرفو انت شخصيا السيد ولا اذاعة قالو

27 يناير 2009 في 9:44 م

تعليق bent 3ayla ...

لا يا سي عمروش، انا ما نحكيش باذاعة قالو، من ابجديات النقل و الدقة انو نحكي علي شي ريتو بعيني، ولا ف اتعس الحالات من عباد ثقات. اما ف حكاية كيما هكا، لازم ريتو بعيني ولا سمعتو بوذني من مولى الحكاية.
اعيان مش معناها عندو فلوس، لا، دار شيوخة، معروفين ف تونس، ايمة اب عن جد، غير الواحد ما غير ما يسمى. والبو متفتح وقالك بنتي حرة ف بدنها.

و كيف كيف امام الجامع و المتفقه ف الدين مخبي ع العباد و مافيبالهم بالحكاية كان اخوتها و امها. انا وحدة م الناس شاكة اللي عرسلهم ع العرف الجاري بش يوفق بين ها النقيضين.

27 يناير 2009 في 9:57 م

تعليق abu arabi ...

وديما كيف العادة والله لا تقطعلنا عادة ...الداء فى كبدة البقرة...الداء فى الائمة والمشايخ...هوما سبب البلاء...توا كان نجبد على مضار الخمر توة تقوم عليا القيامة وترصيلى نلعب خمسة اربعة واحد

27 يناير 2009 في 11:00 م

تعليق bent 3ayla ...

يا سي ابو العربي يهديك، ما تعملش وقف حمار الشيخ ف العتبة. توا جبدنا ع المشايخ ف اطار مثال، اللي المجتمع ماهوش بكلو فرد كلمة، اللي فما هكا و فما هكا. و انا ما قلتش المشكلة منهم، لكن مثال من جهة يصدم و من جهة يقول القايل كان هاذم و قبلوها، و الرسول و خذا الثيب، يجي اللي استفعل ف بنات الخلق و يبدا يتجبد؟ هاذا المقصود يرحم بوك

27 يناير 2009 في 11:05 م

تعليق FREE-RACE ...

السلام عليكم.... ههه
... خلي الواحد يلتزم بأصول الشكل, و يبدأ بالبسملة و إلقاء السلام...

و بعد,
فقد إنتصبت لجان الرؤية في المرتفعات و التـــراكن و الزوايا و حـــديقة البلفيدير ... بل و في الصالونات و المقاهي في حي النصر و ضفاف البحيرة و الملاهي و المعاهد و المساجد و الخمارات و الكليات ... وثبت بعد طول تامل أنه فعلا و بدون شك "الطيبون للطيبات"...

بالفلاقي= الباهي للباهي ..ولو بعد حين... الصبر بركة...بلاش زربة يعيــّــشكم...

قال الفرنجة=
Birds of the Same Feather Flock Together

بالعربية القحة=

الطيور على أشكالها تقع..

المسالة ليست صراعا بين الذكر و الانثى...ليست صراعا بين الرجل و المراة... كفانا تسطيحا للأشياء=

علاش تتطرح المسالة كأنها مناوشات بين مدافعين عن حرية المراة.. و بين مظطهدين لها..

بعض المدونات الأناث يتموقعن في موقع المدافع عن حرية المراة , عاقدات العزم أن يكون ردهن رادع و فوري ضد كل ذكر قد يستفزهن حتى على سبيل المزاح ( بنت عايلة و مريومة انموذجا :) من غير غش عــــاد )

يا بنت عايلة=
أظنك في لحظة إنفعال عابرة إنجررت للتدليل على افكارك و الحجاج عيها بأسئلة بدائية ذكرتني بتلك التي كنا نطرحها على بعضنا ايام المراهقة العابرة من نوع : هل تقبل الزواج من عذراء لكن سـُـــمعتها مش طيارة برشا ؟ ههههههه

طبعا مش بش نجاوبك تفاديا لشخصنة الموضوع...
لكن باش نعطيك نصيحة متواضعة لصديقتك اللي سيبها صاحبها بعد 3 سنين عشرة=

ننصحها باش تفرّق خبزة..
تفرّق خبزة عربون فرح لنجاتها من براثن رجل قد لا يستحفها قبل ما تتورط أكثر و تعرس بيه

لازمها تفرح و تخلّص مبروك على خاطرها منعت و سلكتها من ورطة ... كانت باش ترتبط براجل مهتز الشخصية, يغرق في كأس ماء...يميح مع الارياح وين تميح...كلمة تهزه و كلمة تجيبه..

بعد 3 سنين كان لا بد أن يكونا قد وصلا لمرحلة إمتزاج الأرواح هههه... بمعنى " أنا و إنت واحد "...
اي ان علاقتهما لو كانت سليمة ... ما كان ليهزها قول قائل بتلك البساطة التي وصفتها في تدوينتك.

لذلك, المسالة ليست بالقتامة التي تدعونا للبحث في التربية الجنسية للرجل التونسي... المسألة لا تتطلب الإتهامات التعميمية للرجل التونسي بالتخلف و إنفصام الشخصية...

فالرجل التونسي رومانسي جدا إذا أحب... و الرجل التونسي فنان في عشق المراة ... بل هو عاشق بالفطرة... ومحب للمراة منذ نعومة اظفاره ...

إبحثن جيدا و ستجدن الدرر ... كفاكن سلبية و تشاؤما... الرجل التونسي يتميز بالدفئ و العاطفية و العطاء... انظرن حولكن و ستجدن مليون تجربة عاطفية ناجحة إجتماعيا و عاطفيا و جنسيا إلخ إلخ

الإستثناءات او فشل بعض التجارب لا يبرر الهجوم على الرجل التونسي بهذا التعميم الفظ

بل هو فرصة لبروز بعض "البزناسة الفاشلون الجدد" البارزون من خلف للظهور بمظهر الرجل المتفتح الغير راض عن المعاملة المتخلفة للمراة.. ليضع الجميع في سلة المتخلفين جنسيا و إجتماعيا... و ليظهر نفسه كبديل ناضج و واع ومتفهم لخصوصية و حقوق المراة..

27 يناير 2009 في 11:19 م

تعليق bent 3ayla ...

يا وخي، انتي تحكي و انا الدموع تتلقلق في مقلتي.. وينهم؟ وينو الراجل التونسي الرومنسي؟ ما غير ما نبدا نذمو، الباهي و الخايب موجودين. بالحق فما، اما وينك، قعدو كعبتين ف الفترينة نطيرو بيهم ف العين.

انا يا اخ فراس ما فماش حاجة تفددني قد اللي يبدا يحكيلي علي حقوق المراة، اكا الحركات النسائية تكسرلي كرايمي، وقول جمعية للدفاع ع المعاقين و حقهم ف عيش كيما لخرين. لا مانيش مدافعة عليهم، انا ندافع علي مبدا الحرية و احترام قناعات و اختيارات الاخرين -طالما ما تضركش و طالما محافظة علي حد ادني من اخلاقيات التعامل. انا ضد التعامل مع الراجل ولا المرا و لا القرودة بمنطق اللي هيا سلعة، الراجل ماهوش مكتوب، و المرا ماهيش غشاء بكارة. العلاقات الانسانية اسمى من هكا ببرشا.

27 يناير 2009 في 11:28 م

تعليق 3amrouch ...

في عز الكلام سكت الكلام
واغرورقت اعينهم بالدموع بعد ان تبين لهم كم كانو مخطيئن
ريتو مسهلها الدنيا وقداش عميقة وبليغة كلمة الطيبون للطيبات

27 يناير 2009 في 11:29 م

تعليق bent 3ayla ...

يا رب نجي نشطح ف عروساتكم (ولو عنا ف العايلة عيب الشطيح ف العروسات، اما علي خاطركم ميسالش) و تأكدولي اللي مازال الخير ف الدنيا، نتمنالكم بالحق انو ربي ينولكم علي صبركم...
اما انا الحق الحق، مازال عندي تحفظات علي اكتب ع الحوت و سيب ف البحر وتوا الزهر يجيبلك اللي تصلح بيك. علي خاطر عنا مشكلة ف مجتمعنا و في عوض نحكيو عليها و نراجعو مواقفنا، سوا الولاد ولا البنات، تي،لا، توا ربي يعمل دليل نهار م النهارات...

27 يناير 2009 في 11:37 م

تعليق abu arabi ...

شوف يا بنت عايلة...راك بنت عايلة...افهمنى ومن بعد اخنقنى...موش قصدى انهم منزهين وللا ما يعملوهاش...قصدى انو التركيز على مهنتهم ما كانش ضروري..الامام وللا الشيخ راهو موش وسيط وللا نبي...هاذيكه مهنة...وكيما يمكن يعملها الامام والشيخ يعملها الطبيب والمهندس والاستاذ الجامعى لكن التركيز على رجال الدين ما يساعدشى على التسامح وازالة الحساسيات وبالمناسبة موش انتى المقصودة بكلامى...بكلنا نتحملوا المسؤولية...حتى التركيز على الفنانين نشوفو غير مناسب...نعرف اللى صعيب انو الانسان يصنصر روحو بروحو...لكن الله غالب ضرورة حتمية للتعايش...مع تحياتى

27 يناير 2009 في 11:43 م

تعليق غير معرف ...

3asla el post

28 يناير 2009 في 12:00 ص

تعليق MERKHI souheil ...

Pourquoi quand on parle des relations de couple hors du cadre conjugal, on se restreint à bloquer l'homme dans un coin et prends sont pieds à le maculer de toutes les couleurs. Comme s'il est le seul responsable de tous les maux. Ils ont été pourtant deux dans leurs ébats et deux à en jouir (si la femme a de la chance).

Pourquoi vous croyez que l'homme changerait alors que la femme refuse de s'émanciper ?

La femme qui considère que le mariage est son but ultime, qui considère qu'un mari est un pilier fondamental dans sa vie, celle qui accepte des candidatures à la carte ou sur entretien, celle qui croit dur comme fer que le mari est un toit qui va la courir, celle qui refuse d'écouter son corps, mais qui accepte d'écouter un courtisan, celle qui "cède" au lieux de désirer. La femme qui n'a pas le courage de ramener son petit ami à la maison, celle qui n'a pas le courage de dessiner sa vie et de la vivre comme elle la désire n'est pas une femme émancipée.

C'est votre combat mes dames, et personne ne le mènera à votre place, alors ayez le courage de vous battre au lieu de nous hurler votre mépris à des hommes comme vous, prisonniers par les même tortionnaires et hantés par les mêmes démons.

28 يناير 2009 في 12:26 ص

تعليق غير معرف ...

Vous n'avez pas à légitimer ou à banaliser les relations sexuelles avant le mariage, que ce soit pour les filles ou les garçons.J'avoue que de nos jours bcp d'hommes jouent avec les sentiments des filles et en disposent aussitôt qu'elles cèdent..mais le fait est que il reste encore des jeunes hommes intègres qui refusent de se comporter de la sorte.De quel droit les obligez vous à épouser une femme qui a cédé à la tentation,qui s'est recousu et qui prétend être une sainte nitouche !!!

28 يناير 2009 في 1:16 ص

تعليق غير معرف ...

فالرجل التونسي رومانسي جدا إذا أحب... و الرجل التونسي فنان في عشق المراة ... بل هو عاشق بالفطرة... ومحب للمراة منذ نعومة اظفاره ...


La langue de bois , aucun argument,aucun exemple,juste des déductions personnelles,une généralisation banale de la personalité du tunisien..A force de lire les journaux boudourou,tu as fini par adopter leurs style d'ecriture

28 يناير 2009 في 7:33 ص

تعليق FREE-RACE ...

@souha

لغة فيها شوية خشب صحيح... فيها تأثر بالأستاذة فتحية عدالة خنشة و اخبار الــ8 أكثر من الصريح و الشروق... شكرا لتنبيهك =

لكن زادة النوع اللي ذكرتهولك موجود:
أنت زادة ما يلزمكش تنطلقي من تعميمات و خلاصات شخصية... ظاهرلي الموضوعية تقتضي باش ننصفوا برشا رجال توانسة. تحملوا مسؤوليتهم في علاقتهم مع الطرف الآخر بكل أمانة.
الرجل التونسي محب للمرأة .. و هذا شيء نلاحظ فيه يوميا:
صحيح برشا يتطرفوا في نظرتهم و تنحصر رؤيتهم في الجانب الجنسي الغرائزي بالمعنى الفظ للكلمة...لكن برشا زادة عندهم رؤية حالمة.. و يبحثون عن شريكة حقيقية في الحياة...

يا سهى .. لا داع للرؤية السوداوية... شوي امل و نشاء الله أمورك واضحة...

ههه ...الجملة الأخيرة كأنها نصيحة متاع المنشطين متاع هاك البرنامج الحقير "فرّغ قلبك" ...

28 يناير 2009 في 9:23 ص

تعليق bent 3ayla ...

افكاركم الكل تسمع فتحترم.
اما سي ياسين بالله وقتاش ريتني نحب نفرض حاجة علي عبد؟ انا قلت خوذوهم بالسيف؟ والله ساعات نشك ف اللي كتبتو، لعلا كتب حاجة ف اللاوعي و انا ما فيباليش؟

و سي خرنان كذلك، يا ولدي ماهيش حرب، ياخي بش نولي نتزعم عصابة البنات المتحررات في بلاد التغييرات و نعطيهم اللي هذي دبوز وين يلقاو راس مربط ينزلو عليه؟ انا ما طلبت كان حاجة برك، بالحق اللي نحنا البنات لازم نلقاو حل للحالة المكربة الي ولينا فيها، اما زادة يا اخي عاونونا، كان مش بالفعل، ع الاقل بالنية الحسنة. مش انتي تمشي مع الراجل بنيتك و تاثق فيه و تخليه يولي دنيتك الكل و ف الاخر يطلع وينك، ف بحر اخر...

28 يناير 2009 في 10:08 ص

تعليق غير معرف ...

vous écrivez sur ce sujet avec tellement de rage et de trippe qu'on dirais que c "une autobiographie".

28 يناير 2009 في 10:21 ص

تعليق bent 3ayla ...

برااااا، هاو التعليقات اللي تحب تفحمك و تسكرلك فمك! كان جبدت ها الحكاية راهو بيك و عليك... علاه كي نجبد ع الدجل، انا اللي وقعت ضحية تحيل؟ كي نحكي على التعليم، انا اللي خرجت م السيزيام؟ كي نحكي علي اي حاجة مش بالضرورة اللي انا داخلة ف العجة. و يا سيدي لنفرض جدلا انو هاذيكا الحقيقة و اللي انتي كشفتلي كوارطي... و مبعد؟ هل انو المشكلة تفضت؟
نكتب بغل على خاطرني نحس بالمشكلة، مانيش قلب ميت، المجتمع متاعنا وبلادنا و الانسانية الكلها تهمني.

28 يناير 2009 في 10:29 ص

تعليق غير معرف ...

par ce commentaire je m'adressais à bent 3ayla bien sur

28 يناير 2009 في 10:30 ص

تعليق غير معرف ...

je voulais dire qu'écrire sur quelque chose que t'es directement ou indirectment impliquée dedans donne un petit gout de subjectif.

28 يناير 2009 في 10:33 ص

تعليق Happyness ...

Au début n9oul ya3tik essa7a 3ala hal mawdhou3
Bellehi ya free race ken famma rjél roumanssiiiiiiin winhom (hani el tawa ma rit 7ad)
c vrai kima famma bnét béhia w 5ayba kif kif l rjél
ama je vois ke errjél y7éssou b rwé7om akthar men kawnhom y3abour 3ala 7obhom l mra w zid yétchartou yésser ya3ni y7ébouha sébga w jarréya w ma tekelch ech3ir
haw exple 3a tayer, wé7ed battal men wa7da 5aterha dabdouba chwaya (croyer moi chwaya ya3ni 5kg de plus au max 9allek n7ebha stayla w héka el but mté3 ay rajel kawnou yal9a fi martou elli y7ab 3lih
w zid ettofla ma fiha ma yét3ayeb ya3ni mezyéna baaaarchaaa w metrobiya baaarcha w 9ariya w te5dem w 7adha 7ad rou7a ..... ma 3andi man9oul ken etayybouna l tayybét :)

28 يناير 2009 في 11:14 ص

تعليق Ghoul ...

On en revient toujours à la même question : est-ce que la femme est l'égale de l'homme???

28 يناير 2009 في 11:58 ص

تعليق 24Faubourg ...

la femme ne sera jamais l'égale de l'homme. la place de la femme est sa maison, son foyer.je suis pour la polygamie,et je le revendique haut et fort. autre chose: si tout cela n'est pas possible comme c'ets le cas en Tunisie, c'est en grande partie à cause de l'homme. donc il doit assumer que la femme sorte,travaille, couche, se fasse tripoter, aime, largue t se fait larguer...et celui qui n'accepte pas ça eh bein il n'a qu'à essayer de changer la société comme ont essayé de grands hommes auparavant. sinon qu'il se taise à jamais!

28 يناير 2009 في 4:02 م

تعليق غير معرف ...

a3azz post ds ton blog

28 يناير 2009 في 5:30 م

تعليق Ghoul ...

24faubourg, je me demande si tu acceptes d'être la deuxième ou la troisième femme d'un homme, puisque tu es pour la polygamie?

Sinon, je penses que ce n'est pas question de changer la société (qui le peut réellement?), il faut se changer soi même, et rester honnête.

ça suffira

28 يناير 2009 في 5:40 م

تعليق resiros ...

فالبدايه نحب نعلق على حكاية المجلة والشكارة، صحيح الكلام المكتوب مازال في بلصتو أما فالعادة، كي يتحل المنتوج يطيح سومو ويسمى بالإنجليزية : second hand

أما معليناش، تعلقي مش على العذرية و كان لازم يحتفظ بها وإلا لا، تعلقي تعبير على وجهة نظر راجل تونسي ميرضاش يعرس بوحدة ماهياش عذراء: أنا.

للتوضيح أنا مسلم، و بش نحكي على أساس هذا، صحيح فما الملحد إلي بش يقلك السيد معقد و عندو komplex و سبب البلا هو الإسلام... و مكثرهم فالبلوغسفير، إنقلو لكم دينكم ولي ديني.

نرجعو لموضوعنا، علاش سيادتي معقد و منرضاش باللي غلطت.
توا حط روحك في بلاصتي، شاب مسلم عاش حياتو، عمل الباهي و عمل الخايب، ثم جاء النهار وين بدا يخمم يأسس عائلة، تقول إنت اش يحب و بشكون يرضى:
ماو وحدة يحبها وتحبو ويصونها وتصونو، وحدة تهنيه على ولادوا، ملإخر وحدة تخاف ربي وتصلحو كيخرج عل طريق المستقيم، و بالطبع هو زاده عليه فرد واجبات .
توا بربي كيفاش بش تهنيني وحدة مخافتش ربي كي زنات؟ على أنا قيم بش تربيلي ولادي؟
تقول إنتي غلطت و تابت و شكون فينا ميغلطش، أختي ربي يغفر، أما أنا ماني كان إنسان لاعلم لي بالباطن: منين تحبني نعرف نواياها و كان تابت وإلا لا.
وزيد توا كيما انا صنت روحي حتى العرس من حقي نستنى المقابل منها.. ولا؟

نهايةً نحب نجاوب علي قلك "بنات تونس فسدوا":
زعمة فسدوا مع شكون؟

للأسف تفشى الإنحلال الأخلاقي في تونس، و للتوضيح و بش ميهبطوش علي بتهمة خوانجي: مقلناش نرجعو للسفساري والكف، أما من رأيي لازم يكون فما شوية حدود،مثلاً مش لازم وليد والا بنية 16 سنة يروحوا مع الفجر!

سلام

28 يناير 2009 في 6:10 م

تعليق bent 3ayla ...

مرحبا بالجميع، اللي موافق و اللي ماهوش موافق.
انا ما قعدلي كان كليمتين برك. حكاية اتذكرت ف الانجيل، و بش نستشهد بيها للدلالة متاعها، مش من منطلق تنصيري لا خرم.
قالك السيد المسيح متعدي را جماعة شادين مرا زانية و بش يرجموها. ما قاللهم كان جملة برك :من كان منكم بلا خطيئة فليرمها اولا بحجر. الناس الكل رمات الحجر من يدها.

و يوفى الحديث.

28 يناير 2009 في 6:39 م

تعليق غير معرف ...

http://bent-3ayla.blogspot.com/2009/01/blog-post_02.html
+
http://bent-3ayla.blogspot.com/2009/01/blog-post_27.html

=
???

excusez moi bent 3ayala, mais je constate que vous abordez ce sujet souvent et toujours du même angle. comme si il y avait un vrai clash entre les 2 sexes en tunisie.
qu'est ce que vous cherchez à prouver au juste ? que la femme est une éternelle vicitime (un peu comme les juifs) est ce que ce statut vous convient ?
le réel problème chere demoiselle qui ronge notre société est l'hypocrisie, la mauvaise foi, l'incivisme qui y régnent et ce à part égale dans les relations homme-homme comme homme-femme, tout comme femme-femme.
alors pourkoi ne focaliser que sur un seul aspect ??

29 يناير 2009 في 10:57 ص

تعليق bent 3ayla ...

لا يا عم غير المعرف، ف تدوينة صاحبتي ريم، كنت متشوكية منها هيا، م الطفلة اللي بعد ما عملت اللي ما يتعملش، قررت بش ترجع الكونتور للزيرو. انا النفاق هذا يقتلني، ما نفهمش اش نية الحياة الزوجية اللي بش تبدا م اللول بكذبة قد راسها. لكن ف نفس الوقت، حسيت بنوع م العدالة الالاهية ف الحكاية. علي خاطر عادل بيدو اللي عملو ف بنت الناس حرام.
المشكلة نحكي عليها برشا، علي خاطرها قاعدة تصير برشا. راهو الحكايات الي نحكيها ماهيش من وحي الخيال، حكايات من الواقع، نرا فيها و نسمع فيها. يمكن الاسلوب قصصي و تبسيطي، اما اللب من وحل الواقع.

مادام جبتني بصفة شخصية -الله اعلم علاه- نحب نزفلك بشرى اللي انا ما عندي حتي مشكلة شخصية مع طفل، بالعكس، انا الولاد اغلبيتهم صحابي، و اقربلي م البنات اللي نحطاط منهم برشا. و اذا كان تقصد من منطلق علاقات عاطفية، كيف كيف، ناكدلك اللي ما تربطني حتي علاقة بشبابنا الاغر و اللي انا للاسف عندي رجاحة مخ تخليني ما نعطهمش الامان -للاسف مرة اخرى!- علي خاطر كيما قتلك، صحاب و يحكيولي... و ما نحبش نكون ف بلاصة البنات هاذوكم.

29 يناير 2009 في 11:06 ص

تعليق غير معرف ...

"La femme qui n'a pas le courage de ramener son petit ami à la maison, celle qui n'a pas le courage de dessiner sa vie et de la vivre comme elle la désire n'est pas une femme émancipée.
"

Mais qu'est-ce que tu racontes ya khernene ?

Ma femme elle me ramène son ami à la maison et pas qu'un seul même. Je n'y vois aucun inconvéniant,je suis très open.
Donc il n'y a aucun souci pour moi mais bon comme la liberté des uns finit là ou commence celle des autres . Et ben je ne suis pas d'accord quand il met ma chlaka, c'est pas normal il n'a qu'a apporter la sienne ave lui. Bon j'aime pas non plus qu'il se serve de mon oreiller ni de mon peignoir ni de mon peigne. Ah oui chuis comme ça moi, j'aime pas qu'on touche mes affaires mais comme ma femme elle est émancipée et ben le reste elle en fait ce qu'elle veut ça ne me dérange pas du tout.En plus j'aime bien regarder ça me fait jouir .Mais par contre j'aime pas les microbes alors je la lave avec de la javel après qu'elle est servie à un autre .
je trouve que c'est bien je ne suis pas jaloux et je suis très e, avance sur le monde entier personne ne l'est plus que moi. je suis très fier de moi. Faites comme moi, soyez ouvert et comprenez les besoins de votre femme laissez-là ramener son petit ami à la casa . Vous êtes vraiment retrograde trop refermés vous devriez avoir honte de ce que vous êtes et vous ne savez pas ce que vous ratez. Par exmplle on apprend beaucoup de chose que l'on ne connaissait pas .Voilà j'ai tout dit .Qu'est-ce que vous en pensez, je suis bien n'est-ce pas ?

29 يناير 2009 في 1:33 م

تعليق غير معرف ...

الملعومة الاولى مصدرها من كتابك .موسوعة العمل الحر “كما يقول Joel فإن بعض الناس يولدون دون توفر الشريحة الذهنية المنطقية بعقلهم – حسب وصفه- والتي يمكن ان تعالج مفهوم المؤشرات وهذا سبب في كون (90%) ممن يتخصص في علوم الحاسب ينتقل منها في العام الأول” وشكرا

19 مايو 2013 في 4:38 م